السلام عليكم ورحمة الله وبركاته
بداية أعتذر عن الإنقطاع المفاجئ وذلك لأسباب صحيه
وثانيا أشكر جميع الأخوه اللي أثنوا على الموضوع من مضمون وصياغة في الحوار ولا أقول إلا هذا المنتدى هو لتبادل الخبرات والثقافات والتعلم
الحين...
أخوي أتلانتس،
بخصوص نقطة أن هيكل الباترول يهرم بعد مده من التطعيس.. فهذي من أغلب ملاك الباترول ولا تعتبر عيب بحد ذاتها فهي موصوله بسوء الإستخدام ولكن عند مقارنة الأنواع اللي ذكرت وعلى نفس طاري الإستخدام، فهنا يسقط الباترول
والحمدلله إن مواتركم بعدها وكاله وصدقا إحترمت إحتفاظكم لموديل 97
تشوفون خيرهم ولا تشوفون شرهم
أما أخوي محب الشاصي،
DEATH_LIKE . لا أعلم في الحقيقه سيارة موجوده الآن للعب في البر والهبال أفضل من اللاندكروزر الربع (الكبسوله) عشق الشباب السعودي الأول و السيارة المنافسة القوية والشرسه النيسان الباترول( الربع) أيضا تعتبر معشوقه لدى الشباب السعودي
مع فائق احترامي للباجيرو وتقنياته إلا ان لنا ارض الواقع لنحكم فيها .
الباجيرو قوي ولكنه لا يصل إلا أداء هذان العملاقان صراحة (هذا مما أرى في الهافمون وفي البران على طريق المطار و غيرها
الرانغلر يعتبر منافس قوي ولكن يا اخي ما حاجتك إلا سيارة تصخن عليك بعد تطعيس ساعة وتجلس فاتح كبوتك تستناه يبرد؟!!
ولو تلاحظ تجد ان الباترول الربع ماكينة 4500 بخاخات يولد عزم دوران قدره 38 كجم عند دوران منخفض (لا يحضرني الآن) و قوة حصانيه قدرها 230 حصان واللاندكروزر الربع يولد عزم دوران قدرة 41 كجم عند دوران منخفض وقدرة حصانية تعادل 240 حصان
الباجيرو يوفر فقط 32 كجم كعزم دوران و صافي القدرة الحصانيه هو 240 حصان (رغم انها غير مهمه في البر بقدر العزم)
الرانغلر يوفر تقريبا نفس عزم الباجيرو
فكيف حكمت ان الباجيرو افضل من الباترول الربع ؟!!!!(هذا كله وهو 4500 بخاخات ما جبنا طاري الفتك)
الباجيرو تطور؟....................................نعم
هل هو افضل من الباترول؟..................... ليس بعد
ودائما يا اخي العين ما تعلى على الحاجب
أولا أعجبني حسن الأدب في صياغ ردك، أشكرك من صميم قلبي
ولكن تعجبت من الجمله الأخيره اللي في الأحمر
في البدايه، تصحيح لمعلوماتك فالباجيرو عزمه 35 كيلوجرام على أرب بي أم 2,750 وقوته الحصانيه 269
بعدين في نسب للجير والدفرنشن وكذلك أبعاد السياره ككل اللي تحكم إن السياره للعب أو لا
الكروزر الربع مو مرغوب في بلادنا، وإنت قلتها وفي السعوديه إنتو أخبر فيه..
الحين أنا برد عليك من منطلق الجمله اللي إنت كتبتها بالأحمر
ودائما يا اخي العين ما تعلى على الحاجب
الحين أخوي ما تطلع عن الحاجب صحيح، فهل من أحد عاقل بياخذ باجيرو للعب ؟ مع إحترامي الشديد لك، بيفلس لو مو قدها وبسبب هذي النقطه الباترول الربع، الفتك، الكروزر منتشرين لرخص قطع الغيار، غلطان ولا لا؟
سعر بمبر الكروزر من الوكاله 450 درهم وسعر بمبر الباجيرو 2,500 درهم
كم واحد بياخذ باجيرو حق اللعب ؟
بسألك سؤال: لو سعر قطع الباجيرو بنفس سعر منافسيه، بينتشر حاله حالهم ولا لا ؟؟؟
وبخصوص الرنجلر، مثل ما إنت قلت، العين ما تعلى عن الحاجب، مع إحترامي لكل ملاك الجيوب وأنا منهم
الرانجلر ملك اللعب سواء في الطرق الرمليه أو الجبليه ولكن يباله أهله لأنه مكلف في التجهيز وهنا يحق لكل راعي رانجلر بالإفتخار
موضوع الجير، محلول
موضوع الدفرنشن، محلول
موضوع الحراره، فلتر وهدرز وإكزوزو ويصير معاك مثل العسل ولا عمر حد إشتكى من حراراه بعد التجهيزات هذي
غير باقي تعديلات اللعب والمغامرات من أكسلات وغيرها
بالعربي: اللي مو قد بلاوي الرانجلر (شد بلد) للطعوس ومو غاوي تعديل، ياخذ باترول ولا باجيرو ربع
واللي مو قد قطع غيار المتسوبيشي، ياخذ ما تبقى
اللي عنده باترول بياخذ نفس المتعه اللي ياخذها اللي عنده كايين في البر، ولكن هذا بيعمل صيانه بـ 500 درهم والثاني بيعمل صيانه بـ 5000 درهم بعد دخلت البر وكل واحد يختار على حسب ذوقه وإمكانياته
إخواني، لو شو ما قلنا ولو وصل هذا الموضوع للصفحه رقم 2000 !
مافي سياره تتفوق على الثانيه في شتى المجالات وأنا قلتها من قبل، كل شي يعتمد على إحتياجات المستخدم !
الباترول له أهله
الكروزر له أهله
الباجيرو له أهله
وباقي السيارات كل لها جمهورها
مو معناته كل فئه تهاجم الفئه الأخرى بكلام ما له داعي !
لب الموضوع مو إبراز السياره الأفضل، والدليل إخواني الخل والبنشري، حل حسمت بينهم ؟ هل حسمت طلعتهم فضولكم ؟
اللب هو تبيين قدرات كل سياره وتجهيزاتها الميكانيكيه
وإنت (المستخدم) تختار ما يتناسب مع إحتياجاتك كفرد أو كعائله من داخليه مرورا بسلاسة الإستخدام إلى الشكل والأبعاد الخارجيه وتفصيلا للقدره الميكانيكيه
دمتم على الود 
