تــويــوتا شيــكـ فـ الجيــب ..!! ( كــفــى كــذباً ) ... !!!

تويوتا في أواخر الثمانينات وبداية التسعينات كانت ممتازة وخصوصا مع موديل الكريسدا طيب الذكر ولكن بعد ذلك تفاوتت النوعية واختلف بلد التصنيع و (ضاعت الطاسة)

تويوتا شيك بالجيب ايام الكريسيدا والكراون وايام الهايلكس اللي مايخرب فيه الا فرامله فقط .. ايام سيارات المكده والكرف .. ايام ولت وولى زمانها ..

تحياتي ..

خالد :)

انا لا اطلب منك لاثبات ان وجهة نظري خاطئة بل لتحاول اثبات ان وجهة نظرك صحيحه :)


ليس المقصد ان اقتنع انا فقط بل ان يقتنع الناس كلهم ... الا تدافع عن ارائك وتحاول اثباتها ؟

السلام عليكم

النقاش رائع ومثمر رغم بعض التجاوزوات التي اتمنى الا تتكرر

ولدي نقطة اضيفها بحكم تجربتي

مقولة شيك في الجيب لاتعني فقط مسك القيمة

ولاكن تعني ايضاً سهل الصرف

يعني لو عندي سيارة تويوتا كامري ورحت المعارض ممكن احصل بدل الزبون عشرة يبون يشترون السيارة حتى لو مش بالقيمة الي ابيها ممكن تنقص شوي
ممكن اوقفها في معرض وتجيب سعر مقبول خلال اسبوع او اسبوعين بالكثير
مثال صاحبنا ان السيارة شراها ب85 الف وما جابت غير 74 الف ريال
ممكن لو وقفها في المعارض تجيب 77 الف ريال (فرضياً )

لاكن لو عندي دوج ورحت المعارض ممكن يمر يوم ولا يومن ما حد يسأل عنها ولا يلتفت عليها
واذا وقفتها في المعرض ممكن يمر شهر ماحد يسومها واذا جات تنباع ما تجيب حتى ادني سعر لها
نقول مثل الكامري شارينها ب85 الف ريال
ورحنا المعارض اذا تنزل احد وسام ممكن يعطيك 40 الف ريال
واذا وقفتها المعارض وبعد شهر ولا اثنين اسامت ب40100 ريال

اتمنى ان تكون الفكرة وصلت

سيارتي قبل الاخيرة لكزس اي اس 300 موديل 2000 كنت شارية مستعمل ايام 2001 ب84 الف ريال
بعد سنتين ونص رحت الوكالة سعروها ب40 الف ريال وفي نفس اليوم بعد العصر دخلت المعارض طلعت المغرب ب50350 ريال (فرق 10 الاف ) وبيعة في نفس اليوم
احد اقاربي ثقة عندة حالياً كامري موديل 2002 وساموها منه قبل فترة بسيطة ب43 الف ريال (تخيل )

السيارت بشكل عام لها معدل استهلاك سنوي يتناقص مع السنوات يعني السيارة السيارة اول ماتشتريها ممكن تخسر في اول سنه 10 الاف ريال وفي السنة الثانية 10+8 الاف ريال وبعد سنه 18+ 6 الاف ريال وهكذا حتى تصل الى معدل 1000 ريال
اذكر الوالد اشتري كرسيدا موديل 89 مستعملة ب32 الف ريال واستعملناها جميعاً انا واخواني لاكثر من 8 سنوات وبعناها ب 18 الف ريال وهي مشمبرة
يعني نزل من سعرها 14 الف ريال يعني استهلاك سنوي 1500 ريال تقريباً والبيعة زي العادة في نفس اليوم
معلومة
بعض الوكالات لها كسبة عند اعادة الشراء فوكالة فلكس واجن واودي تنزل 25% من قيمة السيارة في السنة الاولي ( يعني الربع ) وتمشي بهذه الطريقة كل سنه

أخوي تعال احسبها بالعقل

أول حاجة أنا مسعر الكامري الرياضية سعرها 82 ألف عادGLX بكم

قول سعرها 81ألف

طيب الشريطي أصلا بطبعه يبخسك في السعر عشان يحطمك ويخليك تتحمد ربك إنك وصلت معاه للسعر اللي يبغاه

