الثلاثاء 9 يونيو 2026
عاجل

سيارات مظلومة

تقييم ومقارنة السيارات مغلق
173 رد 29,254 مشاهدة 83 مشارك الأقدم أولاً
م
محمد @user_67 · 05-01-2003
هناك سيارات معينة تأخذ نصيب الأسد من حصة السوق. ويرى الناس أن هذا السيارات هي الأفضل. ولو طلبت مشورة إنسان لشراء سيارة فإن مشورته في الغالب لن تتعدى هذه السيارات.

لكن السوق به عشرات السيارات الأخرى. سيارات قد لا تقل جودة عن السيارات الأخرى. ولكن لم تلق نفس الشهرة. أو لعلها لم تحظ بوكيل يسوقها بشكل يجعلها تنافس السيارات الأخرى.

هل توافقني الرأي؟

إذا كنت توافقني الرأي وجربت سيارة ترى أنها رائعة ولكنها مظلومة بحيث أنها لم تأخذ حظها في السوق فضلا اكتب عنها واكتب ما الذي أعبجك فيها.
م
محمد @user_67 صاحب الموضوع · 20-08-2011
شكرا للجميع..

هل من يضيف سيارات أخرى للقائمة؟
ا
ابوعبدالله2009 @user_46006 · 11-05-2007
الاخ محمد اشكرك على الموضوع بصراحه انا جربت الماجنا واري انها لم تاخذ حقها سياره قويه جدا ما تطلب وراسيه في الخط
G
GTA_IV @user_21800 ROCKSTAR · 16-04-2007
من ناحيتي انا كل السيارات اللي سقتها تقريباً مرغوبه ومشهوره
أول سياره جربتها الكراون فكتوريا موديل 97 ولايبي لها اقول شي لانها مشهوره
وغيرها مرسدس موديل 93 فئه E190 وجداً حلوه
وهيونداي ومشهوره
وجيب لاندكروزر في اكس آرس وجي أكس آر ومرغوبه
لكن في فورد اسمه رنجير صنعه تايلنديه ماعجبني صراحه ولا اشوفه مشهور جداً وحجمه مثل الددسن
لان سواقته مخيفه صراحه يعني تصور امشي بسرعة 120 وافرمل شوي القاه يروح بي يمين بالعاميه(ينطل بي؟)
السياره الغريبه اللي جربتها وعجبتني صراحه هايلكس موديل 83 هههههههههههه
ونوعاً ما حلوه

تحياتي
ن
نافعكم كلكم @user_39749 · 10-04-2007
انا اظن ان السياره المظلومه هي السوناتا يعني محرك رائع وقوه وكل شي زين لكن قيمتها خراط رخيصه عند البيع مع انها مرغوبه.....
c
cloud-pravo @user_45250 · 10-04-2007
السلام عليكم.........
هذه اول مشاركة لي في المنتدى واقول بسم الله
الحقيقة الموضوع حلو واشكر الكاتب طبعاً ما اقدر ازود على الكلام اللي قالوه الشباب وانا وصلت لصفحة 8 في قراءة هذا الموضوع وفرملت عشان اشارك بكل اختصار انا عندي بيجو 307 اقولكم وبكل صراحة معذباني . اتعذبت من هذي السيارة رغم ان شكلها حلو مواصفاتها الداخلية والتقنية رائعة جداً بالنظر الى سعرها ولكن مشكلتها اول شي ان المساعدات ناشفة السيارة ناشفة تحس بالمطب كأنه مطبين .

المهم اول سنة السيارة مشيت حلاوة ثاني سنة البطارية تخرب بدون اي سبب مرتين الى ثلاث مرات سنوياً . السير حق الماكينة انقطع من غير اي سبب مرتين . اللمبات (الاسطبات الخلفية والامامية) ممكن تقول ان كل شهرين لازم تغير لمبة . المسجل مو قد كذا ولكن نظام الصوت رائع الصراحة.

