ظاهرة غريبة في الجمس بدبل

قطعتها صحيح، لكن بيني وبينك سيارتي مرفعة مرة ما شاء الله، ما تعلق بسهولة أبداً.

مافيه جدال اي سياره تعتمد على سواقه بالدرجه الاولى

لكن اسال نفس السواق وقله وش الفرق بين الامريكي والياباني


انسيت اذكر نقطه السواق لكني مازلت مصر انه العروق من الصعب على اي سياره امريكيه المشي فيها لفتره توازي السيارات اليابانيه


اللاندكروزر وزنه 2700 ومع ذلك يمشي مشي ماهو طبيعي بالنسبه لوزنه وضعف مكينته مقارنه بالمنافسين

ابو اخل انت قطعت الدهناء وعرفت صعوبتها فهل فيه سياره امريكي تقطعها بدون مشاكل باستثناء الشروكيات

وان قطعتها فبكل تاكيد راح تبهذل راعيها بالغراز في ارض مثل الدهناء كلها رباضات معليش صعبه

والتجربه خير برهان اقرب فرصه ان شاء الله للدهنا يسير علينا اللي معه امريكي من تاهو مرورا باليوكن وانتهاءا بالجموس

في موتر امريكي واحد فقط اللي اشوفه الافضل بالبر وهو الحوض سييرا غماره صندوق قصير

السلام عليكم

في نظري من الاسباب
1- الامريكي مايتحمل التصعيس لوقت طويل وترتفع فيه الحرارة
2- مع كثر المطامر يتهربد ( الديكورات الداخلية ) وهذا معروف في اغلب السيارات الامريكية
3- الوزن عائق اساسي ويؤثر على مستوى الاداء
4- هذه السيارات صممت اصلاً كسيارات عائلية بدفع خلفي والدبل اختياري
5- السائق له دور كبير وهذا لاشك فيه لكن اذا كانت السيارة تساعد فبالتاكيد ستكون المهمة اسهل بكثير .
السيارات الامريكية من هذه الفئة تملك محركات جبارة وقوة جر ممتازة لاكنها لاتصلح للاسخدام العنيف على المدى الطويل في الطرق الصحراوية بعكس اليابانية

تحياتي للجميع
صالح

أخوي ولد وايل أتفق معك تماماً بالنسبة للنقطة الأولى، لذلك أنا ما أعتبر الصعود مقياس لقدرات السيارة. السوزوكي جمني على سبيل المثال تعتبر من أفضل سيارات الدفع الرباعي، لكن مكينتها 1.3 لتر، ما أتوقع تصعد قص أبداً.

بالنسبة للنقطة الثانية، الصراحة صعبة تقول الأميركي ما فيه أمل يمشي بالعروق. أعرف قصدك بالأمريكي أي الجموس وفورد، لكن أي سيارة دفع رباعي تمشي في العروق، إذا كان خلف المقود سواق. لكن تختلف الكفاءة من سيارة لأخرى.

أشكرك على الإفادة الطيبة

اشكر الجميع على التعليق والمشاركو والتفاعل والمعلومات القيمة
لكن اظن ان ومع وجود مقطع او حتى عشر مقاطع عن الجمس لكن لو بحثنا عن الاند والفتك بل بعض الجيوب اليابانية الاخرى نجد مقاطعها اكثر بكثير
كذلك لو وجدنا اماكن التطعيس فاننا لا نجد السوبر بان او اليكون لها وجود او ذكر
فلماذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا شباب الجموس الصالون تحتاج رفع اما الوانيت طير شلوى مرفوع جاهز وانا كان عندي تريل بليزر واتعبني بنزول الوجهيه وبعته لان طقم الرفع موجود بامريكا وطلبيه اما الصوالين موجوده هنا يعني محلوله

اللي يحييك يابو هذال المطرح مطرحك واذا ماوسعت الرياض توسعك عيونا

حن متلهفين لشوفتك اولا وللحديث بقية فيما يخص الامريكي والياباني


والكلام للجميع اولا تشرف بمعرفتكم وثانيا نشوف وش الامريكي من موتر بالبر

مشكووووووووور اخواني على الموضوع الجميل
والنقاش الأخوي الأجمل
المسألة أذواق وإستخدامات وقناعات
ولكـــــــــــــــــــــــــــــــــــن
دائما GMC بالطليعه << رأي شخصي


و


الأسطــــــــــــــــــورة مستمــــــــــــــــــرة

هناك عوامل رئيسية لتسهيل عملية التطعيس

ومن هذه العوامل " الوزن " وهي الورقة الرابحة التي تملكها سيارات Jeep

وبحكم أن أوزان السيارات الأمريكية ثقيلة جداً فهي تعتبر عائق كبير في البر

* والسبب أنها إذا غرزت في الرمل من الصعب جدا جداً إستخراجها

ليتني حولك ولا تجيني فرصة اجي

في السابق ما كان يعرف بالتطعيس الا الونيتات وكان لها حضووور قوي وجميع الحضور كانوا يتطلعون بلهفه لتطعيس الونيت وسماع التغاريد الا تطلع من شكامينه ... والكروزرات وغيرها ماعرفت الا عقب ومن ضعف مكاينها لازم يزووود في المكينة يعشان يقوى العزم ... أما الأمريكي قوته منه وفيه......