لكن بنهمل هذي النقطة ونخليها على جنب

السيارة زي ماقلتلك سعرها جديدة حول 81ألف
طيب الشريطي بياخذها منك بسعر 73 ألف
قول بيكسب منها 4آلاف يعني بيبيعها 77ألف
طيب لو نحطيت مكان سعر المشتري
تأخذ سيارة مستعملة أمرها مشكوك فيه يعني مدة استعمالها ماتتناسب مع ممشاها بـ77ألف
ولا تزود 4آلاف وتأخذ جديدة على يدك إنت تختار لونها وقيرها
أتمنى وصلت الفكرة

بعدين تويوتا شيك في الجيب هكلام لسيارات تويوتا المستعملة
تشتري سيارة مستعملة تستخدمها 10 شهور بعدين تبيعها بقيمتها
لكن السيارات الجديدة لمن تجي تبيعها لازم تدفع جمرك لمن تبيعها ويصير اسمها مستعملة




المشكلة إنه أصحاب السيارات المنبوذة يعتقدون إنه أغلب الناس أغبياء ومايفكرون صح زيهم
أنا أخذت فترة كان تفكيري زي كذا
لكن شفت رد واحد اشترى أوبل وكان يكره التويوتا ويحسب الناس مخدوعين فيها
لكن اعترف برده وقال من كثر الخرابات اللي شفتها في الأوبل عرفت إن الناس على الحق

أخوي أتمنى ماتزعل من ردي وخاصة على كلمة منبوذة
لكن في قواعد ثابتة الكل عارفها ومهما حاولنا نغيرها مردنا بنرجع لها
يعني مثلا:كلنا نعترف إنه أكثر السيارات جودة التويوتا
واكثر السيارات قوة النيسان
وأرسى السيارات وأكثرها راحة الألماني
وأغلى السيارات في ارتفاع قطع الغيار الهوندا
وأكثر السيارات خرابا الكوري والأمريكي
وبتقولي الكوري تطور ومدري ايش
بقولك لاتنسى إن الدايو كوري
ومافيه أحد ينكر فشلها هي والأوبل الأمريكية

تحياتي......

هل تريدني أن أذهب الى المعارض مرة أخرى وأمسك زحمات خريص ومعاناة البحث عن سيارة منافسة لأجل اثبات خطأ وجهة نظرك ؟ :)

والمقابل لي فقط هي اعترافك بصحة كلامي ؟ .. أمر مضحك فعلا :)

انا مقتنع بوجهة نظري ولا لي حاجة لاقناعك .. الموضوع هو مجرد طرح لوجه نظري وليس الزاما عليك أن تقتنع فها .,. الأهم هو ابداء رأيك فقط :)

والأمر ليس تهرب .. لكن الموضوع أخذ أكثر من حقه بالنقاش وعلى قولتهم " بـرد "

.
.
.

لك خالص تحاياي .. يا i طارق .. ! :D

لمبادا


مارديت علي :)

اخوي LAMBADA

ما قصرت .. وقصتك خير شاهد

إلي يقول إن الكامري 2003 - 2006 أرغب من الجديدة

فمع إحترامي الشديد له .. هذا كلام شريطية ..!

أما الواقع والناس والعالم أجمع كلهم يقولون عكس ذلك تماماً .!!


وعلى طاري الأسعار .. خلال الأسبوع الماضي كنت أبحث لي عن جيب توسان

قلت خلينا نسعر الكامري 2006 سياحي وسوناتا 2006 ونشوف

لكي أكون واقعي سعرت من شريطية لضمان ضبط السعر

* ملاحظة .. السوناتا سياحي قير عادي لكنه أندر من النادر يعني تقدر تقول ما تحصل

حصلت كامري XLi قير عادي وسوناتا سياحية قير تماتيك كلهم بنفس السعر ..!

اللهم فرق ألف أو ألفين بالكثير ... لو يفرق 5 ألاف شوية على كلام الناس

( تويوتا شيك بالجيب )

وهذي الكورية على قولتكم ما تنبغى وصلت سعر الكامري ( شيك الجيب ) ..!!!!



