ولله تحفة وحلوه ومزيونه بس...........

أشتري السيارة و أنت مغمض:emot5:

لأني يوم شفت الفرق بين الفل وبين الي معي الحين
لقيته أبزر الإختلافات فتحة وجلد وأنا مانيب أحب لا الفتحة ولا الجلد

^^^^
أخوي طير , دامك كنت بتاخذ اكورد بـ 83 !

ليش ما اخذت اوبيروس فل ؟ .. بـ 83 ؟

اعذرني على السؤال , بس تصادفت الأسعار مثل بعض واستغربت

:)

(تم نقل الموضوع إلى طلبآت واستفسآرات الأعضاء)

الله يكتب لك التوفيق
كنت مثلك طال عمرك ! شوي وإلا أفك أكورد سياحي ب83 ألف ريال @@
لكن تركدت شوي وبالصدفة مريت وكالة كيا وشفت الأوبيروس وجازت لي من برا ومن جوا
وعقبها جيت بهالمنتدى وشفت آراء الأخوان عنها ما قصروا الله يجزاهم خير خصوصاً أخوي أبو عبدالعزيز
واتكلت على الله وأخذت لي وحدة ب68 ألف ريال
وبسم الله ما شاء الله عليها وصلت 4700 وبعد أسبوع أبوديها للوكالة ومافيها إلا ملاحظات هامشية جداً
مثل وزنية النور
مع إني سافرت فيها مرتين وبكل هالمرتين سرعتي ما تنزل عن ال180

فتوكل على الله وخذها

لاتـتـردد ابـدآ فـي الأوبـيـروس , ولـو انـا مكـآنـك ما احـتـآر

:)

الله يكتب الي فيه الخير

ممتازة...
الصيانه الدوريه السيارة ما تجلس زيادة عن يوم كأغلب الوكالات وان طولت يومين
تكلفه الصيانه على حسب ممشى السيارة كل ممشى يختلف عن الاخر وتختلف القطع المستهلكه بس عموما اسعار مناسبه للقطع الاستهلاكيه.
الاضافات على السيارة حدد وش تبي ونقولك سعره
بالنسبه للضمان شي اكيد وهو فعلا متميز..
وحياك الله.

شف يالحبيب ..
السيارة تحفة
تعرف يعني إيش تحفة
تحفة ..
1- السيارة صار لها سنة واستخدام (سعودي ) يعني عنيف وهي راضية بقسمتها وما تقول شي
2- تعامل الصيانة جيد جداً وأحيانا ممتاز مع الشكر ..
3- مواصفات رايقة وفخامة ما ينكرها إلا واحد مغالط لنفسه ..
أتوقع أن السيارة بحاجة لتسويق خاص من قبل الوكيل ..
والا الباقي تمام
طبعا غيرت الفحمات بعد 25000 كيلو .. وما أدري هل هذا طبيعي ؟؟
خلوني أدفع مية وعليها ثمن شمعة الهولوجين التي احترقت بعد 11 شهر من شرائي لها صارت تولع عالي بس .. الله يستر على شمعة المازدا ..
وما أدري هل يشملها الضمان أو لا .. واستحيت أهايط .. وأصلا أنا مني مهايطي
لاحظت السيارة تتعب من طلوع عقبة ظلع وشعار .. تحس كذا أنها غير طبيعية ..
في السفر ممتازة ومريحة

بسم الله الرحمن الرحيم...
نحن نمتلك وحده موديل 2005 والله سيارة محترمه بمعنى الكلمة وراح تحس بكلامي اذا استخدمتها..

بالنسبة للصيانه 100% ولله الحمد لم نواجه اي مشاكل معهم وخصوصا الجبر..
والضمان المفتوح بالعكس صادقين وغيرولنا أكثر من شغلة تحت الضمان..

وبالتوفيق أخوي..
ومبروك مقدما والله يعطيك من خيرها ويكفيك شرها ان شاء الله....

هلابك أخوي

السيارة تحفة ما شاء الله

توكل وخذها

الجبر الآن يبي يثبت جدارته في الصيانة

من حظك ومن حظي أن الوقت اللي يبي يثبت فيه جدارته

مع الوقت اللي امتلكنا فيه سياراتنا


السيارة كملت معي 5000 قبل أسبوعين

دخلتها الوكالة ما خذت إلا نص يوم سلمتها قبل ما يصكون

والصبح دقوا علي واستلمت السيارة

الف الف مبروك اخوي بو نادر مقدما

و ان شااء الله الاخوان اصحاب الاوبيروس
يفيدونك بجميع اخبار التحفة هذه


تحيااااااااتي