كم سؤال عــــــــــن بعض قطع غيار الـــ ( أكسنت 2005 ) ..

Elated @user_80748 · 11-02-2008

السلام عليكم

عندي هونداي أكسنت 2005 ... حالياً ماشي 110.000 ألف كيلو ماشاء الله تبارك الله ....

حبيت أسأل عن قيمة تغيير سير الـ( Timing ) في الوكالة .. خصوصاً الوعلان اللي على خريص ..
و كم قيمة القطعة لحالها ؟

و حبيت أسئل عن الفرامل,, اللي عندي بدأ يطلع لها صوت ( فحيح أححححححــ... ) مثل الأفعى إذا ضغطت عليه بشكل خفيف ..... و إذا رجعت للخلف, يكون الصوت مسموع من الخارج بشكل مزعج ...
هل وجب علي تغيير الفرامل أيضاً .... و كم تكلف في الوكالة, و كم كلفتة القطع لحاله ؟؟

للمعلومية, آخر مرة وديتها للصيانة كانت في صيانة الـــ 40.000 كم... عقبها علمت أن السالفة "بزوطة" حيث أستلمت السيارة و كان عداد الكيلومترات ناقص أربعة كيلو ....|108|

طبعاً, أنا قبل فترة مريت عليهم,, لكن بصراحة حطموني... سألت, فأحجموا عن الإجابة,,, و قالوا: رح أحجز لها موعد في "الصيانة" ...

و شاكر و مقدر لكل من يقدر يساعدني .............. سلام.

عذب الاحاسيس @user_15092 · 14-02-2008

راح اعطيك نظرة عن سيارتي الالنترا وهي تقريبا مقاربة للاكسنت من سعر قطع الغيار

الصيانة سويتها ل 120 الف كيلو الاسعار بالاسفل تقريبية ( على ذاكرتي)

1- سير التيمن مع الشدادات 180

2- اقمشة امامي 90 +اقمشة خلفي 110

3- بواجي 20

4- اسلاك بواجي اتوقع والله انها ماتزيد عن 80 ريال ماني متاكد

5- فلتر هواء 25 ريال

6- فلتر بنزين اظن ب 40 ريال

7- مساعد خلفي ب 100ريال

8- جلد عكوس خارجي ب 100 ريال

شغل اليد تقريبا 400 ريال

Elated @user_80748 صاحب الموضوع · 13-02-2008

يعطيكم العافية على الردود المشجعـــــــــــة
و الورشات خيار عملي ... و الظاهر أن مالي إلا هي.

و التبديل سيتم في الأسابيع القليلة القادمة بإذن الواحد الأحد.

شكراً ,, و جزاكم الله خيراً.

سراب الود @user_22125 Banned · 12-02-2008

ابدا ابدا
لا تطب الوكاله ابدا
سيارتك اكسنت واغلب بل كل الورش تعرف لها من الصدام لصدام!!
سير التايمن ما راح يكلفك برا كثير
شغل اليد 200 ريال تقريبا والقطع ما اعتقد انها راح تتجاوز 400 -500 ريال مع البكرات!!
عندي في البيت اكسنت 2005 تقريبا ماشيه 140000 كيلو !!
غيرت سير التايمن على 130000 كيلو!! وغيرت السير فقط بدون تغيير بكرات((البكرات غير مهمه بالدرجه الاولى)) وكلفني تقريبا 350 ريال ((شغل يد+السير))!!
وتغيير الفحمات الاماميه والخلفيه مع الخرط ما راح يكلفك اكثر من 100 ريال شغل يد((غير القطع))
فمن الافضل انك ما تغير اي قطعه في الوكاله لانهم يأخذون على الاقل ضعف القيمه:mad:
نصيحه سيارتك اكسنت وكل الورش تعرف لها ما فيها اي تعقيد فاجعل الوكاله اخر خيارات !!
اتمنى لك التوفيق
اخوك
سراب الود

Microsoft @user_17932 · 12-02-2008

فعلاً راح عن بالي

مثل ما قالوا الشباب بخصوص سير التايمن

أشتر القطع الأصلية من الوكالة أو الموزعين

بخصم 40% ثم ركبها في أي ورشة ترتاح لها

|3|

الدحبول @user_50091 · 12-02-2008

يار جال واحد من ربعي عندها VXR
غير سير التايمن برا الوكالة وفر 800 ريال
ولا باعه بدون أن ينقص شي من قيمة
انصحك تشتري الغراض من محل أصلي وتوديه ورش مارح تكلفك شيء
شغل اليد مره غيرت سير تايمن كامري ب100 ريال
شغل يد 100 + القطع السير + بكره + شداد = مارح تطلع فوق 800 تحت 800

أبو خميس @user_49190 · 12-02-2008

سو ســير التيمـن بورشــه برا الوكــاله راح يفــرق مــعك واجــــد وأتوقــع يطيــح النـــص

عاشق السوسو @user_44354 · 12-02-2008

صراحة مبلغ كبير على السير , أنا أقول خذ القطعة منهم , وروح أي ورشة متخصصة يغيره لك ..

وبالتوفيق

Microsoft @user_17932 · 12-02-2008

E

Elated

شكراً جزيراً ...

---

كلمت مركز الصيانة على طريق خريص, و كان جوابهم:
1700-1800 ريال مقابل تغيير سير الـ ( Timing ) ..
280 ريال للفحمات الأمامية -- 240 ريال للخلفية .. لكن الموضوع برمته يعتمد على حالة الفحمات + الهوبات .. لأن بعضها - على حذ زعمه - تحتاج لـ خرط هوبات .

أحسنت بكتابة ما حصل لك .. |1|

بما أن موديلها 2005 ولم تقم بأي صيانة

منذ الـ40 ألف (العداد) فأعتقد أن الـ2500 ريال

رخيصه على هالمدة الطويلة بدون صيانة

:)

Elated @user_80748 صاحب الموضوع · 12-02-2008

شكراً جزيراً ...

---

كلمت مركز الصيانة على طريق خريص, و كان جوابهم:
1700-1800 ريال مقابل تغيير سير الـ ( Timing ) ..
280 ريال للفحمات الأمامية -- 240 ريال للخلفية .. لكن الموضوع برمته يعتمد على حالة الفحمات + الهوبات .. لأن بعضها - على حذ زعمه - تحتاج لـ خرط هوبات .

Microsoft @user_17932 · 11-02-2008

ما شاء الله تبارك الله

للأسف ما عندي خلفية .. لكن ممكن تعرف ذلك

بالإتصال على مركز الصيانة عن طريق الموضوع المثبت

@@الوعلان فى خدمتكم @@

:cool: