السلام عليكم ورحمة الله وبركاته
في البدايه : الموضوع استفسار من اصحاب الكوامري قير عادي واللي ماعنده هالسياره اتمنى منه يرد برد مفيد او لا يرد
واحد من اخوياي عنده كامري 2006 قير عادي ونقدر نقول انه غير محافظ قال لي ان 2 من معارفه يملكون كامري 2006 و2005 خبط عندهم القير
طبعاً الشخص اللي اعرفه القير لازال عنده سليم لكنه متخوف منه وقاعد يوسوس الحين وحالته حاله
ولما عرضت المشكله هذي على واحد يمتلك كامري 2002 قال لي انه مغير القير مرتين :confused: وقلت له وش السالفه هل فيه عيوب وقال انا لاعن ابو خير السياره وهذا الشي ما ازعجني
عموماً انا اعرف الكثير ماعندهم هالمشكله ومواترهم زي العسل بس وش اللي صار مع الثنين اللي ذكرتهم فوق ( 2005 و 2006 )
هل فيه عيب بالقير ؟
هل القير يحتاج تغيير زيت في فترات متقاربه علماً ان سيارتهم تعدت الـ 90 الف ؟
اتمنى من اي شخص عنده معارف في صيانه عبداللطيف جميل ان يستفسر عن هذا الكلام من مهندس فاهم وملم بمشاكل الكامري ؟
اي شخص واجهته هذي المشكله ياليت يطرح لنا تجربته وكيف صلحه هل على الضمان او لم يتحملها الضمان وكم كلفة تصليح القير ؟
بإنتظاركم
