موضوع جيد والفائده تكون في ايجاد قطع بديله للسيارات ذات القطع الغاليه وتجربتي مع سياره لاندروفر97 طبعا قطعه غاليه خرب تماتيك المروحه ووجدتة غالي السعر وفي الاخير اتضح بأن تماتيك جمس 2000 او فورد 93 تركب عليه وركبت تماتيك الفورد وزي الحلاوه0000 فمن يساعدني على اديترماء بديل
ايه هذا الكلام نبي شباب الخليج يبتكرون ويخترعون شوفو ماء شاء الله الشاميين راعين اختراعات وترهيم انا مره خرب فينا مرسيدس مديل 2003 في سوريا سبة مطاب صار فيك كسر في الفليور اعتقد ووديناه سوري قال القطعه لو تبي تجيب واسطه من الرئيس اغسل يدك تحصلها في الشام
قلنا وش السواه قال دور وشف ممكن تحصلها دورنا ودقينا على واحد في السعوديه طلع سعرها غالي مرررررره قال ابو رامي الله يخليه لعياله انا عندي الحل خلو الموتر يومين عندي وانا اصلحها مجاني بس بشرط قلت وش الشرط قال احضر زفاف اختي بعد يومين على الموتر قال خويي لك ثلاث ايام
والله ونمره بعد يومين والسياره مرتفعه من بعد ما كانت طايحه قال لاتخافون من الطريق ترا رهمت قطعه لها في المخارط ورجعت زي الحلاوه لا تشيلون هم مدا الحياه
يعني شوفو التخطيط والتعلم ما يخلي الواحد ينزنق في شغلات
تحياتي لك صاحب الموضوع الهادف
ياشباب مره ولفت شغله حلوه
إنكسر القزاز (الزجاج) حق الباب الخلفي ورحت لقيته غالي
المهم رحت عند محل الزجاج وقلت له قص لي زجاجه بنفس مقاس الزجاجة المكسوره
طبعا تسألوا كيف يقيس الزجاجة وهي مكسوره
راح لزجاجة الباب المقابل وفتحناها (طلعناها ) وأخذ مقاسها وقص لي وحده نفس مقاسها
هي صح ما ركبت مزبوط (لأن الأصليه مقوسه) بس تؤدي الغرض مع شويه جلد حتى مافيه صوت هواء
وش رايكم
تحياتي
السلام عليكم ورحمة الله وبركاته
انا كان عندي تجربة مع التوليف ولكن انها بسيكة
كان عندي صوت يطلع الصباح فقط ولما تسخن السيارة يروح
السيارة مازدا 6 موديل 2004 قوة محرك 2000 سي سي
والله واروح الوكاله ويطلعولي عيب من الرومان شداد السير قلت صلحوا وركبوا القطع وما راح الصوت وبعد شوي يقولون الصوت من الدينمو لازم تغيره علما [اني لا اعاني من اي مشاكل كهربائية
واروح عند كهربائي سوري ولد حلال ويفك الدينمو ويغيرلي بكرة الدينمو فقط حتى ما ركب حق الوكاله لأنه سعرها 400 ريال ويروح يجبلي وحده جديدة حق سيارة نوع تاني ويركبها والحمد لله راح الصوت وكله تمام حتى كان عندي صوت عنه اول ما تقوم السيارة والكل قال من الشكمان وطلع منها بعد وراح والحمد لله
ونقول إنتبهوا من التوليف إللي على عماها
لأني مره إحترق علي فيوز حق الكشافات يمكن 1000 مرة:mad:
فزعلت ولفيت على الفيوز سلك :eek:
تدرون وش صار إحترقت أسلاك الكشافات كلها وكان بتحترق السيارة :D
وإكتشفت إن المشكله في لمبات الكشافات قوية زياده
نطلب من الادارة الله لايهينهم بتثبيت الموضوع
من خلال توليف كان معاي كمارو موديل 2000 وكان فيها تهريب في علبة الدركسون
المهم ماحصلت اصلاح للعلبه خليت المكنيكي يفكها وخذتها معي وجلست افر في المحلات
واخيراً حصلت في وكالة نيسان اصلاح حق مكسيما يركب عليها
والحمدالله طلعت بنتيجه
