قصص طريفة لاول قيادة لك في الرمال ..شارك بقصتك

ههههههههههه:a1120(86): :xyxwave:

قصص أكثر من رائعة أخي الأسيف

وبانتظار المزيد

ماشاء الله أستاااذ

أشكر مرورك والقادم احلى ..

اول ماسقت طلعت اكبر طعس بالهايلكس 84

:emot96: :emot96: :emot96:

قصص رائعة
الله يعطيكم العافية

وهذي قصة ثانية..
قبل يمكن سبع سنوات..
رحنا مع الوالد والعايلة لشاطئ الشقيق..
عاد كان معنا شفر سلفرادوا موديل 84 دفرنسين.
شاطئ الشقيق بمنطقة عسير معروف بشواطئه الرملية اللي مرة غراز..
عاد الوالد بباله السيارة دفرنسين بيمشي زي السلام عليكم..
شغل الدبل الخفيف وبكل هون ودلع دخل الرملة..والسيارة اطنان حديد خالص..امريكي اصلي..
الا والسلفرادو مكانه..ويغرز بوسط منطقة غراز شينة..
نزلنا العزبة ورحنا سبحنا وتونسنا حتى جت دورية حرس حدود..باترول ربع موديل 2000 او 99..
وقاعد طول العصرية يعافس بالرملة وهو يحاول يطلع الشفر من ورى وقدام..ونشغل الدبل الثقيل بالسلفرادو.بالعافية يالله طلع..
ومن وقتها وابوي يوقف قبل الرملة بمسافة..جته حاله نفسية من السيارة ومن الغراز..
وكل لطخة بتعليمة..

القصة الثانية :

عند قرب افتتاح مطار الملك خالد الدولي قام اخي بالذهاب لزيارة المطار حيث كان في حينه بعيدا عن المساكن .. وكان الطريق غير مكتمل وفي طريق عودته رأى كثير من السيارات تحاول العودة بعد ان يشعروا ان الطريق طوييل وكانت الجزيرة بين الشارعين رملية لم يتم زراعتها ... وكان معه سيارة العمل بليزر 4×4 مزود بونش سحب امامي مثبت في الصدام .. فوجد صاحب سيارة مغرز في الجزيرة فقال له اخي .. ازهلها .. انا اطلعك الحين .. وبالفعل عشق الدبل ودخل في الجزيرة وبمجرد دخوله غرز اخي بجانب السيارة المغرزة .. فاستغرب اخي فخرج من السيارة وناظر تحت السيارة فتفاجا بأن عمود الدبل غير موجود :bigggrin: فقال ان شاءا لله سهله الونش موجود شغل الونش وربطه على احد الاعمدة القريبة وعندما حاول ان يسحب السيارة .. تفاجأ بان الونش عطلان حيث ان زر السحب لايعمل .... ولا فانتظرووا حتى جائهم سيارة شاص وأخرجهم جميعا بعد انتظار دام ساعتين .. :smile: :bigggrin:

ايه والله .... وانت صادق :wink:

أما هاذي بألف قصة ههههههههههههههههههههههه

وتجاربي في الطعوس 00000 عداد جديد

نشكر مرورك ومشاركتك ... قصة حلوة .. وبانتظار المزيد
تحياتي

كل الشكر لك , قصص رايقه وحلوه .. :wink: ..

يعطيك العافيه ..

مايكرو/ يا اني ضحكت ضحك على ردك :bigggrin: .. اجل مادريت الا وانا بدعسم .. !! هههههههه


الله يرزقك الذريه الصالحه , ويعطيك من حيث لاتحتسب .. والله يوفقك ويسعدك دنيآ وآخره .. انت والقارئين .

:)

مشكور على تواصلك ومشاركتك ..

عندنا منطقة بالمدينة اسمها (المندسة))..تبعد 32 كيلو على خط تبوك..
هي منطقة رملية واسعة.لكن فيها طعسين كبار ينفسون عن اللي يحبون التطعيس بالمدينة..
رحنا بايسوزو دي ماكس 2007 فل اوتوماتيك..
واخذنا بالمراقي والنزلات طول العصر الى حول الساعة 11 الليل ..قضينا الوقت ما بين التطعيس والطبخ والفلة والوناسة..
يوم جينا بنمشي..دز الشيطان خويي راعي الايسوزو وقال مرقى اخير للطعس قبل تمشي..رقى الطعس من الجهة الخطأ.والدنيا ظلمة ما تبصر..
الايسوزو طب له بسيف حاد وتعلق عليه..والمشكلة قير اوتوماتيك وثقيل شوي وفوق هذا تعليقته شينه على بطنه ..الكفر الخلفي كان ملامس الرملة بشكل بسيييط..عاد كملها وحفر..
ابتلشنا..لا دبل نفع..وحن تونا مبتدين بالتطعيس مالنا الخبرة الكافية.
ونتصل باخويانا يدبرون لنا جيب وما عندك احد..كلهم سياراتهم خنافس..
هداني ربي وذكرني بواحد اعرفه معاه باترول ربع 2003..
عاد كت مستحي منه ما امون عليه اجد.لكن الظروف والوضع غصبا عليك تقطع وجهك..
كلمناه وفزع لنا النشمي وجانا ..سحبنا الموتر وكان على بطنه..
التعليقة قضينا بها اكثر من 3 ساعات..مابين المحاولة والاتصالات..والدنيا خليّ وما تسمع الا نباح الكلاب..حتى فزع لنا الرجال الله يوفقه..
ومن وقتها واحنا بعقولنا..ولا عاد صرنا نطعس الا بالنهار وتكون فيه سيارة فزعة..

انا اول دخله لي بالددسن 99 يوم انا باول ثانوي

سويت فيه انواع الراليات

والمساكين الي يركبون معي

صراحه السوالف كثير حتى ن كثرها نسيتها


عاد الحين نخطط على الهايلوكس 2009 نبي نتطور

هههههههههها
اما ان مالي في الطعوس مثقال ذره
شكرا على الموضوع

بالثانويه كل خميس بلاند الوالد العزيز وبدون مايدري ... عندنا بالمدينه منطقة البيضه

طبعا ماهي رمل رمل ... حصى ... وطبعا جي اس ليميتد 2000 كان خلفية لكزس الله على الطعج على الجموس المغرزه

جيت الرياض مع عيال عمي ... وبلاند 2002 في اكس اوتوماتيك ... وعلى الثمامه . طبعا انا كنت متعود على جي اكس وعادي ... قلت 8 سلندر اكيييد فله

واول طعس صغنطوط بالثمامه وبمكانها .... ياهوو منا ولا منا عدل بدل ... حفر حفر وبالثمامه اكثر شي مستفز لمن يعدون 7 بنص كامري منسم كفراته ويمر من جنبك وهم وناااااااااسه على ظهرك وانت تحفر للند ...

طبعا بعدها قلت لا للجير اللاوتوماتيك ههه ماعرفتله

تحياتي