وفي النهاية السيارة لها عندي اربع سنين وماشي حوالي 100 الف يعني معدل جيد ومع ذلك السيارة غير جيدة. لدرجة اني الحين كل ما اسوق السيارة اخاف انها توقف او ماتشتغل الله يستر بس. والجربكس مدري ايش فيه...

والمشكلة الكبرى ان مافي ورش تعرف للبيجو . والوكالة مواعيدهم سيئة يرجعوا السيارة بعد 4 ايام كحد ادنى واسعارهم غالية ولكن قطع الغيار رخيصة ومناسبة جداً شغل اليد غالي.

وأخيراً مدري والله هي المشكلة مني ولا من السيارة ولا من الشركة مع العلم اني طلعت السيارة اول ما نزلت في الاسواق على نهاية 2002
وسواء كانت المشكلة مني او من السيارة او من الوكيل انا اتعقدت من البيجووووو.

وشكراً واسف على الاطالة
m
mo7amedd @user_44732 · 06-04-2007
والله انا اشووف ان سوبارو

مظلومه في السعوديه

وخصوصا الليجاسي

الي انا اشوفها انها الالفضل في فئتها
G
GM_TAHOE @user_23867 · 05-04-2007
مثل مقال اخوي محمد
السوبارو
اعتقد انها مظلومة في السعودية
وارجع السبب لوكيها السابق اللي هو البالبيد
طبعا انا ماجربتها لكن فيها مميزات اكثر من رائعة
واتمنى من الوكيل الجديد ان ينعش سيارات سوبارو الجديد منها خاصة


أخوكم
S O S O 2 0 0 4
m
mo7amedd @user_44732 · 05-04-2007
والله انا اشووف ان سوبارو

مظلومه بشكل عام في السعوديه

وخصوصا السوبارو

الي انا اشوفها انها الالفضل في فئتها
م
منتصر @user_1605 · 16-07-2004
vamp اشكرك على موضعك عن الروفر واتمنا انك تدخل فيه تفاصيل اكثر بس في منتدى السيارات الاوربيه
م
منتصر @user_1605 · 16-07-2004
ماكس والله انت صادق الوكيل اهو الا ينجح االسياره احنا عندنا السيارات الاوربيه مظلومه يعني مو معقول السيارات الامريكيه او اليبانيه تكون احسن الساب ايرو قمة في الابداع سياره من نوع خاص ثابت وأأمان افضل سياره على الاطلاق في الاماان بعد عمل احصائيه بينه وبين الفولفو والمرسيدس والبي ام
اما سيارت تويوتا الا اخذه شعبيه كبيره اقل عيب بتكلم عنه انه مفقود فيه السلامه
بس سياره عمليه صح وبسيطه بس ما فيه رفاهيه مثل السيارات الاوربيه
ومع ذلك التويوتا مش افضل من المازدا والسبارو والمستبيشى بس مثل ما ذكرو الاخوان توفر قطع الغيار من اصلي وتجاري ويباني السبارو مع الاسف ما تجي قطع غيار غير اصلي بس اكيد رايح تنظلم

اشكر صاحب الموضع الجميل والمميز
N
NiCK @user_11949 · 10-07-2004
هلا والله اخوي محمد

انا قصدت بجملة لو بيقل بيقل من ردائت صنعه يعني ان السياره منتشره ولو قلت فهذا دليل على انها صارت رديئه مو لانها مو معروفه :)

وبالنسبه للفولفو انا ما اعرف اتكلم بالسنتي متر بقول لك بمثال
لو فيه خمس اشخاص كل واحد طوله 170 ووزنه 80 ما راح تاخذهم سياره فولفو متوسطه وصغيره مثل ال s40 وال s60 الا بالموت وما يقدرون يظلون على وضعه لمده طويله بيصيرون فوق بعض من الزحمه
ولو كانو 4 اشخاص اللي ورا ما راح يقدرون يمدون رجولهم والكرسي اللي قدام في الوضعيه الوسطيه يعني مو راجع ولا متقدم <-- ما ادري كيف هذي سياره اوربيه
يعني هم كبار وسياراتهم صغيره

وبالنسبه لاسعار قطع الغيار الفولفو في كل مكان غالي :( استشهد بدول الخليج والشرق الاوسط وانسان عرفت الفولفو منه عايش بامريكا ويشتكي من القطع ايضا
ولك مني اعذب تحيه
م
محمد @user_67 صاحب الموضوع · 09-07-2004
vAMP

مرحبا بك.

