أفا يالماركيز

لكن ما شاء الله في الفحص المكينة 99 في المية والبواجي مغيرها صاحبها الامريكي قبل ما يبيعها
مع الفلتر حق الهوا والكويلات ما فيها شي

عزيزي مشاري سيارتك موديلها 2004 يعني صرلها 4 سنوات أوأكثر بقليل بالشارع هل تجزم أنها خاليه من مشاكل أو معوقات مثل الكويلات البواجي فلتر الهواء ....إلخ وبعدين معروف تسارع الماركيز حول ال 7 ثواني (((لاتسوس بكلامي وتروح وتحسب سيارتك بها مشكله))لا بس يعني أعطي كل شي حقه ...تقبل تمنايتي لك بالتوفيق الدائم

عشقتكـ ياماركيز

السلام عليكم ورحمة الله

انا معي مثل سيارتك موديلها2005:e058:

فعلا من عيوبها عزمها احيانا تحسها 4 سلندر موب 8

اليوم قاومت راعي تشارجر
قمت عليه بس خفت عالسيارة وخليته يتعداني<<صرف ههههههه

انا معك عزم السيارة موب مرة بالنسبة لمكينة 8 سلندر

لكن ميزة السيارة قومتها ناعمة

وهذا الانسب للسيارة العائلية

باختصار يسمونه عندنا بالعامية وبشكل عام الدفرنس

يمدحون الاوفر درايف ^_^

جربه و شووف

لا هنت وش هي الكرونات

وقت التجربة كان الساعة 2 بالليل وكانت السيارة مشغلة من ساعة تقريبا
والتجربة كانت بدون مكيف

والمكان طريق الخدمة الي جنب الصناعية الي على الدايري
مع إن مالها دخل لكن البنزين كان 95

بالنسبه لي جربت فورد فتكوريا طلع معي 8 ثواني
وبعدها اخوي جرب قال لا 7 ثواني ...

(اختلف العلماء ):a234:

الماركيز ماهو حق سرعة بس حق راحة وفخامة

كلام اخوي فيصل بن محمد عين العقل ,,,

لكن ,,

أنا معي ماركيز موديل 95 يجيب الـ100 مع المكيف 10 ثواني , بدون المكيف ماقد حسبتها صح لكن أتوقع 8.5 الفورد المكيف يفرق معه واجد (تجربه مع أحد الأصدقاء)

وان شاء الله اليومين هذي احط تسارع المايباخ حقتي بدون مكيف :D <<<ايه مايباخ :a234:

تحياتي :)

الماركيز اغلب كروناته هي نسبة 2.73 وهي التي تعتبر اضعف كرونه واريح كرونه

وهي مصممه للراحه واقتصاد البنزين حيث ان الماركيز يعتبر من السيارات الفخمه التي

لاتحتاج للتسارع القوي بعكس الفكتوريا التي تاتي بعضها كرونة 3,27 وخاصة للدوريات

لتعطيها تسارع افضل بكثير من كرونة 2,73

وافضل تسارع للماركيز بعد سرعة 80 فاداءه بعد هذه السرعة جيد جدا

واخيرا لاننسى الوزن المرتفع للسيارة ولا ننسى بان السيارة سيارة عائلية بالدرجه الاولى

ولاننسى بان سعة المحرك صغيره مقارنه بالسيارات الاخرى المماثله لها بالحجم

ولاننسى اقتصاديتها بالوقود ولاننسى بانه لم يتم تطوير المحرك حيث انه يعتبر جيد جدا

واثبت كفاءته على مدار السنين

والله الموفق