السبت 18 يوليو 2026
الرئيسية أخبار السيارات مواضيع اليوم
روابط قد تهمك : السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | قناة السيارات
عاجل
مقارنة بين سيارات الدفع الرباعي كاملة الحجم بأقل من 100 ألف دولار: فورد إكسبيديشن 2026، نيسان أرمادا، جيب جراند واجونير، وجي إم سي يوكون دينالي | سباق مزادات تويوتا هايلوكس موديلات السبعينات في امريكا يصل باسعارها الى 49 الف دولار | سيارة نيسان باثفايندر الصينية تجعل سيارة نيسان باثفايندر الأمريكية تبدو قديمة الطراز | قد ترفض سيارتك القادمة الجديدة السماح لك بتجاوز الحد الأقصى للسرعة | رئيس مجلس إدارة شركة فورد يقول إن أمريكا لا تستطيع منع السيارات الصينية من دخول السوق إلى الأبد
الرئيسية المنتديات العامة ارشيف الاستفسارات مشكله طلعت لي في السوناتا 2009 فل؟؟؟؟؟

مشكله طلعت لي في السوناتا 2009 فل؟؟؟؟؟

ارشيف الاستفسارات مغلق
15 رد 3,531 مشاهدة 12 مشارك الأقدم أولاً
N
NewGen @user_60110 · 01-10-2008
كل عام وانتم بخير ومن العايدين .
الحمدلله طلعت سوناتا 2009 فل بدون جلد قبل خمسة ايام لكن كان فيها مشكله معينه:

مؤشر البنزين لما تعبي فل مايطلع الا لما الثلاث ارباع ويوقف عبية مرتين فل ونفس الشي يوصل الثلاث ارباع بس وشيكت على معلومات البنزين من الطبلون مكتوب البنزين يمشي 480 كيلو .؟؟؟؟؟؟؟؟؟؟؟؟

وش رايكم ؟

سؤال ثاني: لو كملت الف كيلو والصيانه لسه اجازه مافتحوا هل فيه مشكله لو مشيت اكثر من الالف كيلو قبل الصيانه ولا خلاص ؟

باقي الامور بالسياره للحين تمام التمام .
M
Microsoft @user_17932 · 04-10-2008
الحمدلله ما طلعت مشكلة

إنما كسب هواء فقط

الله يعطيك من خيرها ويكفيك شرها

:: يغلق لوجود الحل ::
N
NewGen @user_60110 صاحب الموضوع · 04-10-2008
ابشركم انحلت المشكله مثل ماقال الاخوان هنا ان التانكي كاسب هوا وامس عبيت فل ووصل المؤشر لعلامة الفل وعداد البنزين كتب 724 كيلو فالحمدلله وشكرا جزيلا لكم والله لايوريكم مكروه لا في غالي عليكم ولا في سياراتكم وشكرا.
أ
أبوسدله @user_124007 · 03-10-2008
يمكن تكون المشكلة في العوامه حقت خزان البنزين لأني كان معي كيا كلاريوس2000وصارت لي نفس المشكلة
N
NewGen @user_60110 صاحب الموضوع · 01-10-2008
شكرا لكل من دخل الموضوع وابدى رأيه والله يعطيكم العافيه ويفرج عليكم كل مشكله ويستر عليكم .
ان شاء الله اروح السبت للوكاله واشوف وش السالفه وجزاكم الله الف خير.
ا
ابــو ســعــد @user_108772 · 01-10-2008
مبروك عليك السياره الله يعطيك خيرها ويكفيك شرها
M
Mashari @user_53720 · 01-10-2008
مبروك عليك السيارة الله يعطيك خيرها ويكفيك شرها

الصيانة لاتشيل همها بإذن الله معذور عشان الإجازة ، والتانكي يمكن يصير هوى زي ما قالوا الإخوان أو أو فيه مشكله في حساس التانكي
س
سوناتا 2009 @user_122017 · 01-10-2008
السلام اخوي انا توني شاري السياره وماشيه 1900 والحمدالله بس الي معي فل كامل والحمدالله اذا عبيته فل التانكي ينزل طبعاء والحمدالله والسياره من يوم عبيتها فل مشت معي 650 كليو غريبه تمشي معك 450 والله امر غريب ومبرووك مقدماء
أ
أبـــوبـــدران @user_19528 · 01-10-2008
الشباب ماقصروا ابدآ . .

