تويوتا سيكويا vs نيسان أرمادا vs شفر تاهو vs فورد إكسبدشن . . . . . ( تقرير مصّور )

عموما حبيت اذكر شئ

انا من محبين الاكسبديشن من اول ظهور له وهو سيارة ممتازة وانا بالنسبة لي اعشق ال SUV الامريكية بشكل عام
ماتفرق معي كثير بين
الارمادا واليوكون والاكسبديشن والدورانقو كلها سيارات جميلة ورائعة
وانا اتمنى اشوف على الطبيعة تجمع لهذة السيارات وتجربتها جميعا ومقارنتها مع بعض

سيارة تويوتا احسها من الامام شكل امريكي من سيارات الفورد
ومن الخلف قريب من شكل لاندكروزر2008 لكن قوته رهيبه
واحلى صور سيارات التاهو والفورد
تسلم اخوي على جهدك الرائع
على فكرة انا بعض الصور مو شغالة

ههههههههههههههه

لا انكر ان التاهو رزه وشكله معجبني حيل

ايظا الارمادا سبق وفكرت اني اشتريه ومازلت معجب فيه ولا استبعد في يوم انه يكون معي ارمادا

ولاكن احيانا مشكله معينه تخليني ابتعد عن السياره رغم اعجابي بها :) ..

اخوي سي 300

بالنسبه للاكسبدشن انا اتكلم عن 2007 - 2008

تحياتي

أعتقد يامروق تمام الحين مالك حجه .. الكثرة تغلب الشجاعة
وأنا معهم إن الفورد بصفه عامة مبرمج عالصناعيه علطول ناهيك عن أصوات الديكورات الداخليه كأنك في مسرح منزلي . .

لاحظت بعض الأعضاء يدافع عن أي سيارة تحمل توقيعه . . ولايكون منصف . . ليش ؟

888

لا تتعب نفسك ياسي 300

من الصوره الشخصيه والتوقيع وانا عرفت انه بيخليه مايباخ :rolleyes:

ولاتزعل يامروق ... كل اليوكونات والتاهوات .. مشاكل في مشاكل :)

والناس ماتشتريه الا علشان المشاكل وفخامة متواضعه وانزل بعد ;)

وسياره فاشله بعد |11|

( والله انواع التحطيم ياشيخ :D )

ذا المسالة اعرف واعرف فيه اثنين من اقاربي معاهم اكسبديشن واحد 2004 والثاني 2006 واحد منهم كل يوم مشطف الصناعية وكل يوم وهو راكب سطحة اخر قبل فترة كانو مسافرين للدمام وقف عليهم
بحب انوه بشئ بسيط يوم تقول الفورد منتشره
الله يخلي الصالات "استخدام امريكي"

لان الشعب الحين اغلبهم طفارا ومافي استطاعته انه يشتري سيارة يابانية صغيرة الحجم بسعر غالي فشئ طبيعي انه بدل ماياخذ كورلا او هوندا سيفيك باكثر من 50 الف يتجيب له قيمتها كراون فكتوريا من الصالات

الحين فهمت السالفة ليه الفوردات منتشره
انت سافر للامارات او اي دولة خليجية وراح تتاكد بنفسك من كلامي
ان الفورد منتشر عندنا فقط والسبب هو السعر حتى نادر ماتشوف في الشوارع وارد توكيلات الجزيرة كلها صالات "استخدام امريكي "

صحيح كلامك



انا اعرف ثلاثه معرفه شخصيه اثنين معهم يوكن واحد معه تاهو وجميعهم يتفقون على مشاكل
السيارتين من قير وعدم راحه في الطريق ومشاكل اخرى الله اعلم بها .. انا قلت لك الي اعرفهم
معرفه شخصيه .. عاد بالنت عد واغلط :)



وانا بعد قرأت قبل فتره قصيره في هالمنتدى ان الاكستيرا اسواء السيارات في العالم من ناحية
السلامه والاحصائيه مأخوذة على عدد حوادث هذه السيارة ومن ضمنهم فورد فوكس وسيارات
اخرى .. قل من تبيني اصدق ؟ :)