معلومات وفيرة ووافية وتعليق رائع.
|1|

ما قلته يستحق أن يكون موضوعا مستقلا.
أنتظر منك موضوع تخصصه عن الروفر ويكون في المنتدى الأوربي.
:)
م
محمد @user_67 صاحب الموضوع · 09-07-2004
NiCK

شكرا للمشاركة.

أوافقك الرأي في بعض ما تقول.

الإنتشار لنوع من السيارات يدل كثيرا على مدى نجاحها.

النيسان سيارة مظلومة؟
|6|

هل كلها؟
أم بعض منها؟

أعرف أنك كنت تعلق على كلام آخر لكن على كل حال، لم أفهم عبارتك : بيقل فهو من ردائة صنعه مثله مثل الكابرس واللومينا!! ممكن توضح أكثر؟

الكورولا أوسع من الفولفو الفئة المتوسطة؟
ماهو حجم السيارتين من الداخل؟ حسابيا وليس تخمينا؟

بالنسبة لقطع الغيار هل نسبة ارتفاع أسعار سيارة معينة مقارنة بالآخرين متساوية حتى في الدول الآخرى؟
أم أن قطع غيار بعض السيارات غالية بسبب الوكيل؟

مرة أخرى شكرا لك.
v
vAMP @user_12617 · 06-07-2004












<< فيه مثل

ماتلاحظون بوكس بعد ..


<<ثمانية

سلندر مثل ماتلاحظون!
v
vAMP @user_12617 · 06-07-2004









<< هذه

حساسات المطر





v
vAMP @user_12617 · 06-07-2004















v
vAMP @user_12617 · 06-07-2004
بالله تسمون هذه سيارات ؟؟؟ بيجو وسيدرك وما ادري ايش ..!

والله حرام عليها هالتسمية !! هذه المفروض يسمونها قلة حيا مو سيارة خخخخخخخخخخخخخخخ

معليه يا شباب امزح لاحد يزعل << مو فايق ..

والله ياشباب يمكن تكون من وجهة نظركم ان السيارات هذه مظلومة والمجتمع ماعطاها حقها .. مع إني اشوف بعضها مايستاهل الرجة ذي كلها ..

المهم ماعلينا كلن له وجهة نظره

انا بالنسبة لي صراحة ماقهرتني إلا الروفر .. المجتمع مرة مو داري عنها وذا اللي رافع لي ضغطي :mad:.. يعني كل اللي تبيه واللي ماتبيه موجود!

من ناحية الشكل تراها دماااااااااار ومميزة مرة وخطيييييييرة مع إن بعض فئاتها ممصخينها شوي <<ماعلينا>> ..

عندك كمان المواصفات والمميزات والأجهزة اللي فيها .. والله اتحدى لو ان الBMW ولا الفياقرا فيها ربع المواصفات اللي فيها! يعني فيها كل

المواصفات الإعتيادية مثل حقت المرايات الجانبية يوم تنطوي لا قفلت السيارةو المرايا اللي عند السايق اللي تمتص الضوء والحساسات وغيرها

من هالخرابيط :)فيه غيرها مثل الحساسات حقت المطر! من يوم ماتشم ريحة المطر على قزاز السيارة وتشوف المساحات اشتغلت! .. عندك بعد

نظام الإستشعار داخل السيارة يلقط لك أي همس واي حركة واظن حتى لو شبح كان موجود بالسيارة لقطه لك .. طبعاً راح يشتغل الونان على

طول (فيه حركة بنفس الريموت ((زر إختياري)) تقفل الشيء ذا لو انك تارك احد فيه .. لكن الإفتراضي من يوم ماتقفل السيارة يشتغل معه على

طول)

عندك الماكينة جامدة يقولون (في الكاتالوج) إنه مستحيل انها تشتغل من غير المفتاح! يعني انسى اي لعب بالأسلاك ولا أي شيء ..

