في الانفينيتي والمورانو
ومادام انك بتروح لوكالة النيسان فأنصحك بشده تشوف الـ EX لأنه لاوجه مقارنه بين مواصفاتها ومواصفات اي سياره من ذلين السيارات، ومستوى جودتها وفخامتها افضل منهم، وتقنيات جديده مثل اربع كاميرات لركن السياره تعطيك صوره للسياره من الجو عند ركن السياره في الموقف، كذلك فيها ميزة طي المقاعد الخلفية كهربائياً من ازرار عند القير، والتشغيل بدون مفتاح (زر) والدخول بدون مفتاح، ونظام ملاحه ثلاثي الابعاد مع شاشه تعمل باللمس، بلوتوث، واضواء ترحيبية تحت المرايا تشتغل لما تقرب من السياره واضواء داخليه انيقه جداً كذلك ترحب بك لما تقرب من السياره وتنور، والمهم ان محركها طولي على اساس خلفي بدفع رباعي على عكس المذكورين الي هم عرضي على اساس امامي بدفع رباعي، وقوتها اكبر منهم كلهم حيث تبلغ 298 حصان صافي بينما لاتتجاوز اقوى واحده من المذكورين 270 حصان
ومن الاشياء المهمه، ان هذي السياره حائزه على جائزة سيارات النخبه الآمنه، لأنها صنفت كواحده من افضل 16 جيب اماناً على مستوى العالم
والاهم والاهم انها سياره جديد توها نازله، يعني هذا الشكل باقي لمدة لاتقل عن 5 سنوات بينما المورانو راح يتغير بشهر اكتوبر والـ RX راح يتغير خلال السنه الجايه
ماراح تخسر شي لو راحت وعاينتها وشفتها
