اركب ولا ماركب جناح فكتوريا ( تصويت

8888888888888888888

الجناح تلقاه بمحلات توزيع معتمدهـ عند الوكاله

واللي عندنا شريناه ب 250 ريال والسمكري ضبطه مع الجوانب عشان تتساوا القياسات

وهذا الجناح الي شريناه ومامكتوب عليه صناعه او شي فقط عليه ختم ميركيوري لاحظ وجود ختم ميركوري بالصوره




خذها نصيحه اذا ماهو اصلي والشغل مو تمام لاتركبه

هلا والله مساك الله بالخير اخوي فيصل
لو ركبت اصلي ماراح افكه ان شاء الله بس هل الوكاله تركبه لي وتضربه بويه ولالا وكم سعر التكلفه كلها وفعلا انا خايف من وزنيه التخريم بالمسامير لدرجه قلت انا بركبه بنفسي بالبيت واريح راسي من التجارب وترا ارسلت لك ع الخاص يالغالي مع خالص سلامي لمرورك العسل

الله يجزاك خير توب قير

شبيه الاصلي وين القاه ؟ يالغالي
ماحصلت بالغرابي الا وطني بس
ومره شفت شي اعتقد انه تايواني عليه ختم ميد ان تايوان وكان حلو بس يبيله شغل واجد من صنفره وتنعيم لين يضبط وبعدين يرش بويه وانت عارف كثر المعجنه ع الفيبر تكسره مع الزمن وتتشلخ مع الوقت
والاصلي شكلي بركبه وبس واريح راسي

اذا الجنوط رياضيه ركّب

اما اذا كانت عاديه لا تركب << يطلع شكله غلط

والله يوفقك

اسود وسبور طبيعي تركب جناح ويعطي شكل رياضي افضل وروعه ويعطي هيبه اكثر

واهم شي ان تقوم بتركيب اصلي

وتقوم بتركيبه لدى ورش متخصصه تقوم بتخريم الشنطه وتضع القياسات المناسبه

وبالنسبة لفك الجناح مستقبلا فانت لست محتاج لفكه نهائيا وماالذي يدعوك الى فكه

والسياره ستباع بالجناح اذا اردت البيع مستقبلا

ملاحظة : اذا اردت جناح اصلي من الوكاله فاخبرني حيث انني استطيع ان افيدك بخصم

يصل الى 30% كحد اعلى


والله الموفق

اخوي هذا سؤال
اكيد ركب والله شكل الفكتوريا بالجنااح مووت
خصوصاا اذا جاك لون الموترر اسود ملكي او دم الغزال موووت وربي ومعك شكمانين نفس الماردر
مووت يتطلع مميز
لكن بالنسبه طريقه التركيب بالصراحه ماعندي فكره ياخوي
وربي يوفقك مع موترك الجديد

الجناح خابر له 3 انواع

اصلي وسعره حدود 900 ريال

نوع ثاني شبيه الاصلي ب 250 ريال

نوع تجاري ب 150 ريال

التجاري تعبان جدا وخفيف وفيه تقويسه خفيفه للاعلى بعكس الاصلي تشعر انه عريض وخط مستقيم

ولكن اذا تبي تركب ركب اصلي وكاله وخله لك وللزمن

وبصراحه لو انا مكانك مأفكر ابدا اني اركب لها جناج

خلها شد بلد احسن واحلى

اذا ركبت جناح لازم تتخرم النشطه + يحط عليها ماده لاصقه سيلكون او ماشابه

واذا جيت تشيل الجناح راح يخرب لك بوية الشنطه

ولي تجارب بتركيب الجناح

اذا ناوي تركب جناح مو اصلي وشغل عند اي سمكري وعندك نيه مع مرور الزمن تفك الجناح فأنصحك لاتركب عشان مايعدم عليك البويه ولو ركبته بمسامير فقط راح يترك اثر مثل ماصار عندنا
وهذي الصور









اذا ماهو اصلي وماهو شغل وكاله لاتركب

منورين يالزقرت
بس وش تشور علي اشتري اصلي وسعره 800 ريال وارشه واركبه وبيكلفني حوالي 1000 ريال
ولااشتري وطني على اني شفته بالغرابي رايح فيها مره وفيه اعوجاجات
وفيه نوع ثاني تايواني لاباس بس ولو فيه حوسه شوي
واللهي محتار للحين
اليوم شفت زي لون موتري بجناح طالع سكبه ومسكت غلط عليه
وش تشورون يالربع

انا أرى أنك تركب جناح
لأنه منظر بالجناح

وعلى طاري الجناح
في شخص أعرفه عنده فيكتوريا 1995 ركب له جناح نفس الجناح اللي يجي على الفيكتوريا الجديد..

تخيل المنظر كيف للفيكتوريا القديم مع الجناح

الناس بصراحة أذواق

ورضى الناس غاية لا تدرك...

مايحتاج سؤال الله يهديك

اسبورت لازم تركب عشان يطلع الشكل حلو

والتركيب لازم تخريم لانك راح تركبه لك وللزمن ماراح تفكه بس اهم شي يكون مطابق للشنطه

يطلع دمار وخاصة مع جنوط السبورت

ما يبيلها كلام ، ركب

بس ما عندي خلفية عن طريقة التركيب