* أترك التعليق لكم *

:cool:

يااخوان الشراء فرص والبيع فرص
الشراء ممتاز في اوقات المواسم الوكالات تعمل على السيارات عروضات فمثلا تلاقي السيارة اللي اشتريتها ب 82500 قبل 9 شهور الان ب 77500 اي بفارق 5000 ريال
مابالك لو اشترى السيارة ب 77500 وبعد 3 اشهر مشيت السيارة 15الف كيلو وجابت له السيارة 73 الف او 74 الف يعني كله اللي خسره 3 الاف ريال او 4 الاف ريال بالكثير
هل هذه تسمى خسارة !!!
الفارق في خسارتك وخسارة الاخرين هو الفرق في سعر الشراء
وشئ ثاني اخر لاتنسى ان لكل سيارة نسبة مئوية في الخسارة فمثلا كل سنة ينزل من سعر السيارة 10%
فلنقارن بين سعر الكامري والسوناتا:
1-الكامري سعرها 80 الف ريال المفروض بعد استعمال سنة يكون سعرها 72 الف ريال بواقع نقصان 8 الاف ريال
2-السوناتا سعرها 60 الف ريال المفروض بعد استعمال سنة يكون سعرها 54 الف بواقع نقصان 6 الاف ريال

اي المقارنة لاتكون في فرق السعر بين السيارتين بل بنسبة النقصان بين السيارتين

اتمنى انها تكون بانت وجهة نظري

تحياتي للجميع

السلام عليكم :cool:
اخوي LAMBADA صدقني قلناها ونقولها مره ثانيه تايوتا شيك شريطيه !!!
ازيدك من الشعر بيت
1- لاندكروزر GXR 3 فل كامل خليجي بريمي موديل 2007 ماشي 11الف فقط !!!. ونش . وفتحه . وجنوط 17. صطبات ليد . جناح .دف لك . مثبت سرعه .اللون لؤلؤي سعره جديد 185 الف ريال حد صاحبها 160 الف .يعني انخفاض 25 الف ريال اذا جاب حده !!! .
2- برادو VX 3 فل كامل ناقص جلد موديل 2005 شاريه صاحبه في اخر 2005 جناح . وفتحه .وسي دي . ماشي فقط 55 الف كلم لاحظ الممشى بسيط وسعره جديد 135 الف ريال اعلى سومه جابها 80 الف ريال وحاده صاحبه ب 85 الف ريال يعني بفرق 50 الف ريال .!!!
3- افالون موديل 2007 فل كامل لمتد اللون لؤلؤي ماشيه 36 الف كلم سعرها جديده اكثر من 120 الف ريال اعلى سومه جابتها 98 الف ريال يعني نزول 22 الف ريال في سنه !!!
للعلم هذه السيارات نظيفه جدا وموجوده ومعروضه الي الان للبيع واصحابها معزمين على البيع .
واخيرا مثل ماقلت الارتفاع الخيالي في اسعار سيارات تايوتا عند الوكيل راح يكون عامل سلبي عليها وهذه بدايتها . لان بعض الناس صحى من التخدير وماعاد يمشي عليه الاستغلال اجل سياره 4 سلندر قوتها 165 حصان فقط يصل سعرها الي 105الف قبل الخصم و 95 الف بعد الخصم . اترك معرفة اسم هذه السياره صدمه ومفاجئه للي مابعد صحى .هههههههههه |3|

يــا بوي الشريطيــه أكـــبــــر نصـــابيـــن عــرفتــهم ماقــد رحـــت أبيــع أو أشـــتري
ألا وألقــى منــهم نصــبات مو طبيــعيــه
بــعديــن فــي نــاس تخــاف من هالمواتـــر اللي ماشيــه قليـــل ورايح عليــها تســع شهـــوور

اختصر لكم الموضوع اخواني الكرام في سطور !!


,,,

السياره الي يكون الطلب عليها قوي يكون سعرها فيها

سواء كانت ياباني او امريكي او حتى هندي !!

يعني لو تعرضها للبيع بسعر انت تحدده تنشرى وبسرعه

اما اذا كانت سياره غير مرغوبه هنا انت الي راح تدور حد يشتريها بأي سعر !!