والف مبروك الأختيار الجميل

الله يعطيك من خيرها ويكفيك شرها

:)
ا
الانيـق @user_43224 · 01-10-2008
كيف استخدم القير من اوتماتيك الى عادي؟؟؟؟؟؟؟؟
نزل القير الى وضع M عند الموجب والسالب

يعطيك رقم النمره في الطبلون
ارفع القير على فوق [ زائد ] يعطيك النمره اللي بعدها
نزل القير على تحت [ سالب ] يرد نمره ورى
بس طبعا ما تقدر تقومها في الرابع لازم توصل سرعه معينه بعدين يصير القير يروح لكل النمر [ 60 مثلا ]

وبعض السيارات اذا وصل الضغط للاحمر وهي على وضع العادي تعشق من حالها
ب
بــنــدر @user_41865 · 01-10-2008
^^^^^^^
مثل ما قال محمد الخلاوي هو هوى في التانكي بس أنا اشوف لو فللت السيارة ووقف الخرطوش حق البنزين لحاله هز السيارة يطلع باقي الهوى وبعدها كمل تعبي

بالنسبة لصيانة 1000 عادي حتى لو مشيت عليها 2000 ووديتها بالوكالة يقبلوها وانت معذور عشان العيد إجازة

بالنسبة لتحويل القير الاوتو إلى عادي ماعليك الا تدق القير بين الزائد والناقص وتبي تعشق من 1-2-3-4-5 تدف القير على زائد وتبي تنقص التروس 5-4-3-2-1 تدف القير على الناقص

أخوك بندر
M
M.W4EVER @user_65403 · 01-10-2008
أول شي الله يعطيك خيرها ويكفيك شرها

بالنسبة للبنزين هذا أمره سهل ممكن يكون هواء في التانكي ولو خليته يفضى لآخر شي مرة كأنها بتطفي راح يعبي معك فل

إذا مشيت أكثر من 1000 وكانت سواقتك هادية مايضر لو وصلت 1500 كم بعدين تأكد فيه فحص 1000 كم أو لا لأن كثير من السيارات الجديدة مافيها فحص أنا استلمت الأزيرا وكان التشييك الأول 5000 كم


ينقل إلى طلبات واستفسارات الأعضاء
ح
حميدوفيتش @user_66145 · 01-10-2008


كل عام وانت بخير

ومبروك على السيارة , الله يعطيك خيرها ويكفيك شرها

أول ما تفتح الوكاله روح لهم على طول يصلحون لك المؤشر على الضمان

اما معلومات البنزين هذي لا تعتمد عليها ابداً , ما تعطيك معلومات صحيحه وهذي مشكله في كثير من السيارات

480 قليله مره ! أول ما تعبي فل صفر العداد ولا تعبي مره ثانيه إلا إذا ولعت لمبه البنزين وشف كم يمشيك , سيارتي أكورد 2008 وتمشيني أكثر من 700 كيلو !

بخصوص صيانه الألف لا تشيل همها كلها تغيير زيت يعني لو مشيت أكثر من الألف إن شاء الله ماراح يصير لسيارتك شيء

أنا ما غيرت الزيت إلا بعد ما مشيت 1400 والحمد لله السياره تمام التمام
N
NewGen @user_60110 صاحب الموضوع · 01-10-2008
جزاكم الله الف خير . كنت شايل هم المشكله ذي لان السياره جديده وماودك تصير فيها اي مشكله.
ملاحظاتي على السياره:
1- طبعا اغبى حركه انها بدون مثبت والاقل منها نص فل بمثبت.
2- التحكم بمقعد السائق يدوي مع المفروض يكون كهربائي.
3- بدون زينون.
ملاحظه: كيف استخدم القير من اوتماتيك الى عادي؟؟؟؟؟؟؟؟
M
Microsoft @user_17932 · 01-10-2008
^ ^
نفس الكلام بالضبط

وألف مبروووك على السوناتا

|364|
m
mnaief @user_35156 Banned · 01-10-2008
اولا على البركه السياره واختيار موفق بإذن الله

والله يعطيك خيرها ويكفيك شرها يارب ..

سؤال ثاني: لو كملت الف كيلو والصيانه لسه اجازه مافتحوا هل فيه مشكله لو مشيت اكثر من الالف كيلو قبل الصيانه ولا خلاص ؟

مافيها مشكلة لكن لاتحاول تمشي السياره كثير .. :)

واذا دخلتها صيانة الـ1000 عطهم خبر عن مشكلة عداد البنزين

سيارتك جديده ولا تشيل هم تنحل على الضمان بإذن الله