هلا أخوي Mnaief
هونداي أفضل من الياباني .. في حالة تعتبر هي الأغلب
عدداً لمستخدمي السيارات عموماً
الحالة هي .. إنك تشتري سيارة وتستخدمها 3 - 5 سنين
هنا أقولك الهونداي أفضل وبكثير ومن عدة نواحي من الياباني
السعر - الأداء - المواصفات - الجودة - إلخ
بشكل أوضح .. بسعر السيارة اليابانية تشتري سيارة كورية
مقاربة لها في الجودة وأكثر منها في الـ ( المواصفات - الأداء - إلخ )
ما يتميز الياباني عن الكوري إلا حاجة وحدة وهي
يعيش لمدة .. أطول .. من الكوري
فإذا الواحد من النوع إلي يكد السيارة عشر سنين
في هذي الحالة أن أول من يقول له .. تويوتا أفضل
وعلى فكرة ما قلت أن هونداي أفضل من اللكزس
كل ما ذكرت إن هونداي ستنافس اللكزس
وحرف الـ السين هنا تعني مستقبلاً
أما الألماني .. فهونداي وحتى اللكزس بكبرها
ما يشمون الهواء عند السيارات الألمانية
ياهلا وسهلا بمشرفنا العزيز مايكروسوفت .. :)
الله يهديك .. :) أجل هيونداي أحسن من الياباني ! متى صارت وأنا أخوك
لاتقولي سوناتا أفضل من كامري او افضل من التيما او اكورد او جالنت ... الخ من السيارات اللي تصنع بالياابان او اللي تحمل شعار شركه اصلها ياباني :)
معليش اخوي ميكروسوفت .. بأعطيك ثلاث سيارات يابانيه هل تقدر تقارنها لي بأي سياره كوريه ؟
اللكزس 460 .. والـGS430 والليجاند الجديده 2008 وضف عليهم الإنفنتي M45
بذمتك فيه سياره كوريه تصف مع هالاربع هذي ؟!
مستحيل إنساك عاقل وفاهم يبي يقول فيه سياره كوريه تنافسهم.. قارنها طبعا بالمواصفات وللحين ماجينا للجوده ! :)
عندنا غلوريا من شركه نيسان موديل 2000.. والحين لها سابع سنه عندنا تقريبا..وماشاء الله تبارك الله !
هدوء ورساوه وقوه وكل شي .. وعايشه ولا أحلى..وعندنا لكزس LS400 موديل 96 .. ماشاء الله عيني عليها بارده اللكزس :) هذي لها بحدود الـ12 سنه عندنا
تدري انها ماكيد قالت اح ولا قالت أبي وكاله أو ابي ورشه ..الله يتمم عليها
يا اخي اذا جيت تقول كوري افضل من ياباني .... حط بالإعتبار لكزس وحط بالإعتبار هوندا وحط بالإعتبار نيسان ووحط بالإعتبار انفينيتي ..
مستحيل ان هيونداي تتفوق بالجوده أو المواصفات حتى على السيارات اليابانيه .. قد تتفوق سياره او سيارتين كوريتين .. لكن بشكل عام .. الكوري لم يصل لمواصفات او جودة الياباني
على الطاري .. تقدر وانت طالع من بيتكم تعد لي كم سياره لكزس LS400 عايشه للحين وكم سياره كوريه عايشه ! >> ( انا طلبت سياره وحده بس من بين اكثر من 20 سياره )
وصدقني..انك تلعب على نفسك اذا قلت ان الكوري افضل من الياباني .. ولاتقول ان هيونداي بعد 2005 تغيرت..! انا معك انها تغيرت وصارت أفضل بكثيررر ..
لكن معقوله بظرف سنتين او خمس سنين تتفوق على الياباني بكبره !!!!
ياخي ترى اللكزس موديل 96 الامان في القير حقها افضل من الأمان في القير للأزيرا 2008 :)
واذا كان الكلام توقعات كلها..فأنا أقولك ترى في يوم من الأيام تشيري راح تنافس تويوتا وهوندا :)
اذا هي على التوقعات !
أما الألماني .. فهونداي وحتى اللكزس بكبرها
ما يشمون الهواء عند السيارات الألمانية
مايشمون مره وحده ! :)
يكون بعلمك .. ان سيارات لكزس اليابانيه أخذت المركز الأول في الإعتماديه على المدى الطويل .. ( يعني بعد 10 او 11 سنه )
اتمنى اننا مانكابر ونلعب على انفسنا ونقول ان هيونداي تنافس الياباني !
انا شخصيا اتمنى هالشي مستقبلا .. لكن الآن ... توها هيونداي بأول الطريق
