بسم الله الرحمن الرحيم
السلام عليكم
عندنا بالبيت ارمادا وارد امريكا شارينها من فتره والموتر فل كامل بدون دبل
الحمدلله على كل حال
قبل يومين اخوي الصغير الله يهديه نسى الفتحه مالت الموتر مبطله ونزل مطر من فضل الله علينا والموتر انترس ماي من داخل بشكل ماتتصورونه .
شغلنا الموتر اشتغل ولكن صارت فيه كم مشكله :-
1- الشاشه الاماميه ماشتغلت نهائياً .
2- المكيف صار معفوس جهة السائق بارد وجهة الراكب حار .
3- المسجل صار مايشغل السيدي فقط الراديو .
4- لمبه تنبيه باب السائق صارت تشتغل على طووول .
5- لمبه vcd تشتغل على طوول .
6- الدبه الخلفيه ماتفتح نهائياً .
7- الشاشه الي في السقف ماصارات تشتغل .
8- الداش بورد صار يهوي احياناً (( احياناً قرائه العداد تزيد وتنقص ))
9- سيت السائق صار معلق ولا يتحرك نهائياً .
وش رايكم ياشباب وين اودي الموتر هل تعرفون ورشه متخصصه وفاهمه بالموتر ... هل الوكاله تصلح الشاشه لأني اتوقع كل المشاكل من الشاشه ... هل ابيع الموتر او اصلحه لأني خايف تطلع فيه مشاكل بالكهرباء بإي وقت ... هل اغير ظفيرة الكهرب
للعلم انا بالسعوديه - المنطقه الشرقيه
اليوم الصبح وديتها للوكاله وهذا الي صار وياهم
الحمدلله راحت اكثر من مشكله ولكن بقت المشكله الاساسيه
راحت لمبه vcd المكيف ضبط لمبه تنبيه باب السائق طفت سيت السايق اشتغل .
بقينا في الشاشه الاماميه + الدبه الخلفيه +الشاشه العلويه + الحساسات + السيدي
طبعاً للاسف الوكاله قالو ماعندنا حل حق هالمشكله .
إذا فيه احد من اهل الشرقيه يخبر لي كهربائي فنان وعنده كمبيوتر ابي اسير له وادفع له الي يبي بس اهم شئ يضبط الموتر