,,
وعلى فكره ترى في الكثير من الشريطيه الي ما عندهم ذمه (طبعا في شريطيه يخافون الله لكنهم شوي )
يخدعون البايع ويوهمونه ان سيارته ما تجيب سعر وانها غير مرغوبه
ويعرضون سيارته عندهم ويخلونها تخيس وما يبيعونها لحد ( طبعا بدون ما يدري البايع ) لانه بيكون في وادي وسيارته في وادي
وطبعا لما يخلونه يوصل لمرحلة اليأس مع سيارته هنا يبدؤون في فرض اسعارهم على صاحب السياره
الي هو البايع
وطبعا راح يكون مستسلم وياس !!

وبعدها يبيع سيارته الي شراها بدم قلبه بسعر التراب !!

,,

اخوي لمبادا اشكرك على موضوعك المتميز فعلا !!
تحياتي ..اتلانتس

لمبادا

انت تعرف انه نقاش بيزنطي وعقيم

انت تظن ان تيوتا كلها ليست شيكا في الجيب

انا مستعد ان اعترف لك بأنك على حق بشرط ...

ان تذهب للسوق وليس المعارض وترى اسعار السيارات المنافسه للكامري بنفس حالة سيارة صديقك او مشابهه لها اي انها قطعت حوالي 10 الاف كيلو ونظيفه ولونها اسود وتماتيك ( وللعلم ان اللون والقير يؤثر في حالة بيع السياره )

اذا وجدت انها لم ينزل سعرها لدرجه كبيره فأنا مستعد ان اعترف ان كلامك صحيح ..

هل تقبل هذا الحل ؟

من ناحيتي ان شاء الله سألتزم بكلمتي وسيكون هذا هو الحل النهائي

تحياتي

لأسباب كثيرة يا عزيزي .. منها عدم وجود لون يناسبني وثانيا وجود بعضها بوكيل غير مرغوب به كالجميح والتوكيلات :)

أهلا وسهلا بك عزيزي غنيم :)

أين المشكلة ؟

أريد فقط معرفة سبب هذا النزول الكبير !

أجل لو موديلات 2008 نزلت بكم تصير سومة السيارة ؟

بـ 65 ألف ؟ سيارة فل كامل يصبح سعرها بعد سنة أقل من سعر السياحي :)

أهم شي شرفتنا فالموضوع ونورت المتصفح ...

عجباً .. بالفعل لا تعليق !!

يكون بعلمك سيارتي الأخرى هي سوناتا ولكن سيارتي الأساسية هي جمس يوكون ..

واذا الموضوع ماهو عاجبك فأتمنى ان تتناقش فيه بشكل مفيد وليس بشكل استفزازي ..

واذا انت منت مصدقني تعال جب لي شراي يشتريها ولك مني سعي خاص :)

اللهم اني صائم !

شرينا سيارة اوبل اومجا من الوكيل ايامها بـ 8400 دينار وبعد 6 شهور قررنا نرجعها عالوكالة وناخذ الموديل اللي بعدها.
..
..
السيارة استخدامها بسيط في 6 شهور بس،، الوكيل عطانا سعر 4 آلاف دينار وبس. يعني في 6 شهور السيارة نزل من سعرها النصف!! والله اني اتصلت بمصنع الاوبل بالمانيا وقالو لي راح نشوف موضوعك. وبعد فترة جاني منهم الرد ان هذا هو سعر السيارة المناسب واذا مو عاجبك لا تبيع.

انت يوم قلت ان موتـرك كوـري عرفت السالفـة ..
ودايم اللي معه سيارة كورية يحقـد على اي سيارة يابانيـة ..

زي ماتلاحـظ الحين قسم السيارات الكورية كيف يحقـد على السيارات اليابانيـة ..
لدرجة انهم وصلـوا يقارنون أحد السيارات الكورية باللكزس !!!!!

على فكـرة .. كلامـك عن الكامري غير صحيح

انا كان معي سيارتين كامري قرانـدي .. ماخسرت فيهم إلا ثلاثة الاف ريال ! وين كلامك هذا ماشفتـه

وسياراتنا كلها تويوتا .. ومانخسر فيها كثير مع ااننا نكرفها كرف غير طبيعي

لكن ماتنلامون يااصحاب السيارات الكورية

16 الف دينار كويتى اخى. اسف على عدم الإيضاح :)