الأمريكي حلووو بالطعووس لكن مو مثل الاند والباترول في المشي على الطعوس
مشكلة الأمريكي ثقيييل ولو غــرز دور أحد يطلعــه
لكـن مكيــنه خــذ مكيــنه

بالصعود يااس ار تي مافيه مشكله لكن التطعيس بشكل عام صعبه جدا

الارمادا من يجاريه بالصعود ومع ذلك المشي بالعروق ماياكل عيش

اذا عندك محرك يشيل الموتر بالصعود ماعندك مشكله

واهديك هالمقطع مع انه ماشد عزم عشان بس الكل يعرف انه الصعود جدا سهل على السياره تملك محرك قوي

مقارنه بالوزن

[youtube]ntzRhn4zaRk[/youtube]




ممكن تجيب لي صور للمساعدات اللي تتكلم عنها مجرد الكلام لا يودي ولا يجيب

لا تحاولون الا بالغصب بعد اليوكن افضل من اللاند والسفاري بالبر

التمشيه بالبر كل سياره تمشي لكن الامريكي مافيه امل يمشي بالعروق

انا معي لاندكروزر واغلب ربعي كلهم جيوب ما عمري شفت احد مركب شي

مغير واحد من الشباب دبل مساعداته لانه انسان مهبول قالب موتره دباب



مازال الباترول واللاندكروزر تستخدم في سفاري الامارات وبكثر كل 10 كروزات وسفاري

تلقى 3 يوكن

العدد قليل حسب مانشوفه باليوتيوب مانشوف الا لاندكروزر وفتك

والا خلاص شفتوا يوكن حكمتوا انهم تركوا اللاند والسفاري




ليش ياخي جهل ومن قالك انه مافيه الا سيارات تويوتا وين راحت سيارات نيسان والباجيرو والشروكيات


مع احترامي للسيارات الامريكي ماشفت يوكن يؤدي الغرض الا بالثمامه

بالخراره ماعمري بحياتي شفت سياره امريكي

المرونه يابو خليل هي مرونه التعليق الامريكي مايقايش بالعروق والمسايف


اللي عنده يوكن والا تاهو والا الي سياره امريكي غير الشروكيات يطلع معنا المره الجايه للدهناء ويورينا السياره الامريكيه اللي يتكلم عنها

سأكتفي بهذا الرد الجميل

[YOUTUBE]B007mInjwUM[/YOUTUBE]

عيني عليك باردة ابو الخل كلامك 100% سليم ... اذا تبي يوكون او تاهو للبر خذ z71 :a120(24):

عندنا سوبربان دفرنسين (دبل)

بصراحه ممتاز في السفر والمناطق الصخرية

أما في الرمال ومع وجود قائد استنتجنا أنه من الصعب الاعتماد عليه فيها

والسيارة ثقيلة جداً جداً يعني إذا غرزت لادبل ولا دف ولا تحفير ينفع

بالتوفيق للجميع

سلام

اممم شخصيا انا اشوف انها راجعه لسببين
الاول ثقل الموتر(السوبربان بدون دبل 3190 كيلو وهو فااارغ بالنسبه لموديل2006 هذا وهو حجم 1500)
الثاني قوة الموتر(325 حصان +482 نيوتن على 4400 دورة/قيقة)

يعني باختصار مو اي واحد يعرف له وبالنسبه لي انا بدون دبل و ما اذكر نسمت الهوا اقل من 25
و انواع تشقيق الطعوس هذا وهو بدون دبل ولا بعد فكيت اللحيه ولا اصلا حكت عندي على ما كليت من سيوف و ارصفه لكن ما بعد ضربت في شي

بالنسبه للدبل جربت التاهو حق تجربه من الجميح 2007 و مشغل الدبل الخفيف و الهوا 40
تخيلو بس اني اوقف في تغاريز متوسطه وامشي يمشي بدون مشاكل

القير برضه تماتيك و ماهو كل راعي تماتيك و تماتيك الجمس روعه لانه 4 نمر و نفسه طويييل(خصوصا مع وضعية السحب و القير على D2 و تسييف والضغط على 3000 دورة و اذا احتجت اي عزم على سرعة اقل من 80 يرد بـ1 و يااا ووويلي على الصوووت)

تحياتي

يارجال شركة سفاري في الامارات ماتستعمل الا جموس في الرحلات البريه بدلا من الاند والباترول

وليست Z71


ليه؟؟؟؟؟

والي يقول مطامر ومرونه انا اتحدى اي واحد معه لاند او سفاري ( طبعا حقين البر ) شف وش معدل فيه تحصل انه مغير المساعدات وحاط يايات استراليه ومركب رفاعات ومسبب زحمه ويقول مايطامر عقب ماركب اهم شي في الموتر يقول مايطامر !!!!!

المهم الجمس اذا جاء مع سواق وخر عنه ( كل سياره لها طابعها الخاص في القياده )