الرساوه / تطمن من هالناحيه فيها ثبات مو طبيعي وملحوظ جداً على السرعات العاليه, اقدر اقول لك ان هذا الشي اكثر ما ابهرني بالازيرا
صرفية البنزين / اذا رجلك ثقيله تصرف بنزين واذا انت رايق اقتصاديه لأبعد درجه
مشيت فيها مسافة 450 كيلو على سرعة 200 بعد ما وصلت امبير البنزين فوق شرطة الـ E
ونفس المسافه على سرعة 110 وصلت وباقي فيها النص
طبعاً كلامي عن 3300 سي سي
الراحه / مقاعدها مريحه لكنها قاسيه على المطبات يعني قساوة تعليقها نفس الاكورد تقريباً
الهدوء / من اهم مميزاتها, طبيعي تسمع صوت الهواء على السرعات العاليه لكنها اهدأ من غيرها بكثير ممن هم بنفس فئتها وطبعاً لا تنافس السيارات الفارهه بهذه الميزه
اسعار قطع الغيار / اذا بتاخذها من الوكاله الاسعار نار اما من موزع وبعد الخصم الاسعار معقوله جداً
الكرف / بما ان السياره تعتبر فخمه فـ طبيعي يبيلها عنايه شوي وقد لا استطيع التنبوء بذلك على المدى البعيد لكن انا سيارتي ماشيه 70 الف واستخدامي سئ لأبعد الحدود والى الآن ما اشتكيت من شي وفيه زميل معي بالعمل عنده 2006 وماشيه 190 الف ويمدحها كثير الا انه يعتب عليها بالاصوات الداخليه فقط لا غير ولم يحدث ان تعطلت عليه في يوم من الايام وايضاً اخونا محمد الخلاوي اعتقد سيارته ماشيه تقريباً 160 الف وكذلك يمدحها
عموماً عن نفسي لا اشكك بالازيرا من هذه الناحيه
