قريبا: فضيحة صيانة عبداللطيف جميل بالصور والوثائق

مالك إلا جريدة الوطن و قناة الإخبارية.

اخوي كاتب الموضوع
جميعنا معك اذا كنت مضلوم
شغل لسانك اذا كنت بالوكاله
وشغل اصابعك اذا قابلت لوحه المفاتيح
وخذ حقك منهم انا لا حضت كثرة الشكاوي على عبد اللطيف جميل
وكل الوكلاء عندنا للاسف حراميه ونصابين

اذا كنت تبي سياره تويوتا رح خذها من البازعي او انك تروح لعمان هناك السيارات السنعه

اخوي ابو ميس...


واضح من كلامك ان الشركه مافي امل تصلح سيارتك او تبدل لك وحده جديده
في هذي الحاله تشكيهم عند وزاره التجاره لانهم هم مختصين بـ المشاكل اللي من هذا النوع
لكن اذا استخدمت اسلوب التشهير في الجرايد فأنت بهذي الطريقه ارتكبت خطأ كبير وسويت ثغره في دعواك على الشركه في هذي الحاله ينقلب السحر على الساحر فتقوم الشركه وبمجرد اعلانك في الجرايد تتقدم بشكوى ضدك وتتطالبك فيها بالتعويض
ونصيحتي لك لا تستخدم هذي الطريقه ولا تستخدم اسلوب التشهير لكي لاتفقد حقوقك القانونيه على الشركه وتتعرض للعقوبه

لا تسكت !!


انت شاري السياره على انها سليمه!!

لاتسكت عن حقك طلع عيونهم !!

وترانا حاضرين

يا اخي الموظفين اللى في الصيانه ما ادري من وين جايبنهم انا كانت عندي مشكله في الحذفه وزي ما دخلتها زي ما خرجتها وحسافه اني ضيعت يوم كامل من غير سياره ومن غير فايده
بس انا ما الومهم دام الرقابه مهي موجوده
وقدمت شكوى للشركه وكان تعاملهم جيد صراحه لكن ايش الفايده دام السياره نفس ما هي وعندي كذا مشكله قلت ياخي ابلع العافيه ما عندهم ما عند جدتي
وياليت نشوف الفضيحه بس ما نبغى قول نبغى فعل

التويوتا السعودية (وارد ابو جميل) لا يقربك كله لعب بالمواصفات لا وعلى حساب اسم الشركة العالمي وايضا الزبون والاهم مصداقية وامانة الشركة الوكيلة والله يقويك وياليت يكون موضوعك اقوى من القوي |1|

تعتقد الادارة في عبداللطيف جميل تققوم بواجبها

من بعد ما وظف نساء يردون ياخذون اقتراحات وانا غسلت يدي من عبداللطيف جميل
مشكلتي انواع الاصوات في السيارة يقولك عادي

المشكلة في البلد هاذي
من امن العقاب اساء الادب

شباب ياليت اللي يعرف احد من كتاب الصحف المحلية اللي يهتم بمثل موضوعي يفيدني

لاني ابغى انشر الموضوع في الجرايد بعد حتى ولو على حسابي الخاص

ياجماعه والله قمة الحسره والقهر دافع اكثر من 80000 ريال

وبعدها آخذ سياره ملعوب في حسبتها ومفكوكه مكينتها ومافي ميكانيكي في عبداللطيف جميل الا وجرب مهاراته فيها


حسبي الله ونعم الوكيل

ياجماعه المشكله ماتقف عند الكامري..

الوالد معه لكزس 430موديل2005

ورافع شكوى على فرع توياتا الأحساء..

والسياره موجوده عند عبداللطيف جميل بفرع العليا

تخيلو

لكزس430موديل 2005ماشي48ألف حتى بـ 125ماجابت

والسبب انه صار حادث للوالد وتم تصليحه في فرع الأحساء

والله لايوريكم كيف الشغل..

تخيلو..المعجون موجود داخل السياره على المراتب..

الله يخلف عليك يا ابوجميل بس

الكامري انتهى من 2002 باعتقادي

وماراح اخرج عن الموضوع

بحكم تجربتي مع أغلب الوكلاء

كلللللللللللللللللهم سيئين وما أستثني أحد

ولكن ابو جميل أرحم من غيره

وهذا غير مبرر للصيانة بمواصلات المهزلة الي يعملونها معاك ...


كلنا معاك ياخوي وإلى متى وحنا ساكتين عن حقوقنا ؟؟؟؟؟؟؟؟؟؟؟

السكوووووت هو الي ذبحنا ..... وللأسف ماعندنا الوعي الكافي لحل مشاكلنا مع الوكلاء الجشعين الناصبين ....


انت تويوتا وأنا وكثير شركات تأمين وغيرنا بيوت وأشياء اكبر ....

الغرفة التجارية .............لاحياة لمن تنادي .......

