وانا استغرب من اللي يقولون ان ال زد7.1 انشط من التاهو العادي وهي كلها نفس المكينه
بس الفرق يجي في التاهو الدفرنس لانه اخف(ما فيه الى دفرنس واحد بس) ف مكينته تكون اصغر بشوي مره وبصراحه مدري ليش اصلا مصغرين المكينه هالتصغير الذي لايذكر من قله وهو الدفرنس 5.2 اما الدفرنسين 5.3 لتر
يعني الفرق بينهم 0.1 لتر
وكلامي هذا ينطبق على اليوكن , لاني اول ما طلعت التاهو من الوكاله صارو الناس يقولون لي ورما اخذت لك يوكن مكينته اقوى وهو افخم وانشط في البر
, وسوسوبي العالم لين رجعت للوكاله بعد شهرين وقلت للي باعني اياه :
انت كنت تقول لي ان اليوكن والتاهو ما فيه فرق بينهم الى بالوجه والجنط ولون الطبلون وتحكم المكيف الخلفي(اليوكن مافيه تحكم خلفي بالتكييف بعكس التاهو) والعلامه .
قالي ايه قلت لك وانا صادق , قمت نشبت له لين فتحلي يوكن في المعرض وقمت اطابقه بالكلام اللي يقوله وفكيت الكبوت وشفت المكينه وطلعت برى المعرض فكيت كبوت تاهوي الى المكينه نفسها واطالعه من تحت نفس الشئ والديكور الداخلي نفسه بس طبلون اليوكن بيج اما التاهو اسود
والحين اللي يقول لي ان مكينة اليوكن اقوى اقول له هك على جناب
انا عندي تاهو , قبل لا اشتريه سالتهم في معرض العيسى وقلت هل فيه فرق بين ال ال تي زد الدفرنس والدفرنسين غير الدبل قالولي الدفرنسين يجي فيه نفس مساعدات ال زد7.1 ونفس مكينته اللي هي فورتك 5.3 اما الدفرنس ف مكينته تكون 5.2
اقصد بالمعلومات مايخص الدف لوك وماهى افضل فئة من ذلك تتوافق مع الطعوس وليس المنحدرات الجبلية
والتراكشن كنترول ومعروف عنه انه غير عملى بالطعوس وجبار بالمنحدرات الجبلية
يا اخوان المكينة نفسها 5.3
التسارع يمكن اكثر بفارق قليل جدا لانه التراكشن يكون مفصول
لكن جيب تاهو دفع خلفي وقاوم تاهو z71 الدفع الخلفي بيروح
لانه اخف وزن ! بإختصار
لاحد يجي ويقول المكينة اقوى !
وفلتر الهواء والقربه حقته نفس التاهو اليوكن العادي !
z71 off road
يعني مخصص للطرق الوعرة
بمساعدات خاصة
وانظمة للدفع الرباعي !
بإختصار هاذا بكج يعني إضافة على السيارة نفسها
مو فئة ثانية !
واسلاك البواجي اللي يقول حمرا اخوي هاذ تقدر تشتريها من اي محل قطع غيار
وفيه سوداء ورماديه بعد وكلها نفس الشي
ما عادا اللي يجي مكتوب عليها بالاصفر جي ام برفورمانس
وبعدين اللي بياخذ موديلات 2009 يا خذ من التوكيلات و ليس الجميح ، لأن الجميح ألغى بعض المواصفات من السيارات ويبيعها بسعر أغلى من 2007 /2008 ، على عكس التوكيلات
والله وانا اخوك انصحك تاخذ من الجميح ولا تنسى ان التوكيلات اكبر حرامي
وانا ماخذ 2009 ومواصفاته احسن منها مافية
أخوك ابونورة الشهري:emot62:
وبعدين اللي بياخذ موديلات 2009 يا خذ من التوكيلات و ليس الجميح ، لأن الجميح ألغى بعض المواصفات من السيارات ويبيعها بسعر أغلى من 2007 /2008 ، على عكس التوكيلات
ما قصر ابو حسين كفى ووفى وكما هو ضاهر ان معاهz71 الله يعطيه خيره ويكفيه شره
بس بالنسبه للشبك z71 الشبك لون رصاصي وال ltzلون نيكل
'طبعا المكينه وحده بس الدفرنس الخلفي قفل اتوماتيكي والمقاعد لونين وفيه لون واحد اسود فقط
بالنسبه للديكور يفرق الLTZ
-طي المقاعد الخلفيه كهربائيا
2-فتح الباب الخلفي كهربائيا
3-حافضة الاكواب والدرج الملاصق لها تجي فورمايكا نفس لون الفور مايكا الي في الطبلون والابواب
تحياتىاخى ابوبدر بالنسبه للفرق بين التاهو ال z71 والعادى هو كالاتى: ال z71 ارفع من العادى ولون الصدام مميز ويأتى على ثلاث قطع وليس قطعه واحده كالعادى اقصد الصدام ويتميز برفاريف بارزه وتصفيح اسفل الهيكل وكشافات مستطيله وليس دائريه والدبل قياسى بال z71 ومقاعد جلد وفلتر هواء بطاقه عاليه ومساعدات خدمه شاقه واوتودفلوك وجنوط مقاس 18 واسلاك شمعات الاحتراق بلون احمر ولا اعرف القصد من لونها والسياره ادائها رياضى اى انها تستجيب للدعسه بأى سرعه وفتحات التهويه فى مقدمة السيارة اكبر من العادى للسماح بمرور كمية الهواء اكثر اما ال تى زد فهي سيارة رفاهيه وكاملة المواصفات تقريبا.
وهذا ما استطعت ان اتذكره وتقبل تحياتى.
