إف جي كروزر(تويوتا) ... إكسبلورر(فورد) .. H3 (همر) - رأيكم يهمني جدا ً ! -

انا بالنسبة ليي باختار الاكسبلورر
سيارة فيها الجمال والقوة والفخامة والاداء والراحة و سعة المساحة وقوة المحرك
انا اقول افضلهم الاكسبلورر واللي يقول عزمه ضعيف هذا ما جرب الموتر

أخوي سعة الركاب الافضل هي الأكسبلور لأنه يقدر يشيل 7 ركاب والأف جي يشيل 5 كذلك الهامر نفس الأف جي

بنسبة لي طلع الهمر خارج القائمة

أن كان أستخدامك بيكون زي ما تقول عائلة خذ الأكسبلور أما عائلة صغيرة جدا ما تتجاوز 5 ركاب خذ الأف جي فهو أفضل خيار لك كذلك لا تنسى يعتبر هو الأفضل وكيل في الخدمة ويمتلك سعة داخلية كبيرة للتحميل ومواصفاته ممتازة ويعتبر أفضل أداء من الأكسبلور في الطرق الوعرة وأعتقد عمليته أفضل علشان أنه ياباني

أخوك أبـــــــــوأســـــــد|3|

إكسبلورر قير عايدي؟!!! أول مرة أسمع فيها!

انا انصحك باFJ افضل الاقتراحات سيارة يابانية تبريدها عالي وكويس وحرارتها فوق الربع اشوي اما باقي السيارات حرارتها نص وتكيفها لك علية وقت الصيف والله يوفق الجميع

عزمه ضعيف:confused:

انا مجرب اكسبلورر قسم بالله تفاجئت من قوة عزمه وقير عادي بعد
والله العظيم بالرابع يصقع طبلونه 200 ؟؟؟؟

اجل لو احطه بالخامس؟؟

ماشاء الله تبارك الله



عموماً انا اقول بدون تفكير همر H3 شكل وجمال وقوه

انا شفت بالوكاله اقل نوعيه مخمل وقير عادي

اعجبني بصراحه

بالتوفيق

شوف يا حبيبي:

إذا انت تسوق بالمدينة أكثر من البر فالاكسبلورر أحسن شي بالمدينة.

لكن إذا انت تحب المظهر الجميل والـ attitude ولفت الأنظار فالهمر أحسن شي
علماً أن الهمر تعبانة كثير داخل المدينة لدرجة إنك تحس دايماً انك على وشك
تفقد السيطرة على ميزان ال steering .
بالطبع الهمر سيارة ما لها منافس في البر والصحرا.

أما إذا كنت تحترم الفن وأنت شاب ما عندك عائلة كبيرة وما تحب التقليد الفاضي
فسيارة FJ أحسن شي إلك.. الـ FJ سيارة نظيفة ورخيصة نسبياً وعمرها طويل

أنا برأيي الشخصي.... يعني لو كنت مكانك
كنت نسيت الفورد إلى الأبد
وخليت الهمر للناس يلي عايشين بعقلية سنتين لورا
واشتريت الـ FJ


باي باي

إف جي كروزر أفضلهم في رأيي، وأرخصهم.

الإكسبلورر أتوقع مريح المركب (حسب ما سمعت) ووسيع جداً ويشيل سبع ركاب، لكن عزمه نوعاً ما ضعيف وقدراته في البر ضعيفة جداً.
الهمر محركه ضعيف جداً وتعليقه الخلفي سست (وليس يايات) وهذا يساهم بشكل كبير في قلة الراحة، (ركبته شبيهة بركبة البيك أب) واستهلاكه للوقود عالي نوعاً ما، وهو أغلاهم سعراً. ومن ناحية السعة لا يختلف عن الإف جي كروزر، الفرق فقط في طريقة فتح الباب الخلفي. يميزه شيئين فقط: إنه كشخة، وإنه يجي فيه نظام ملاحة، لكن ميزانيتك ما رح توفرها بنظام ملاحة.

الإف جي كروزر: ميزته محرك جبار، سيارة خفيفة، ركوب مريح، قدرات خرافية للبر. شبابي. وتتوفر له إكسسوارات بالهبل، والوكيل بالفعل وعد بتوفير صدام حديدي مع ونش وشبك سقف.

من ناحية صرفية البنزين انا اقول خذ fj

من ناحية الراحة اقدر أفتي للإكسبلورر و الFJ إنهم مريحين ..... ما جربت الهمر

من ناحية الوكيل تويوتا راح تتفوق بهالناحية

من ناحية المساحة الداخلية فالأكسبلورر و الهمر بتوقعي راح يتفوقون على الFJ لأن الFJ ضيق من ورا و أبواب الكراسي الخلفية ماتفتح إلا إذا فتحت الباب الأمامي

إذا تهمك القدرات في البر فاالFJ راح يكون ... نمبر ون..... بدون منازع


على فكرة ... الFJ و الإكسبلورر مايجي فيهم نافيجيشن لكن تقدر طبعا تركب واحد برا الوكالة .... واحد من الشباب معاة جهاز جارمن و ماشاللة كل شي فية (نافيجيشن + بلوتوث + MP3 player ) و كل هاذا ب4000 ريال

اخوي دامك من تدخل البر بكثره ليش تاخذ fj .انا انصحك بh3 وراح يفيدك بشغلات كثير طبعا انا اعتقد
بالمنسبات والاستخدام داخل المدينه الهمر افضل وافضل بالسعه واستخدامه بالبر حلو .

انا صراحه افضل الهمر على fj.

لكن اخوي لاتفهم ان fj سيئ لا لكن مع الهمر اعتقد الهمر افضل .لكن fj افضل بالبر.

وبالتوفيق.

الهمر اكشخهم

اذا كنت عزوبي خذ الهمر

اذا كنت راعي بر خذ الاف جي

ياخي السيارات هذه كل وحده من ديره مافيه اي وجه تشابه !! يمكن اهمر و الfj cruiser انهم يعني سيارات متخصصه ولكن شتان بين الثرا و الثريا
اخي باختصار إذا انت راعي بر (مرّه في الأسبوع) خذ ال fj cruiser وتراه من كلام الناس اللي جربوه انه مريح وممتع وينفع داخل المدينه وسعره معقول وبحكم انه تويوتا اتوقع يمسك سعره بعد البيع
إذا انت مو راعي بر شوف اللي يناسبك بين الهمر و الإكسبلورير اثنينهم كل واحد منهم يتميز بخصائص لا تجدها في الآخر

حيّاك الله عزيزي بسكوت شاهي وألف شكر عالتجاوب

إي نعم عزوبي .. وبـخصوص البر بين وقت ووقت , أما إستخدامي للسيارة فهو متزّن

وأكرر شكري لك وللجميع مقدما ً