تمـت تــجــربة الـلاندكــروزر 2008 .. بعض الآراء والانطباعات والمعلومات ( بالداخل )

مشكور أخوي على التقرير الجميل والسريع


الأسعار مبالغ فيها كثيرا :confused:


وكان من الواجب أن تقوم شركه تويوتا باضافه التميز الى محرك V8 بزياده الأحصنه عن العدد الحالي


في السابق كان محرك السته سلندر ينتج قوه حصانيه تصل الى 240 حصان

ومحرك V8 ينتج قوه حصانيه تصل الى 250 حصان ( الفرق 10 أحصنه )


الموديل الحالي محرك السته سلندر 260 حصان ومحرك V8 ينتج 271 حصان


الأداء متقارب جدا

شكراً أخي على المعلومات والشكر موصول إلى JEDDAHBOY لتزويدنا بالأسعار المبالغ بها :)

تحياتي

اخي الكريم بارك الله فيك
ما هو الفرق بين الجي اكس ار الفل كامل والفاكس آر اذا كان نفس المحرك:confused:

هذة اسعار اللاندكروزر

جي اكس ار 4.0 قير عادي 176000
جي اكس ار 4.0 قير اتوماتيك 183000
جي اكس ار 4.0 قير اتوماتيك مع فنحه ولوك و سي دي..... 193000

وبالنسبه للمكينه 4.7 ال جي اكس ار على النحو التالي
جي اكس ار 4.7 اتوماتيك بدون اضافات 195000
جي اكس ار 4.7 مع فتحه لوك وسي دي..... 205000
جي اكس ار 4.7 فل كامل ونش 2 سبير ..... 225000


وبالنسبه الى في اكس ار فلاسعار على النحو التالي

في اكس ار اتوماتيك بدوت اضافات 218000
في اكس ار فتحه لوك شاشه...... 232000
في اكس ار فل كامل 2 سبير..... 255000
سبير تحت.....253000
والاسعار تقريبيه تحتمل الزياده والنقص واالله اعلم

اها والله فكره معناته هو فعلا عنده هذي القدره لكن مخفينها طيب لو نقلنا هذي التعديلات على الفورتشنر الجديد ال6 تخيلوا وش راح يصير فيه يعني يا اكستيرا كيف الحال وعلى وزن خفيف الحلو بيكتمل ان شاء الله وعلى بساطة المحرك . . . تدرون وليه لا
( معناته انه تعديلات المحرك حقت الFJ بتضبط عليه بعد )
ابو الخل وش رايك بهذه الفكره انا من اليوم بسوي بحث عن هذي التعديلات

مشكور حبيبي تصدق الحين اقول ال VXR يستاهل سعره 5700 شييييييي واخيرا

هاذا اخوي نظام مشابة نوعا ما لنظام hil descent control في الرينج روفر ...

الي يصير انك اذا بغيت السيارة تعمل crawling (مثلا نزلة شديدة أو ماشي على ارضية صخرية) تقدر تختار وحدة من ثلاث سرعات للcrawling ...السيارة هنا راح تمشي من نفسها على سرعات قليلة (من أقل من ميل في الساعة إلي 3 أميال في الساعة) و تشغل البركات علي الكفرات بشكل منفصل عشات الtraction يعني ماتحتاج تدعس عالبنزين ... هالميزة عملية جدا في حال النزل بزاوبة كبيره لأنك ماراح ترهق البريكات بس الحقيقة ماأعرف بالضبط مدى فعاليتة في حال التغريز


هاذي صوره جهاز التحكم بالنظام

مشكور اخوي على الريبورتاج

بس انا حاجز 6 سلندر

من الكويت

ووعدوني الوصول نص 10 والحين احنه بنهايه 10 وما وصل اي شي

الغريب ان حتى السعر متخوف منه

لانه زيادة اسعارهم بنسبة ال 12 بالمئه

ويا خوفي اني حاجز ويطلع الموتر مو قدها

او انطر لي الدفعه الثانيه

ودي اشترى دينالي جيمس

بس بنتظر اللاند كروزر لعله

احسن واجود خاصتا اذا كان ياباني

المهم
خبرونه بالاسعار الفعليه

لل6 سلندر ويكون النوع بفتحه وجير اتو ونوع وسط تحياتي

الف شكر لك اخوي والله منتظر مثل هذا التقرير من زمان صراحه كفيت ووفيت.

اما يطلع نفسه صراحه حلوه جدا وليش بقيت الاعضاء مستغربين اللكزس ls460 توقف نفسها بنفسها.

اما 8 سلندر gxr وgx صراحه ميزه حلوه مره.

الف شكر لك على التقرير مره اخرى.

شكرااعلى الموضوع
وعندي استفسارهم رفعو قوة الأحصنه
وقللو السعه بالنسبه ل6سرندل هل العزم بيزيد
وبيكون أقوى من المحرك السابق

بعد إذن صاحب الموضوع راح أدلي بدلوي لهالسؤال....

لو انا ... اتوقع ممكن أفكر استبدل اليوكن بالند كروزر بس بشرط يكون فل أوبشن (على الأقل دف لوك و شاشة ... شخصيا ماأحب الجلد مره) يعني لو لقيت VXR أو GXR بهالمواصفات ممكن أغير سيارتي

في كذا سبب.... أولا جودة صناعة تويوتا.... الشكل توه جديد (مثل اليوكن) ... مسكة السعر ... القدرات في البر ... أخيرا, شخصيا اشوف الاند مريح بالسواقة أكثر (أقارنة بجمس كان عندنا)

المشكلة هنا هو فارق السعر .... الاند سعرة غالي جدا لدرجة إنها صارت سرقة عيني عينك ... يعني سيارات كثيرة فيها دف لوك و ثلاجة و واسعة و صناعتها ممتازة و و و إلخ بس ما وصل سعرها ل200 ألف ..... مثلا, لو نتكلم عن القدرات في البر و جودة الصناعة سفاري أو باجيرو ماراح يقلون عن الاند و إذا المسألة فخامة فكلهم يجون جلد و فتحة و الباجيرو الجديد راح يجي بشاشة بعد ... غير كذا, الاند مرة منتشر يعني ممكن تشتري واحد فوق ال200 و تطلع فية البر و بعديت تلقا واحد نفس الشكل مع راعي بعارين أو مقاول (طبعا مع فارق المواصفات طبعا) بس تبقى السيارة نفسها .... هاذا مأخذي على الاند

إذا تبي الاند لقدراتة في البر فهو بلا شك خيار ممتاز جدا جدا جدا لكن لما تفكر فيها بعقلانية و تحط السعر قدامك يجيك إحباط صراحة

بغض النظر على الاماكنيات مازلت متحفظ على الشكل....
شكراً على الموضوع اخوي..

مشكور اخوي

بس صراحة اكثر شي عجبني طريقة طلوع السيارة من التغريز

مشكوراخوي على التجربه

بس لويقولون بدلها مع اليوكين توافق ؟ :D

وليه ؟ :D

أحلى خبر سمعته أن اللاندكروزر GXR الجديد صارت ماكينتة أصغر
أقل مشاكل
أكثر تحمل للحرارة
أقل عدد أحصنه

مشكور اخوي

مافي شي عن الأسعار؟؟؟؟

ياخوان ابي 2008 الست سلندر GXR و GX
كم أسعارهم بالسعودية ؟

مشكور اخوي بس ما ادري متى حينزل السوق