اعزائي المشرفين الفنين والأعضاء الكرام
السلام عليكم ورحمة الله وبركاتة
انا عندي سيارة BMW اندفجول ... موديل 2007 طراز 760IL
12 سلندر طبعاً
ماشية تقريباً 29,000كلم
السيارة انا شاريها جديدة من الناغي وكيلها ولها عندي 6 شهور والسيارة احلى منها ما فية
لاكن فيها مشكلة تاكل وتشرب معي والوكالة يقولون طبيعي وانا مو مقتنع
المشكلة ان السيارة كل 1000 -1500 كلم
تكتب لي بالشاشة بما معناه اضف واحد لتر من زيت المحرك ( يعني تنقص زيت )
ووديتها للوكالة اكثر من مرة ويقولون طبيعي فئة الـ 12 سلندر تنقص
وبصراحة انا مو اول مرة اجرب الـ BMW حتى لو تنقص بس مو كل 1000 الة 1500 كلم
احس انها زيادة كثير
ومحتار وش اسوي مع الشركة مع العلم اني كشفت على السيارة برا الشركة عن احد المراكز المتخصصة وقالوا لي السيارة فيها مشكلة وضعها مو طبيعي وخليت السيارة عندهم وفحصوها بأجهزة عندهم وقالوا عندك السلندر رقم 6 فية تهريب والوكالة ما تعترف بالتقرير هذا
افيدوني يا اهل المعرفة والخبرة
