بسم الله الرحمن الرحيم
السلام عليكم ورحمت الله وبركاته
كيف حالكم جميع
انا حاب اطرح لكم قصتي الكاملة مع سيارتي فورد كراون فكتوريا
واتمنى منكم جميع بطرح ارئكم وخبراتكم في صيانة هذي السياره
وانا كتبت هذا الموضوع اول واخيرا عشان استفيد منك واتعلم لاني وبكل صراحة جديد على الفورد وتاكدو اني كلي اذا صاغيه لك مشوراتكم على
عموما
السيارة نوعها:فورد كراون فكتوريا 2004 (الاستمارة) سبورت امريكي
موصفات السيارة : جلد ,جنوط 17,جناح ,مكيف الكتروني
رقم الشاصي:2FAHP74W64X120601
عداد السيارة وقت الشراء: 100,000 ميل تقريبا
مشاكل تم حلها ( الفضل لمنتداكم)
1-صوت العصافير الي بالكبوت وكان الحل بلف شرطوط على القفل الي على شكل حرف يو الي موجود بنفس الكبوت وتشحيم مكينه القفل الي خلف الشبك
2- صوت قرقعه عند تشغيل الكيف وكانت المشكله في شداد كمبروسر المكيف وتم تتغيره وختفا الصوت تمام
3-رقم الازرار حقت الباب وذلك بفك ديكور الباب والرقم كان موجود تحت السماعة حقت السواق علبة سودا فيها الرقم السري حق قفل الباب
مشاكل ابحث لها عن حل
1-عندي صوت يطلع بعد تشغيل السيارة بعده ثوواني عباره عن جرس يضرب خمس مرات ثم يسكت ثانية وحده ويرجع يدق خمس مرات ثانية يعني يدق 25 مره (من كثر مازعجني حفظت كم مره يدق)
2- السياره فيها نفضه خفيفه اذا القير في الفاضي والرجه تزيد اذا عشقت للD واحس السياره تبي تطفي ويطلع في الطبلون علامة البطارية الحمراء الي فيها زايد وناقص بعدين تمشي السيارة عادي جدا بس اذا جيت ابي اوقف توقيف كامل ترج السيارة وهي في ال D واحسها تنتع تطلع علامة البطارية
3-رجه في الطارة الرجه مو مره قوية بس محسوس فيها للعلم الكفرات جديدة والترصيص ممتاز (يليت تعلموني اش ممكن يسبب رجه غير جودة الكفر والترصيص)
4- المكيف لم ادعس للسيارة او بالعربي ازر عليها يطلع هواء حار
5-المسجل تردد القنوات احادي
6-كيفيت تشغيل المكيف في وضع الوجه ووضع الارض مع بعض
7- هواء محبوس في تانكي البنزين لما اعبي بنزين يخلي الهندي يحسبني استهبل عليه واني معبي فل والمشكلة ان سيارتي مفلله هواء
شغلات سويتها اول ماشريت اليسارة قبل شهرين من اليوم
1-بواجي
2-فلتر بنزين
3-دنمو كهرباء
4-زين قير مع فلتر وقاز قيت ( البنشري احتاج 5 علب زيت قير بس يقول الامريكي مافيه صره تطلع الزيت كله )
5-سير(الي بره المكينة )
6- فحمات وخرط هوبات
كثير من الشباب والي في الورش قالو افحص كمبيوتر
وهذا الي صار اليوم وكانت النتايج مدهشه لي
اول شي رحت لورشة سهم بالدمام (ويليتني مارحت)
دفعة 200 ريال فحص شامل للسيارة
وكانت المشاكل كالتالي
1-صنفرة بلوف 1500 ريال
2-استبدال صوفة صدرلماكينة 250 ريال
3-تنظيف بخاخات 450 ريال
4-تغير زيت وفلتر القير 100ريال
5-ربلات عامود التوازن 100ريال
6-استبدل مسمار عمود التوازن 100ريال
7-اصلاح دنمو 200ريال
8-اصلاح وزن النور الامامي 60ريال
9-تنظيف حساس الهواء 250ريال
10-اصلاح لمبة اعطال المكينة 500 ريال
11-اصلاح فرامل 250 ريال
12- تربيط سيارة 100 ريال
13- حساس سرعه 80 ريال
14-وجه غطاء لدفرنس 150 ريال
15- تشييك خط البنزين 250 ريال
16- تصليح مراية (مدري وين المشكلة ) 60 ريال
المشاكل الي طلعها الكمبيوتر
1- P0442 EVAP SYSTEM SMALL LEAK(تهريب في خط البنزين سبب الهواء في التانكي)
2-PO153 O2S SLOW RESPONSE ( مدري وش هي )
3-PO155 HEATER -CIRCUIT ( مدري وش هي )
4- P2197 SIGNAL STUCK LEAN
5-P0174 SYSTEM TOO LEAN
المهم رحت للاستقبال سالته كم تكلف تصليح السيارة قال 4050 ريال وبعد الخصم طلعة 3200 ريال
هذا فقط شغل اليد
انا تعوذت من ابليس وطلعت وانا نفسيتي لا يعلم بها الا الله
قلت قدها خربانه خربانه خلني اجرب غيره وافحص عنده
دقيت مشوار للثقبة وروح لمحل اسمه الشبل
فحصت عنده كمبيوتر ب 150 ريال
طلعت لي نفس المشاكل بس زياده واحد
1-P0442 EVAP SYSTEM SMALL LEAK
2- P0153 02S SLOW RESPONSE B2/S1
3-PO155 HEATER- CIRCUIT B2/S1
4-P2197 SINGAL STUCK LEAN B2/S1
5-P0174 SYSTEM TOO LEAN BANK 2
والمشكلة الجديدة الموجوده في الفحص الثاني
هي
6-P01270 ENGINE RPM VEHICLE SPEED LIMITER REACHED
في هذي الورشه قال لي الفلبيني
لازم نسوي تصفيه للسياره وراح تكلفك 480 ريال اذا ماحتجنا ننزل التانكي واذا نزلنا التانكي راح تزيد على المبلغ 350 ريال وبعد الخصم وحب الخشوم 700 ريال
قلت طيب وش تبيني اشتري من قطع قال اسمع ابي منك
1-بواجي
2- فلتر بنزين ( معذبهم فلتر البنزين غصب يغيرونه)
3-منظم هواء حق المكينه اسمه ثرويل
4- بخاخ ايسي دلكو حق التلميع
انا تعوذت من ابليس وسحبت عليه طبعا واعده الصبح بحظر عنده وهو مادرى اني كبت النية اروح لواحد ثالث ( بس من غير فحص كمبيوتر )
ومالكم بالطويلة واروح عند واحد اعرفه من ايام الكامري الله يذكرها بالخير
والله واعطيه السالف
قال اسمع احنا ماغيرنا بواجي قلت ايه, ماغيرنا فلتر بنزين قلت ايه قال وش باقي قلت منظم الهواء
قال جب لي منظم هواء وفي بعد منظم ثاني يجي جنبة فوق المكينة الظاهر كلهم لهم علاقه بالهواء حق المكينة وراح نظفه وانظف حسسات اوكسجين ومدري ايش
قلت بكم قال 200
قلت يصير خير والان
انتهت القصه
انتو بائراكم راح تحددون مصير هل القصة سعيدة او تعيسه
وشكرا مقدما
وانا اسف جدا جدا على الاطالة