أنا عن نفسي قلت مابسكت عن شركة التأمين الي نصبوني في نص المبلغ ولكن ما فيه أحد سمع صوتي ......وأضطريت آكل هوا وأنثبر :D

الله يعينك ويعينا كلنا من الوكلاء والشركات الي ماتخاف الله ....


آسف على الأطالة


تحياتي ،،،

واذا المشكلة ما وصلت للادارة يعني ما راح يرضون العميل ؟؟؟؟؟




والله انا اشوف ان عبداللطيف جميل شبع من الزباين وشبع من الفلوس وقام يرفع بالاسعر وينزل بالمواصفات والمعايير .....
ولا كرولا توصل لـ75 ألف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



والمشكلة ان الناس مصدقين ان تويوتا ويعيش .؟؟؟؟


يا ناس هذا الكلام اول مهوب الحين

ترا راس مال الكامري وغيرها من قراطيس توياوتا من 2006 وانت صاعد مهوب ياباني ...

تراه تجمييييييع ...


لكن الناس يتبعون المثل (( مع الخيل ياشقرا ))

للاسف ....

ان من رأيي ان شفت ان الموضوع راح يآخذ حقه ونصيبه ويوصل لناس فوووووووووق لا تتردد

اما ان حسيت انه ما راح يآخذ حقه انصحك شوف الاخ احمد وضبط الموضوع معه


ومع ذا لا تتساهل


ورهم العين الحمرا


وترا انا معك على طول الخط قدااااااااااااااااااااااااااااااااااااااام


تحياتي

الأخ احمد شوقي..

تشتغل بعبداللطيف جميل ولا لك معارف؟؟؟

الاخوان ماقصروا

بدا الشغل التايلندي يطلع!!

بانتظار الموضوع!

والله انك ضحكتني

اضحك الله سنك اخوي احمد

قسم ارضاء العملاء صرت اعرفهم بالواحد ولو تبغى اسمائهم بعطيك اياها

والله العظيم ماقدرو حتى يعطوني سياره بديله ولا طلع بإيدهم

وآخر شي قالولي لازم نفك الماكينه علشان نعرف ايش العله قلت ياجماعه السياره جديده مااستخدمتها 10 ايام ولامشت 1700 كلم

قالولي هذا اللي عندنا عاجبك ولا بكيفك

قلت بشتكي للإدراه قالولي بيردونك عندنا ماراح تستفيد شي

اقضب ارضك وابلع العافيه وانتظر لين يجينا الموافقه من الشركه الام بفك الماكينه

ولا غني ياليل ما اطولك لين تنحل مشكلتك


وشكرا لإهتمامك

اخوي أبو ميس...
استلمت بياناتك وإن شاء الله راح ارسلها للناس المعنين في علاقات العملاء في شركة عبد اللطيف جميل...
وللعلم يا جماعة أن شركة عبد اللطيف جميل من أقوى الشركات في نظام خدمة ما بعد البيع وخصوصاً في قسم إرضاء العملاء الذي يفوق التوقعات إذا تم توجيه المشكلة للقسم والإدارة المعنية.
وفي الأخير إذا تم إرسال الشكوى للإدارة المعنية ووالمختصة بذلك وكان لك الحق راح تاخذه بالكامل لان حرص الشركة على إرضاء العميل أكبر مما تتصورون.
تحياتي

أحمد شوقي

الله يجزاكم خير جميعا على تعاونكم الطيب ومشاعركم الاخويه

عز الله انكم رجال ينشد فيكم الظهر

وبالنسبه للأخ احمد شوقي فأنا اقولك يا استاذي مافي احد يبغى الفضايح ويدور الشر الا اذا عجز عن اخذ حقه بالتفاهم والاخلاق

عموما رقم لوحة السياره صار عندك وانا في انتظار ردك مع اني عارف ماراح يطلع من امرك شي

لاني ماتركت احد في ادارة المنطقه الوسطى ماقلتله مشكلتي وحتى الرقم المجاني حق جده اتصلت عليه واشتكيت وطلبت سياره بديله وردهم نفس الرد بنشيك وبنرد عليك

او بنشوف الموضوع وبنرد عليك

والى يومك بيردون بس هم يمكن قصدهم بيردون بعد شهرين ثلاثه

آخر شي قدرو عليه قالولي ماعندنا سيارات الآن انت استأجر سياره وحنا بندفعلك ايجارها طيب بإعتبار ان راتبي على قدي من وين راح اقدر ادفع ايجار سياره بالأسابيع كل يوم 70 ريال هذا غير ال 500 التأمين؟ ولا انتم ناوين تموتوني من الجوع لاني شريت سياره من عندكم؟؟


الى الله نشكو ضعفنا وقلة حيلتنا وهواننا على الناس



احترامي للجميع

لا تسكت عن حقك ابدا والحق ان شاء الله ما يضيع
وان شاء الله اذا اقدر اساعد ما ابخل

الله يعيننا على نصب الوكالات
تحياتي