كيف تعرف ان المكينه نظيفه؟؟؟

ماشاء الله تبارك الرحمن
نسال الله التوفيق لنا ولكم

شكرا لك استفدت من سؤالك .. وجواب الاخوان

جزاك الله خير

يعطيك العافيه معلومة مهمه

من الممكن ان نعرف حاله المكينه من الشكمان
كيف !!!!!
قم بمسح الشكمان من الداخل باصبعك
اذا كان الناتج كربون يزول بالفرك فالمكينه ان شاء الله جيده و تحتاج الي ظبط لحرق البنزين
و كلما قلت كميت الكربون كانت حاله المكينه جيده

اما ازاكان الكربون لا يزول بالفرك بسهوله سوف تجد احساس بالزوجه بين اصابعك و هذا معناه ان المكينه تحرق زيت


و الله اعلم

فيه طريقة يفكون البواجي و يركب بدل منها gage ( مقايس ضغط ) و يدور الماكينة ويشوف كم يصل الضغط

كلما ما كان السلندرات و الشنابر نظيفة تكبس ضغط افضل و تتاكد ان الماكينة ما تصرف زيت

والعكس بالعكس


والطريقة الاقل دقة مثل اجهزة الكشف في الورش خصوصا في المعارض يشبك لي في مدخل الهواء ويقيس قوة سحب كل سلندر و السيارة شغالة و يعطيك نسبة لكل سلندر من مية

هذا الي اعرفة و ممكن الشباب المجربين و اصحاب الخبرة يوضحون اكثر

تحياتي ،،،

مشكور اخ نمر لاكن مافهمت كيف افحص ضغط البساتم؟

اضيف

فحص ضغط البساتم يبين لك عمر المحرك و صحت


و الشباب ما قصرو

كفووووووووووووووووو
ونبي معلومات اكثر
وعساكم على القوه

إضافه
التأكد من ماء الرديتر و غطاء الرديتر والرديتر نفسه إذا كان موجود صداْ او لا هذا للسيارات القديمه

ودي اضيف إضافه بسيطه على كلام الاخوان اي واحد يقدر يسويها حتى لو مايعرف بس يفتح غطاء الزيت حق المكينه بحيث تكون السياره شغاله اذا طرطش الزيت او طلع دخان تكون المكينه مبوشه
تحياتي للجميع|3|

مشكورين كل الشكر وعساكم على القوه

افدتونا بخبرتكم وعسا الله يجزاكم بالخير
بالتوفيق للجميع

لن أزيد على ماذكره الإخوة من إجابات وسأذكر بعض الجوانب التي لم تذكر وهي:
1- صوت المحرك وليس هذا في كل السيارات بل بعضها فعندما تسمع أصوات طرق أو إحتكاك يكشف لك
الصوت عن مشكلة في البلوف أو سير التايمنق .
2- فلتر الهواء يكشف السيارة التي ستبدأ في العد التنازلي فإذا وجدت تغير لوني بوجود رطوبة زيت فهذا
إنذار بتجاوز السيارة نصف العمر الافتراضي
3- الطبقة المترسبة على الشكمان تظهر لك حالة المحرك سواء بوجود مشاكل في البخاخات أو مشكلة في
الشنبر أوالبلوف
4- مراقبة الحرارة وذلك بتشغيل المكيف ربع ساعة وخاصة وقت الصيف لملاحظة أي مشكلة في رأس
المحرك

ولاشك كما ذكر الاخوة أن الدعس القوي على دواسة الوقود تعطيك فكرة تتعدى 80% عن وضع المحرك
وأذكر أن أحد الزملاء طلب أن أفحص سيارة في أحد المعارض وكان العامل أبوهنود يدعس دعسات خفيفة
سألته لماذا لاتدعس بقوة فقال لي صاحب المعرض حذرني ( صاحب المعرض غشاش رسمي ) أبعدت
العامل وبعد دعسة قوية كادت البساتم أن تخرج مع الشكمان
ههههههههههه
ظهرت الحقيقة الجلية وهي أن عمر المحرك الافتراضي لايتجاوز سنتين

شوف اخوي عاشق المور
اذا تبي تعرف المكينه جيده والا لا هذا بحسب السيارة وموديلها
اذا سيارة امريكي موديل جديد لها كمبيوتر خاص فيها يبين لك عمر المكينه وهذا متوفر ومنتشر

اما الياباني فلا زال دعمه للكمبيوتر قليل
ولكن اذا مستعجل على الكشف وتبغى تعرف الموتر يصرف زيت والا لا ادق طريقه واسهلها
فك البواجي اذا لقيت حول مسمار الاشتعال زيت هذا معناته ان فيها صرفيه
اما اذا لقيته لون ( اشهب ) شاهي على حليب فهذي اشتر ولا تشاور من نا حية المكينه
اما اذا لقيت سواد مع رطوبة زيت فهذي احتمال جلد بلوف فقط يعني ماشي حالها
وهذي الطريقه ترا الشريطيه ما يعرفونها والا يغيرون البواجي حتى ما تكشفهم
ارجو اني افدتك

أنا ما عندي ولا خبرة في المكاين ونظافتها

إلي أسويه وديها الفحص وبعدها وديها الوكالة يفحصونها

أخوك بندر

اذا كانت مكينتك الكترونية تقدر تفحصها كمبيوتر وراح يطلع لك 70% من اعطال السيارة داخل المكينة لان كمبيوتر الفحص يعتمد على الحساسات اللي موجودة على المكينة مثل حساس الهواء وحساس القير بالنسبة للاوتو وحساس التايمينغ ومع وجود الحساسات هذه تقدر تعرف مقدار الضغط داخل المكينة وتعرف مقدار العزم الموجود وايضا في حال وجود خلل في الصمامات وهكذا. وبالنسبة للماء الزائد بكثرة فهي مشكلة , لكن ماء ينزل في ساعات الصباح الاولى كقطرات خفيفة فهي عادية ان شاء الله.

طيب يا غالي الماء اللي ينزل من الشكمان فيه ( فوردات ) بتكلم عن الفورد فقط

ماشيه حول الـ 250 ألف كيلو وراعيها كارفها ودعس فيها ومتعب المكينة

ومع ذلك وقت التحميه تقطر ماء ؟؟؟؟

غير كذا ياغالي عندي السياره ماشيه 110 ألف كيلو تقطر صيف وشتاء وقت التحمية وبدقائق المشي الاولى !!

لانك خوفتني بهذه الجمله

[COLOR=red]الماكينة تقدر تعرف نظافتها من الماء الي ينزل من الشكمان ولكن حذاري من ان يكون بزياده

وشاكر ومقدر لك تعاونك ,,,,
[/COLOR]

وعليكم السلام و رحمة الله و بركاته

الماكينة تقدر تعرف نظافتها من الماء الي ينزل من الشكمان ولكن حذاري من ان يكون بزياده في مثل هذا الوقت من الشتاء بيكون ينزل ماء ويدل على ان الماكينه كهربتها جيده واشتغالها جيد ويمكنك ان تلاحض من التشغيل وسهولة التشغيل السيارة يعني ماتطول في السلف
وايضا من الدعسه اذا ظهر دخان اسود فهذا يعني ان البخاخات غير جيدة واذا ظهر دخان ازرق فهذا يعني ان هناك مشكله في الشنابر او تهريب الزيت
كذلك اذ شاهدت الزيت نظيف يبقى هناك احتمالين ان راعي السيارة مبدل الزيت علشان ماتشوف البلاوي السابقة او ان السيارة فعلا زيتها جيد وهي جيده
ويبقى الموضوع فيه تلاعب كما ذكر الاخ الهكرجي