اخي الكريم لو تبي تتابع الشركات الي تعمل اختبارات ومقارنه والله ان تتعب وما راح تاصل للسيارة
الافضل او الآمن .. فكل شركه لها مصالح وتحيزاتها كثيره .. يعني انا مثلا عندي شركه سيارات
واروح لشركه اختبار السيارة ادهن سيرهم والله ان يرفعون بسيارتي ويخلونها افضل من المرسيدس
والبي ام .. اجل الهيونداي الفيراكروز تفوق على اللكزس rx 330 :D
اخي الكريم اللعبه هذه كلها حركات تسويقيه والحين ماتمشى علينا .. حنة لنا الظاهر ولنا تجارب
المستخدمين للسيارة .. ان كان تبي تقارن صح رح جرب انت بنفسك وتعرف الافضل واترك عنك
الارقام :)



من ناحية التصميم الناس اذواق وفيه بعض الناس يعشقون الكلاسيكي .. وانا اتكلم على القصير
ومن ناحية الطويل رح قارنه بالسوبر بان موب تجيب لي ارمادا الله يجزاك خير :D



اجل سنه سنه ونصف وتتفكفك ؟؟ قالولك الفورد سيارات كوريه ياضالم :D
رح ناظر الشارع وبتشوف الفرود موديلات 94 وفوق كلها عايشه تمام وتسفرك الصين لو تبي :D

انا لدي فورد 2001 والحمدلله ماعندي اي مشاكل معه لا من الصيانه ولا قطع الغيار والله اني
ما ازمله .. والظاهر مايحتاج اني اثبت لك فأنت لك عيون وترى سيارات فورد قديمه وحديثه
ولكن التعصب له دور .

تحياتي لك اخي

اي فورد قطع غيارة متوفرة
بعدين مشاكل التاهو الي تقول عنها للحين محد وثق لنا هذا الشئ
والاكسدبيشن في اخر الاختبارات للسلامة كان الاسوء وحل نيسان اكستيرا المركز الاول الاكثر امان
والاكسبديشن 2007 ركبته تصميمه من الداخل يذكرني بالثمانينات كله مربعات وما فيه اي عصريه في التصميم وسواقته تجيب الهم يالله يمشي خاصة الطويل EL والله ياهو يرفع الضغط
وانا اشوف ان مقارنه الاكسبديشن بالارمادا جريمة في حق الارمادا
والارمادا اقتصادي في الوقود اكثر من الاكسبديشن والارمادا اكثر جودة وعملية اساسا سيارات فورد كلها سنه سنة ونصف الاوهي متفككة من الداخل وانواع القربعة والتكتكة
والخرابات الصناعية اكبر شاهد على هذا الشئ
وبصراحة في المقارنه هذة الاكسبديشن ماله محل من الاعراب لو حطو مكانه دورانقو اصرف منه مليون مره على الاقل محرك هيمي 5.7 محرك جبار

السيكويا لم ينزل لدينا حتى الان ولكن من المحرك واضح انه اقوى الموجودين

بالنسبه لاختياري لن يكون محصور في المحرك والقوه الحصانيه والعزم وانسى الامور الاخرى

اضافه للمحرك اريد سيارة مريحه وفخمه وعمليه وجودتها عاليه وقطع الغيار متوفره واسعارها
معقوله .. هذا كله ينصب لصالح الاكسبدشن

التاهو مشاكل له اول مالها اخر وكل من لديه تاهو يعترف بمشاكله :)

اضافتا الى ان الفخامه الداخليه متواضعه جدا


الارمادا شكل جمسل ومهيب والداخليه فخمه ولكن لاتصل لفخامة الاكسبدشن
الشي المعيب به انه يبغى له عنايه ولا ماراح يعيش معك وغير كذا يلهم بنزين ( حسب كلام المستخدمين )

السيكويا الله اعلم فيه

تحياتي

من الصفر للستين ميل

في

7 ثواني :D

يعني للميه زد كحد أقصى 7 أجزاء من الثانيه

( هذا الفرق بالاجزاء الاحظ على اغلب السيارات اللي يجوبون تسارعها للستين ميل وللميه ويلاحظ الفرق من بعدها )

يعني مابه من فرق كبير على تخميني .. فرقت يمكن جزئين |11|

ويمكن تخميني يكون صحيح لان المعلومات للحين متشككه ومو معتمده

والميدان يبين لك الصح ياحميدان :D

همسه :D :

قوة الارمادا الصافيه 318 .. والاجمالي 360 حصان :)

