احذرواا زيت كاسترول يااخوان

السلام عليكم

والله ياشباب انا اعرف ان زيت كاسترول من اقدم الشركات ولكن ما اعرف جودتها

اخوي معه مرسيدس من يوم اشتراها وهو يستخدم موبل ون

لكن قبل اسبوع ومع كثرة الدعايات حقت كاسترول:e058: قال خلني اجرب

والله الرجال يمدح في عزم الموتر طلع انشط للمكينة

ممكن ليش لا بس انا دائما اغير زيت فوكس وانا اشوف انه من افضل الزيوت ويمكن افضلها 10000 كياو بدون مبالغه والزيت ماشي ممتاز ورحت بالسياره للوكاله وغيرو لي زيت كاسترول لاني مسوي لها صيانه 150 الف ومعي زي الحلاوه والوكاله سامكو فولكس واجن والزيت ممتاز بس للامانه استخدامي لها بسيط جدا ولا اروح عاليها مشاوير بعيده ويمكن ابعد مشاور 70 كيلو روحه وجيه ويمكن يجوز زي ماقالو الاخوان فيه مقلد لكن ليش لا اذا كان هذا صحيح لابد من اخبار الغرفه التجاريه ولا اظن ان كاسترول راح تحضي بسمعتها وانا اتوقع فعلا انه مغشوش والا منتهي والا يمكن زيت طبخ ابو زهره كل شي جائز اليومين هذي والله يعين الجميع

يبدو من ردود بعض اخواني يؤيدون صحة كلامي

الحمدلله فقد أصدقت في قولي

بخصوص الي يقول اخذته مغشوش في البيت 4 كراتين زيوت كاسترول بالجمله من الوكيل وهذا غير الي خبطت منهم تغير وكاله والي تغير بنشر والي تغير في رد كاب ؟؟ معقوله كل ذول اشترو زيوت مغشوشه ؟؟

ياخي مو شرط
انا استخدم زيت كاستر في كل سيارات البيت والحمدلله ماشيه تماااااااااااااااااااااااام

اخوي BZNES انا كنت استخدم السوبر موبيل توربو هذا اسمة استخدمته قبل الكاسترول ولعدة سيارات والحمد لله لم اجد منه اي مشاكل كنت اغير بعد 2500 او 3000 كيلو وذلك للمحافظة على الماكينة فحتي مع الكاسترول والذي يقولون انه يمشي 10000 كيلو بدون مشاكل لم امشي عليه اكثر من 4000 كيلو ومع ذلك وجدته ينقص بعد هذه المسافة لذلك رجعت للزيت القديم وماشي الحين بعد التعيير حوال 2100 كيلو ولا زال محتفظ بنفس اللون ونفس الكمية والحمد لله واعتقد انني لن استخدم زيت اخر بعد تجربة الكاسترول الفاشله

سوبر موبيل كم نوع منه وكم تكلفته ياليت تفيدنا اخي الكريم

السلام عليكم
اخوي صاحب الموضوع في البدايه الله يعوضك ويعوض صاحبك على خسارته . وثانيه من المعروف ان زيوت كاسترول زيوت عالميه وجودتها عاليه ولكن يوجد منها تقليد في السوق فاحيانا تجد صناعة سعوديه تعبئة جده واحيانا تعبئة الامارات وكلها اصليه. وبهذه الطريق لم يعد المستهلك ولا اصحاب البناشر قادرين على تمييز المقلد من الاصلي . لتعدد مصادر الاصلي والتغيير البسيط في العلب حسب المصدر .
وثالثا انا انصح بعدم استخدام الزيوت الخفيفه في اجواء الخليج مثل 10-30 و 5-30 و 0-40 وانصح باستخدام 20-50 وهو افضل عيار لاجواء الخليج المتقلبه وانصح ب زيت كاسترول الترا سفن . يكفي انه مدعوم من بترومين ومصدره ارامكو يعني جوده عاليه و احتمال الغش فيه قليل جدا .
وانصح بعدم شراء فلتر الزيت من محلات تغيير الزيت ( المشاحم ) ابدا لان 99% منها مقلده وتباع اغلى من سعر الاصلي في الوكاله !!!! مثلا سعر فلتر زيت الاكسنت والالنترا والسوناتا والتوسان والسنتافي والكوبيه في الوكاله بعد التخفيض ب 10-11 ريال وسعره عند محلات تغيير الزيت ( المشاحم ) ب 20-25 وليس اصلي هذا من حكم تجربتي المستمره .

