ليش الناس ما يرغبون السياره المدينه ؟؟

بريال خبز @user_3929 · 20-02-2003

سلام

في المعارض توجد سيارات مدينه ما طلعت استمارتها ( بدون لوحات) ويكون نازل سعرها 5 الاف ريال عن سعر الوكاله

ومع ذلك بعض الناس يقولك اخذ من الوكاله اضمن مع انها اغلى :rolleyes:

ليش يعني المدين فيه عيب او ملعوب فيه ؟

جاوبوني الله يخليكم

بريال خبز @user_3929 صاحب الموضوع · 21-02-2003

هلا اخوي سنافي

سلامتك فيه مدينات ما تطلع لها لوحات ولا استماره
صاحبها يشتريها تقسيط ويبيعها على نفس المعرض ( يعني السياره ما تطلع ولا يمشي فيها والعمليه كلها حركه عشان ياخذ الكاش )

سنافي @user_870 · 21-02-2003

اخوي بريال خبز

من يقول ان المدينه مايطلع لها لوحات ولا استماره ؟؟

لازم اصلا تكون باسم واحد مدينها واذا صارت باسم واحد اكيد يبي يطلع لها لوحات واستماره ..

هذا اولا ..

ثانيا اذا بغيت تبيعها يجونك الشيطيه يقولون هي باسمك وكاله ولالا ..

بعدين تروح وطي ..

لان الاستماره فيها اسمين .

وبعدين يحسبونك توك شاريها من راعي السياره الاصلي

هذا ماعندي

تقبل تحياتي

اخوك

سنافي السنافي

بريال خبز @user_3929 صاحب الموضوع · 21-02-2003

رفاع يا مال العافيه وتسلم يا غالي تعبناك معانا :)
الف شكر اخوي

مديرنا محمد
شرف كبير ردك فلك مني كل الشكر
ومثل ما تفضلت الاسماء ببلاش ولكن اسمي بريال ;)
شفت شلون اسمي غالي ومتعوب عليه :D

محمد @user_67 · 21-02-2003

مرحبا بريال خبز.

الموضوع ليس لدي خلفية عنه ولكن الكامري ورفاع ما قصروا.

بصراحة جذبني إسمك وعجبني موضوعك.

لماذا هذا الإسم؟ ترى الأسماء ببلاش:D

رفاع @user_2884 · 20-02-2003

طبعاً السعر هذا للنوع ألي بدون فتحة ,,,,,,,,,,,,,,,,,,

المهم العفريتة ومفتاح العجل تراها تحت المرتبة ألي بالخلف ,,, ورى مرتبة الراكب ,,, وترى فيه عدة بسيطة تلقاها في نفس المحل:D ,,,,,,,,,,,,,,,,,,,,,,,

وحاول تأخذ سيارة بشحم الوكالة يعني بغبارها ,,,,,,,,,,,,,,,,,,

والله يعطيك خيرها ويكفيك شرها ,,,,,,,,,,,,,,,,,,,,,,,,

تحياتي لشخصك الكريم ,,,,,,,,,

بريال خبز @user_3929 صاحب الموضوع · 20-02-2003

تسلمون تسلمون على الاستقبال الحلو والمعلومات الوافيه يا كامري ويا رفاع

طمنتو بالي وانشالله قبل ما اشتري بتفقد السياره شبر شبر واشوف اذا سارقين منها شي |6|

صراحه السعر الي حصلته مغري جدا
باثفندر تماتيك 2003 سعره 81 بينما في الوكاله ب 84.5

واعتقد الفايندر اصلا ما فيه شي يقدرون يسرقونه غير العفريته ومفتاح العجل صح يا رفاع ولا لا ؟ :rolleyes:

رفاع @user_2884 · 20-02-2003

لاكن يعطوهم أسعار تشجيعية لتصريف السيارات ,,,,, والمستفيد الأكبر طبعاً الوكالة ,,,,,,,

كما السلع الأخرى نفس الشي ,,,,,

لاكن زي ماقال أخي العزيز CAMRY -- XL-I بعض ضعاف النفوس من المعارض ويا كثرهم يحاولون أخذ بعض الأشياء ,,,, على العموم ما فيه فرق بين ألي بالوكالة وبالمعارض ,,,,

وياليت نراك أخي بريال خبز في منتدى التعارف والأصدقاء حتى نرحب بك ...........

TARIQ.M @user_74 · 20-02-2003

اخي العزيز :
على حسب السياراة طبعاً
انا سيارتي ماخذها من المعارض ونازل سعرها عن الوكالة بـ 3 الف ريال

ولكن زي سيارات تويوتا 2003 تجي معاه ماطور هواء من والوكالة
اصحاب المعارض ياخذونها ويخفونها عنك
وبكذا الناس تفضل الوكالة

ولكن المعارض افضل لان المعارض يهتمون بالسيارة ويحطونها تحت مظلات
بعض الوكالات تالقى سياراتها في الشمس واقفة
زي وكالة تويوتا و شفرولية وغيرها

هذا جوابي انا في هذا الموضوع
ننتظراجوبة الشباب

تحياااااتي لك