سلامي للجميع |3|

مشكور على التقرير الرائع ويعطيك العافية

لكن حبيت اصحح بعض المعلومات
فوة الارمادا 360 حصان والاكسبديشن 300 والتاهو 320 حصان
وبالنسبة للسكويا اذا تبغى تعرف عنها اكثر ادخل هذا الرابط
وعلى فكرة الاخوان الي احتلفو على حكاية التسارع الي علق على الفديو ذكر حتى التسارع

[YOUTUBE]V3lFTQQ4gpE[/YOUTUBE]


مقارنه جميلة ومتكافئة وكلهم وحوش امريكية وتمنيت ان الدودج دورانجو معهم لتكمل المقارنة

والله أبو الخل اول ماكنت اقرا ردوده قلت ماشاء الله تبارك الله
لكن مدري وش جايه هاليومين الا تويوتا غصب والكل يعرف ان تويوتا لاترتقي بقوة المحركات الى نيسان (لاحظ محركات لم اذكر شيئ أخر)
الله يهديك يابو الخل|5|

معلوماتي مخربطه يابو الخل ...

الله اكبر

مره قلت ان تسارع اللكزس ال اكس 570 .. 7,8 ثواني

ومااقتنعت ... وجبنا روابط ..

والمعلومات المخربطه هاذي مو من خربطت مخي

من خرابيط التجارب

انا استدليت التسارع للسيكويا .. على تسارع اللكزس ال اكس 570

وال اكس يجيب الـ60 ميل في 7,4 ثواني ..يعني الميه 7,8 تقريبا

وال اكس مكينته نفس مكينة السيكويا والاند ابو محرك 5,7 لتر

وانا دخلت على موقع موتر تريند .. وشفت تسارع السيكويا .. تسارعه للـ60 ميل في 6,2 ثواني

والمشكله ان اللكزس والسيكويا ... بنفس الوزن الصافي وبنفس المحرك ...

والتسارع مختلف بشكل كبير

ولا واحب ابشرك يالخل ... ان اللكزس ازود بحصانين ورطلين :D

يعني المفروض يدبرون ترقيعه على المعلومات المشكوك فيها بصراحه

والله موقع شلاخ وراعي استهبالبصراحه ... مايثبت على زبده معينه :D

http://www.motortrend.com/roadtests/suvs/112_0803_2008_lexus_lx570_first_drive/

الاقوى من جهه الارقام :D

السيكويا

الارمادا

التاهو

الاكسبدشن

من ناحيه كلام المجربين:

السيكويا ماحد جربه :D

الارمادا

التاهو

الاكسبدشن

يعني نفس الشي :D :D <--- دلخ :D

مشكور اخوي تميم على الموضوع |1|

بالنسبة لي افضل

1. التاهو

2. الاكسبديشن

3. سيكويا

4. ارمادا

الحقيقة شي عجيب وممتع في نفس الوقت ان سيارات هذه الفئة توصل لارقام تسارع
مدهشة ... والله شي يسيل اللعاب .. :p اوقات احس انها الفئة الامتع.

كلامك صحيح أخي، أسرع واحد فيهم التويوتا بدون شك، بحكم محركه الأقوى فيهم جميعاً. ثاني أقوى محرك هو محرك الأرمادا، والواقع يثبت ذلك.

التندرا، بنفس محرك السيكويا، تسارعه في 6 ثواني فقط، السيكويا، بحكم حجمه العائلي ووزنه، لا يمكن أن يزيد في التسارع عن ثانية، يعني في أسوأ أحواله تسارعه من 0 إلى 100 في 7 ثواني فقط. اللاند كروزر الأمريكي بنفس المحرك تسارعه من 0 إلى 100 في 6.5 ثواني.




أنا أتمنى أعرف معلوماتك المخربطة هذي من وين تجيبها؟ وين 7.8 ثواني؟ أنت تتكلم عن الموديل القديم أبو 270 حصان. الجديد تسارعه من 0 إلى 60 ميل/س في 6.5 ثواني، ومثبتة من مجلة Car Trend وTruck Trend.

صدق او لاتصدق

الارمادا ابو 318 حصان صافي

تسارعه افضل من السيكويا ... ابو 381 حصان

واكدت تجارب الشركات على هذا الشيء على التسارع افضل ..

إذا كان اللكزس ال اكس بنفس المحرك لاكن بست نمر تسارعه 7,8 ثواني

وبعدين ترا عامل الوزن له دور .... لاكن مابه من فرقاً كبير ..