والله يا اخوان نقص الزيت في السيارة يخوف بعدين تروح المكينة ولا جلد البلوف ما راح ينفعنا الكاسترول اقول خلونا في المضمون ( سوبر موبيل )

هلا بالشباب
بالنسبة لي كنت استخدم موبيل بكل السيارت اللي كانت معاي

واشتريت ميركوري قراند ماكيز وسئلت واحد من ربعي معاه نفس السيارة وقالي كاسترول

ومن شريت السيارة وانا عبي من هالزيت وفعلا لما اغيرة يقولي ناقص نص علبة بس وانا غير

على 5500 الى 6000 بالصيف والشتاء 6000 الى 7000 لكن حتى لو غيرت على 4000 يكون

فيه نقص وتقريبا ما احترق بشكل كامل بداية احتراق وتغير في اللون على كلام

البنشر اي فورد ينقص وطبيعي بالذات الاستخدام الامريكي

وعلى فكرة البنشر يقولي فيه نوع تجاري ونفس شكل الاصلي

والاصلي لما تشيل الغطاء تحص لشعار كاسترول على ما اعتقد باللون الاسود على القصدير اللي يكون تحت الغطاء

ولا اخفيكم سبب تسجيلي في المنتدى الرائع هذا الموضوع

السلام عليكم هذه اول مشاركة لي بهذا المنتدى الرائع

مادعاني للتسجيل هو هذا الموضوع وللاسف ماقاله

صاحب الموضوع صحيح فجزاه الله خيرا

كانت عندي كامري 2004مطلعها من الوكالة مشيت

100 الف مدلعها اخر دلع كنت اغير كاسترول اصلي

قبل شهر بدا الزيت ينقص وصل لحد احط الزيت اليوم

اغيره بكره و للاسف خبطت المكينة

حسبي الله ونعم الوكيل اليه المشتكى

مشكور وجزاك الله خير على النصيحة

شيء طبيعي جدا انه ينقص بحكم انه 10W30 وهذا الزيت خفيف

لكن لو رجعنا لسبب التخبيط لوجدنا انه الاهمال وليس نوعية الزيت

اعتقد انك احد ضحايا زيت كاسترول المغشوش

اصحاب البناشر ماقصرو اكثر الزيوت مبيعا
طلعو منه نو عيه مغشوشه
حسبي الله على من غشنا

تذكرت
السيفون التجاري له دور في تخبيط السياره لانه يسبب احتباس الزيت فيه وعدم وصوله للمكان المطلوب
وهذا موضوعي كتبته عنهم وتجربتي مع المغشوش
http://www.assayyarat.com/forums/showthread.php?t=129931

غريبه!

انا موتري 2004..

ومن طلعته من الوكاله جديد وانا أستخدم كاسترول الخفيف..

وكل مرهـ اعايرهـ بعد 4000 الى 5000 كيلو..

اذا هو لونه قريب للأسود ولزوجته راحت اغيرهـ على طول..

واذا حسيت انه كويس..مشيته 2000 زيادهـ

يعني ما اغيرهـ الا على 7000 كيلو !

ولا قد لاحظت انه أحترق ابداً ..

وموتري الحين قريب من 200 الف كيلو ..

واتوقع هذا دليل كافي انو الزيت عملي..وهو من أفضل الزيوت من وجهة نظري..

بالتوفيق

اخوي blue altima

والله زيت كاسترول جي تي اكس 30/10 ماينفع بريال وخفيف ويتبخر كنت اغير لسيارتي كسترول


ماامشي 2000 كيلو الا والقاة ناقص بعدها صرت اغير لترا 7 والحمدلله امشي 4000او اكثر ولا


ينقص .... والله ماادري هل الزيت مخشوش علما ان اغير من عند البناشر او لانة خفيف

الايام سوف تثبت ذلك وانا مالي اي مصلحه في موضوع ارباح الشركات

الا هل بلغت فاللهم أشهد

والباقي كل واحد براحته تخبط ولا تروح تشليح مالي صلاح

فمان الله .

أنا استخدم الزيت من سنتين بالأزيرا

وماشي معي الحمد لله

علما بأني اغير الزيت كل 10 الاف مع الفلتر ومافيه اي نقص بالزيت

الظاهر ان اخونا في الله قراء في زيت الطبخ كرسترول وقام يستخدمه
ياحبيبي انا لي 6 سنوات اغير للفورد من هالزيت والحمد لله فل الفل

لا يصح نعمم !
هناك لغط في الموضوع !
نأمل التأكد وتزويد الموضوع بأدلة كافية لنقوم نحن بواجبنا ويبدأ واجب ناس آخرون