أخي الكريم... يوجد له حل .. حيث أني سألت مدير الصيانة عن إمكانية فصل التراكشن بشكل كلي وكان الجواب نعم... حيث يتم وضع مقبس أمام ناقل الحركة يقوم بفصل النظام.. وقد قام بعض مالكي الباجيرو بتلك العملية ((قلة قليلة)) ولقاء مبلغ مقبول. أما عن نفسي فلم أشرع في إتمام هذه العملية خوفا من أية آثار جانبية قد تحدث في المستقبل.
عموما.. لو تلاحظ ان التراكشن ما يشتغل الا في الاماكن الصعبة (طلوع طعس صعب) وعليه خليك على خيار العادي وإدعس بقوة على الترس الأولي وكل ما يحاول الكمبيوتر يرفع الغيار الى الترس الثاني إعمل على ترجيعه الى الأول. كذلك تأكد عن دخولك الى أي مرحلة صعبة ان يكون الغيار على الترس الأولي وإضغط بقوة وكرر نفس العملية وبإذن الله بتنجح..
هذا الكلام بعد معاناة مع طعس صعب حاولت فيه 3 مرات وكان التراكشن يكسر عزم السيارة في كل مرة، وكنت مقهور انه في يوكن دينالي قدر يطلع - بصعوبة - :D .. بعد كذا جا أخوي وخذ السيارة وطلع بيها وصاحبك اللي هو أنا يطالع نفسه ويقول لنفسه انك ما تعرف تسوق :p
بعد ذلك رحت ونفذت الكلام اللي فوق .. والنتيجة كانت مذهلة.. حيث اقتحمت الطعس وبسرعة لم اتوقعها |1|
حياك اخوي ... وين مدير الصيانه هذا الحقني به ... والله يلي يجرب بلاوي التراكشن كنترول (طفى علي السياره مرتين) ان يكره الباجيرو كلها (مقدر اكرهها)...
بالنسبه لان السياره تغير اذا كانت على العايدي ... فهذا عمره ما حصل لي ... على اي حال انا اتجنب ان الدورات تصل 6000 (رغم انه يحصل احيانا و لفتره وجيزه)...
اذا الموديل الجديد يغير فهذا شئ ثاني ... و تطور انا لا افضله (يلغي تحكم السواق).. قد يكون له اسبابه.
التراكشن يشتغل في كل مكان يفقد فيه الكفر احتكاكه بالطريق ... يعني ...لو انك ساحب سياره متعلقه بيشتغل معك (مره فشلني وطفت السياره).... لو انك في رباضه والجيب يقص ويمشي ببط شديد ممكن تطفي السياره قبل ما تطلع (هذا الكمبيوتر يطفي السياره اذا سخنت الفرامل)... وبرضه صارت لي مره.
مثل ماقلت القير اذا على العايدي ما يغير ابد ... انا الي اسويه اني في نص الطعس اغير الي الثاني (يعطي عزم كبير ... يدفع السياره عشان تكمل ... بس القير الثاني نفسه قصير ... يعني لازم مايكون باقي لك كثير)....
الاخ الي يسأل عن العزل الصوتي ... الموضوع نسبي ...حسب السياره الي انت مجربها قبله... يعني كجيب عزله (من وجهة نظري) افضل من اللاند (مجربه) ... لكن يبقى جيب مايقارن بالسيارات الصغيره ... وانا سيارتي ربع ... ومقارنه بالسياره الثانيه (الاكسبيدشن) ارى ان الباجيرو افضل عزلا.
الموديل الجديد ما اعرف عنه شئ لكن ما اتوقع فيه فرق كبير في موضوع العزل ...لان التغيير في الواجهه الاماميه و مكان السبير والمحرك... بالاضافه الي التغييرات في الديكور الداخلي ... يعني في الجسم الخارجي مافيه تعديل يفرق في الانسيابيه وما اتوقع انهم غيروا في المواد المستخدمه في الابواب عشان يفرق العزل .... (يبقى الكلام هذا وجهة نظر خاصه).
تحيتي للجميع.
