استشارة .. السيفيك ( هوندا ) ..

Dr.Toxic @user_136538 · 13-12-2008

السلام عليكم ..

أول مشاركة لي هنا .. و تكفوووون لا تردوني ..

أنا شاب تهورت و أبي أعرس .. و من ضمن الأمور اللي أبغيرها .. سيارتي ..

بصراحة عدمنا هالأمريكي ( لومينا ) .. كرهته من قلبي .. خرابات و قلق !! ..

فجربت فترة الأكورد عند أخوي .. بصراحة .. روووووووووووووعه .. لكن مشكلتها غالية .. و أنا انسان ضروفي ما تسمح لي .. فحطيت 60 الف كميزانية للسيارة كحد أعلى ..

شفت السيفيك .. و حبيتها من أول نظره :) ..

فحاب أسألكم يا شباب عنها ..

1) أسعارها و مواصفاتها ( بالتفصيل إذا ممكن ) ..

2) تجاربكم ياشباب اذا امكن .. من ناحية قيادتها .. صرفيتها .. قطع الغيار .. و من هالكلام ..

انتظركم بفارغ الصبر ..

تحياتي ..

Wissam @user_53237 · 14-12-2008

أخوي نصيحة
اخذ كامري جراندي من المستعمل
شوف شي نظيف
وما راح تدخل ورش بعدها

T O R N A D O @user_2487 · 14-12-2008

هلا أخوي ..

الله يبارك لك يا رب ويوفقك في الزواج والسياره :)

بالنسبه للسيفك أنا أعرف واحد معه سيفيك 2006 ماشيه تقريباً 40 الف

كعزم : 1.8 المحرك غني عن التعريف ( عزمه رائع جدا جدا )
المميزات ( الفل كامل ) جلد فتحه سيدي جنوط والجديده أظن كشافات وأيضاً ميزة إظهار درجة الحرارة الخارجيه .
السياره ممتعه في القياده ،، وهاديه جدا على الخطوط ( تنسيم الهوا فيها ضعيف مره ) وأشوف أن عزلها أفضل من الأكورد ..

المشاكل : عند الـ30 الف أو حولها تقريباً طلعت مشكله في القير وصلحوها في 3 ايام تقريباُ وحطوها على الضمان ( يعني دخلوها على انها تشييك 30 الف وفيها هالمشكله )

ورجعت مشكله في القير ( غير الأولى ) وصلحوها أيضاً ،،

لكن المشكله انهم زادوا في سعرها ،، وكل سنه تزيد عن اللي قبلها بما لا يقل عن 4 الاف ( دون أي تغيير في اي شي في السياره ) !!

في عام 2006 كانت فل كامل بـ66 الف ،، والآن أظن الفل تعدى الـ75 إذا ما كنت غلطان ؟؟

آخر ما اذكر 2007 كانت بـ70

وشكرا

ttoo @user_49415 · 13-12-2008

اولا الله يوفقك بزواجك <<<<مننا معزوومين:c024: <<<اقول قفل لاتنضرب:emot178: ...هههه

عالعموم السيفيك خيااار جدا حلو...لكن مثل ماتكرم بعضهم حرااام 60 الف في سيداااان صغيرة...

واذا مقرر تراها كويسة ومبرووك مقدما

EVIL MAN @user_126388 · 13-12-2008

بصراحة عدمنا هالأمريكي ( لومينا )

اول شي عندي تعقيب على كلامك اللومينا والكابرس استرالي وليس امريكي عالعموم مو موضوعنا

اما بالنسبه لنصيحتي لك سياره راسيه وخرباتهاا قليله وقطع غيارها رخيصه انصحك

1- كيا الجديده بشكلهاا 2009

كيا اقل سعر من السوناتا بس مدري كم سعرهااااااااا واسمهااا kia optima

فيهاااا شبه كبير بينها وبين السيفك وشكلها افضل من السيفك رأي شخصي وقطع غيارهاا ارخص بكثير

بـــ 2- سوناتا وسعرهااا اقل فئه قير توماتك 63 الف والفل 83 الف

انصحك بالاستخاره قبل كل شي استخير ربك وتوكل على الله ولا يهمك كلام الناس\

Y A S S E R @user_31184 · 13-12-2008

والله السيفيك خيار حلو

والله يوفقك بزواجك قبل كل شيئ يارب

ينقل الى القسم المختص

azeez46 @user_122713 · 13-12-2008

شوفاخوي سيارات ها الأيام كلها تتحمل معنا كلها ورق

المهم انا اشوف ان السفك لن تكون مناسبه لعائلة يعني اذا انت مستعد تدفع الـ60 الف دفعه اولى وتاخذ سياره اقساط يكون احسن
لأن لو تلاحظ بأن معظم السيارات الصغار استخدامها شباب ما اقولانه ما في ولكن قليل

المهم انت في النهاية لك الخيار

وانا اقول خساره 60 الف تروح في سياره صغيره (وجهة نظر)

عشقي ماركيز @user_72902 · 13-12-2008

اجل لو كنت تقول الامريكي بطلت منه

لكن السيفيك سيارة جميلة وانصحك تاخذها

bilany2003 @user_19836 · 13-12-2008

نصيحة خذ اكورد حتى لو مستعمل احسن لك

لاتاخذ سيفيك اخوي عنده سيفيك وتعب من وراه والله لو تاخذ الاكورد احسن اولا قوية محركاته اذا اخذت من 2007 وفوق المحرك يوصل 187 حصان وفوق يعني مرعب بالنسبة لاربعة سلندر

اما السيفيك فهو متعب بصراحة من واقع تجربة

Dr.Toxic @user_136538 صاحب الموضوع · 13-12-2008

و الله ياخوي عقب تجربتي مع اللومينا ..

خلاااااااص ابودع الامريكي .. و كثير أيدوني على هالخطوة ..

عموماً شكراً على تفاعلك ..

حياك ..

بانتظار باقي الشباب ..

عشقي ماركيز @user_72902 · 13-12-2008

والله سيفيك سيارة جميلة واقتصادية ومميزة

بس لو كنت كذا ارشح لـك الفكتوريا او الماركيز سيارة ممتازة وعملية وعائلية