كثيرا هي القصص الجميلة والطريفة والبعض منها خطيرة تحدث لنا او نشاهدها عند القيادة في الرمال وخصوصا عندما تكون مبتدي .. فأي مبتدئ في اي فن أو هوايه او مهنة تحدث له قصة طريفة .. من هنا جاءت فكره هذا الموضوع ..
سأبدأ معكم ببعض القصص الطريفة التي حدث لي في بدايات تعلم هواية التطعيس .. أو القيادة على الرمال
وقبل ان ابدا أود ان اخبركم بأن سبب شغفي بسيارات الدفع الرباعي والقيادة في الرمال موقف حدث لي في عام 1414هـ ، تقريبا كنت بمعية العائلة في احدى السفرات وكان معنا جمس 454عبارتين الشاهد ان الرمل كان طالع ع الخط لاكثر من النص والمتبقي من الاسفلت جات تريلا محملة خشب بتمر طاح جزء منها في الرمل على جانب الطريق وغرز لانه محمل فتوقف الخط من الجهتين " فمن كان معه جيب طمر الرمل ومشى بكل فخر واعتزاز .. كان ذيك الايام الجيب اللاند الشكل الجديد .. ومن المصادفات من السيارات اللي واقفه باصين .. وكنا الوحيدين اللي معانا ترمس ماء بين كل السيارات .. وقلبناها ما سبيل للاطفال .. بعد ماخلص .. قال بعض الحاضرين اطلع بموترك حاول .. قال الوالد الله يحفظة .. مافيه دبل قالوا حاول ونحنا معك .. الوالد قام نسم الكفرات شوي .. وبحكم خبرته لانه يشتغل عند الجميح كان مركب كفرات عريضة شوي .. وتوكل على الله ودعس .. مشى ثلاثة ارباع المسافة وبعدها غرز تجمعوا الشباب وبدا الدف ومع العدد الكبير استطاع الوالد اخراج الموتر .. بحمد الله .. من هنا بدأت انا واخوتي المطالبة ببيع الجميس 454 واستبداله بجيب لاند .. ولكن الوالد ماطاعنا وما يبي يفرض في معشوقته الجمس .. ومن المقولة كل ممنوع مرغوب .. بدا عندي الولع بهذه السيارات والقيادة والتحدي ...
القصة الأولى
: كانت عام 1418 تقريبا .. كنا نشارك الزملاء في رحلات التخييم في الثمامه ونشوف الناس تتمشى على الرمال .. كان معي ذيك الأيام موتر . دفع خلفي فقط .. وكان ودي بشراء موتر دفع رباعي .. لكن ما كانت الظروف تسمح ذاك الحين .. إلى ان اقترب عيد الاضحى المبارك وجاءنا اتصال من عمي المقيم بحائل .. برغبته في قضاء اجازة العيد عندنا بالرياض وبأنه سياتي على سيارته الجديدة لاندكروز .. فقلت هذا اللي نبيه ..
وصل عندنا يوم عرفه مع اذان العصر .. صلينا .. وعلى طول ركبنا جميع كان انا واخواني وعيال عمي وعمي .. وانطلقنا لطعوس قريبه في الرياض على طريق الخرج القديم ودخلنا مباشره مشينا شوي .. ويوم يغرز الموتر .. قلنا ممتاز .. وأنا مسوي فيها واثق وفاهم .. خلت خلوه يحفر كمان شوي علشان بعدها نشغل الدبل ونطلع .. .. كانت تليمات الدبل موجوده على الشمسية قراها اخوي الكبير بحكم اللغة ووجه بالتعليمات .. نست اقول .. مش انا اللي اسوق . اخوي الكبير .. عشقنا الدبل وبدأنا نمش ولكن دون فائده وجلسنا نحاول وبدأ الموتر يحفر الى ان تعلق .. خخ :confused1: طلعنا من السيارة وبدأ الحفل .. وأنا كنت اوجهم .. بحكم ان عندي ولع بهذه الاشياء وكانو يسمعون لي .. يله حفروا .. هزوا السيارة .. السبب اننا كثر وسط السيارة مثقلين .. ونحو ذلك .. وبعد قرابة الساعة من المحاولات والحفر ومابين دبل ثقيل وخفيف لكن دون جدوى .. مر راعي هايلكس يتمشى .. وبدا الغضب عندي .. كيف هايلكس ماهو مدبل ويمشي ونحنا مغرزين .. مر علينا قال .. آفا جيب ومغرزييين .. ومشا .. لاحظت كفراته منسمه .. قلت وانا مسوي فاهم .. شوف هذا منسم لان مافيه دبل ونحنا مانحتاج لانو عندنا دبل .. والوقت يمر وقرب وقت الفطور .. مر علينا واحد ثاني معه هايلكس لكن فيه دبل .. قال افا قلنا له الظاهر الدب ماهو شغال .. ساعدنا وطلعنا ..
ايش كان السبب
كان في السيارة فرارات وماكنا مقفلينها :wavey:
وكان هذا اول درس ..
بانتظار قصصكم
مع دعائكم لي بالذرية الصالحة
