السلام عليكم
والله يا اخوان ماعندي لها صور بالكمبيوتر والمعذرة من الكل
طبعاً هي 6 سلندر lgx
استمارة وفحص منتهي
البودي طبعاً جاية سمكرة من الأمام
ومن الرفرف الخلفي
ولكن الأبواب من وهي معي ماجاها اي صدمة _ طبعاً اكيد فيها خدوش ماتخلى من هذي الأمور
طبعاً فيها اثار البرد الي جاء الرياض من سنين ولا حركت فيه شي
السيارة طبعاً انا ما بعتها الى والله عندي التزام ولا ماودي افرط فيها لأنها خادمتني بالنسبة للروحه والرجعه من الدوام
والدليل اني توني من شهر او اقل مركب لها كفرات جديدة
طبعاً وديتها اليوم للفحص وقالو فيها نسبة بسيطة من الكربون ( ساقطة في الأمتحان) والثاني قالو باب السواق يبغالة فصاله ( مدري وش دخل الباب في الفحص اول مرة تمر علي)
وبالنسبة للفحص والأستمارة مو مشكلة نتفاهم عليها كل شي سهل انشاء الله
