اسف علي التأخير .... و حياك الله معانه بلمنتدي اخوي الكريم ..
حبيت اسأل هل الفلتر الرياضي يأثر على المكينه وعمرها الافتراضي؟؟ ام لا؟؟
الفلتر الرياضي ممتاز خاصتاً الي يجي طويل و يدخل الهواء البارد الي المحرك و هذا يزيد من كفاءه المحرك و بنفس الوقت يبرد الاجزاء و الاحصنه ..
و الفلتر الرياضي يدخل كميه اكبر ...
و الحين نجي حق النقطه الاهم الضرر علي المحرك و الضرر يصيب بسبب :
1- النوع التقليدي .
2- عدم الصيانه الدوريه للفلتر مثل ما هو مخصص من الشركه .
3- طريقه التركيب الصحيحه .
4- عدم اختيار الفلتر الصحيح و تركيب فلتر مركبه ثانيه (( مش حالك )) :) .
ف عند الاستخدام المطول و المسافات الرمليه مثل الخليج و عدم الصيانه راح يدخل نسبه من الاتربه الي السنلدر و يجرح السلندر ..
و اذا انسد راح يقل من نسبه الهواء الي المحرك و يقل العزم بشكل ملحوظ ..
و هذا كله يعتمد علي الي قتلك عليه .. و الاهم الصيانه .
السؤال الثاني انا معي بليزر وابي اهبطه شوي هل فيه تأثير عالسياره ؟؟
ارتفاع السياره مدروس فيها ف اي تغير علي الارتفاع راح يفرق الثبات و الراحه
اذا نزلت السياره الثبات يزيد و الراحه تقل و هذا معروف ..
و ما فيه مشكله ثانيه .. هذا اكبر شي بستثناء ضرب بعض اجزاء السياره علي المطبات و الاماكن المرتفعه اذا مهبطها واجد ..
السؤال الثالث ممكن تذكر لنا فوائد اليايات الرياضيه؟؟
اليايات الرياضيه بلعاده تكون اقسي من اليايات العاديه ف تزيد الثبات بشكل كبير لاكن الراحه تقل بشكل كبير ايضاً و هذا واضح في السيارات الرياضيه تلقاها مو مريحه لاكن ثابته ..
السؤال الرابع هل صحيح الجنوط الكبيره ممكن تأثر على اداء القير ؟؟
ف بعض السيارات اي نعم تأثر بشكل كبير و فيه بعض السيارات مثل البيك اب اقل تأثير
و يعتمد علي حجم الجنط و نوع الكفرات و امور اخري
بس اذا الموضوع محسوب يمكن ما تحس بلفرق الكبير ..
و اي سؤال انا حاظر اخوي سطام ... و بتوفيق ..