عندك الميزة اللي من جد هولتني وأذهلتني صراحة اللي هي تركيب القطع في نفس السيارة .. بقول لكم على سالفتين واسمعوني زين ..

مرة من المرات كنت موقف سيارتي بطريق .. وموقف مرة غلط وعاد اللي عند الوالد ماهي فل .. فعاد المرايا الجانبية اللي جهت السواق جاها واحد

الله يهداه مسرع الظاهر وقشعها! ايه مرة راحت وطي .. وعاد انا مرة انخلعت بصراحة لان السيارة سيارة الوالد ووكالتها مافيه إلا بجدة .. فأنا زي

اللي هديت اعصابي شوي وقعدت اشوف الدنيا من حولي لقيت قطعة المرايا كلها تتركب من قطعتين .. قطعة شوي جاية سميكة من قدام المرايا

ومن ورا الأجهزة هذه مرة ماسار فيها اي شيء إلا المرايا تكسرت تكسير مو صاحي! وهذه لقيتها اصلاً لاصقة بالباب بس بالعكس .. والقطعة الثانية

وهي عبارة عن غطاء بس ! ولقيت انه مهوب ببراغي لا طلع كبس! وعاد ماحسبت على الله قمت كبستها وركبت على طول! وبس ياخوك رحت

غيرت لي القزاز من اقرب محل وانتهت الرجة كلها :)

(لها صورة تحت)

طبعاً الكبس هذا مهوب عادي .. يعني يوم تركبه يركب معاك بسهولة لكنه مايطلع إلا بدفاشة! حتى شكله اصلاً كان غير مهوب زي العادي اللي

اعرف! جاي خطوط بلاستيك ..

السالفة الثانية بالمقاعد اللي ورا .. عندهم الطفاية حقت الدخان جاية بالنص بين السواق والراكب لكن في الجهة الخلفية (تحت المكيفات

المخصصة للركاب اللي بالخلف ) طبعا هذه شكلها جاي بالضغط يعني يوم تضغطها تشوفها نزلت لك بشويش .. عاد مرة واحد من البزران اللي

يهداه قام يلعب فيها مرة وبعدين قام وطاها برجله! وعاد سمعت صوت طقة قلت عز الله راح اسمع العن من ذا الصوت على راسي لو جاها الوالد

وشافها كذا! .. طبعاً قعدت اطالع فيها بعد هي الثانية ولقيتها كبس بعد .. حتى رحت كبستها والحمدلله رجعت مرة تمام! تنفتح وترجع عاااااااااادي ..

معليش طولت معاكم لكني بغيت اشغلكم شوي علشان تطلع الصور اللي تحت :p

طبعاً بالنسبة للسعر اظنها غالية والله .. هي اكثر من فئة .. اعرف واحد من الجماعة راح لأخس فئة (بنظري) وهي ارخص وحدة واخذ الفل ب 150!

الله يعينكم :)

وبعدين هي بريطانية الصنع والأتوماتيك حقها خمس سرعات!!!!!! مرة مجنون وفيه منها عادي وفيه شبابي ورياضي (كشف وابواب تنفتح على فوق

و و و ...)

طبعاً تقوميتها ترا مرة تخوف ! وهي اتوماتيك اظنها تجيب المية على 5 ثواني ..

عاد انا مو قاهرني فيها إلا الإصطبات الخلفية بسسسسسسسس!! (اظنها بس للأقل فئة .. الباقية معدلة)

وبعدين الوانها ترى مرة خطيرة .. لأنها من الكروم! كل الألوان تمشي عليها وكل وحدة تسدح الثانية ..! فيه اصفر وازرق واخضر واحمر و و و وكلها

خطيرة وتراها كلها تمشي! وعساني القى لها صور علشان اثبت لكم! الكروم ذا مو صاحي!!

وعلى حسب ماسمعت انها من فصيلة جاكوار والله العالم ..

فيه شركة ثانية اسمها MG عاد هي ماخذة سيارات من الروفر ولاعبها فيهن لعب ابن حرااااااام .. راح تشوفونها تحت ..

تشاو .. معليش عالإطالة .. واعذروني لأني ماوفيت الموضوع حقه ..

يتبع
N
NiCK @user_11949 · 15-06-2004
موضوع جميل جدا مشكور اخوي محمد عليه

بس حبيت اقول شي ترى مافيه شي ينتشر عبث صح ولا لا

يعني الكامري والتيوتا انتشر لانها سياره بجوده عاليه
يعني هالشركه تفوقت في كل مكان

اللومينا والكابرس انتشرت لانها تعطي قووه بسعر رخيص وعندنا ترى يقدرون شي اسمه سرعه

فيه ناس تقول النيسان مظلومه ياخي النيسان شي منتشر ومعروف يعني لو بيقل فهو من ردائة صنعه مثله مثل الكابرس واللومينا

فيه ناس كثيرر يقولون فولفو
انا كان لي تجربه مع هالسياره باكثر من نوع
ياخي هالسياره ضيييييقه مررره يعني الكورلا بدون مبالغه اوسع من الفأت المتوسطه من الفولفو والكابرس اوسع من الفولفو كله

قطع غيارها غاليه جدا ترى عندنا وعند غيرنا يعني مو كل شي الوكيل

مكيف سيء وازعااج في الخط ومافيه ذيك الرساوه ترى

يعني انا مجربها ولو القرار لي حاليا ما اخذتها

بالنسبه للساب ما اتوقع انها تفرق كثير وانا ما اعرف عنها واجد بس برضو ضيييييقه لاني قد ركبتها مره

ومشكورين
م
محمد @user_67 صاحب الموضوع · 04-06-2004
B.M.S
شكرا لك يا مشرفنا على توليك التعليق على ردود الأعضاء الكرام.
:)

mr.ahmed
شكرا للمشاركة.
بعد ذكر هذه المواصفات فإن السيارات التي ذكرت فعلا مظلومة.
فلماذا لم تنل من الشعبية ما تستحق؟

AL-Quanass
هناك العديد من السيارات المظلومة وليست السوبارو والدليل ردود الإخوان الكرام.
ولاشك أن للوكل دور كبير في نجاح السيارة.

OPEL_005
تعليق متميز وأنا لم أجرب المنديو
عدم إقبال الناس عليها ربما يعود لكونها جديدة.
سيارت الفورد ناجحة لكن تظل هناك سيارات تلاقي إقبالا أكبر من غيرها.
شكرا لك.

no cars
مرحبا بك
لماذا السيارات الأخرى مظلومة في فلسطين؟
هل السبب الناس؟ أم غلاء الأسعار؟
وهل غلاء الجمارك تفرضه اسرائيل؟
|6|

GRANDE-V6
شكرا للمشاركة
الأفالون جاءت بعد الكروان وهي سيارة جميلة.
لكن لعلها لم تنل من النجاح ما نالته الكروان.
ماهو السبب؟

CORVETTE ASSIRI
شكرا لك.
السؤال الذي يطرح نفسه: ليش الناس ما تعبر هذي السيارات؟
|6|

الطـ موسوس ـايف
تعليق متميز يدل على وعي.
أوافقك في الأسباب التي تسبب نجاح سيارة من عدمه في منطقة دون أخرى.
الزبون الخليجي ينظر أيضا للسيارات التي يشتريها الآخرون فهو لا يحب أن يتورط في سيارة يكتشف بعد أن يدفع فيها شقى عمره أنها مليئة بالمشاكل.
وفي كثير من الأحيان يتسبب هذا في ظلم لسيارات ناجحة لم تنل حظا كبيرا من الترويج.

شكرا لك مرة أخي الكريم على تعليقك المتميز.