لا استغني عن ارائكم ( تمرين سياره جديده )

ماجد 9 @user_147237 · 26-05-2009

السلام عليكم ورحمه الله وبركاته
كيف حال الشباب ان شاء الله تمام

المهم ولله الحمد والمنه اشتريت فورد فكتوريا 2009
ابي ارائكم بالنسبه للتمرين للسياره ..
تقريبا انا عندي خلفيه سابقه بالنسبه للتمرين بس فيه مشكله بالنسبه لتشغيل المكيف فيه ناس تقول شغله عادي وناس تقول لا تشغله الا بعد 1000 كلم .
وهل تغيير الزيت ضروري بعد 1000 كلم او يتم تغييره بعد 5000 كلم ..
ننتظر ارائكم وخبرتكم وشاكر ومقدر للجميع مقدم تجاوبكم

تحياتي ......

ماجد 9 @user_147237 صاحب الموضوع · 28-05-2009

شاكر ومقدر للجميع هذا التجاوب
يعطيكم العافيه يا حبايب

تحياتي...

أنـــــس @user_34305 · 27-05-2009

المكائن الأمريكية عموما لاتحتاج لتمرين

شغل سيارتك وتوكل على الله وشغل المكيف :bigggrin: مافيه أي ضرر نهائيا

لكن مبدئيا لاتتجاوز سرعة 100 لفترة قصيرة وليس شرطا 1000 كيلو.!!

بالنسبة لتغيير الزيت فالوكالة أعتقد تطلب منك زيارتها عند 1000 كيلو للتشييك وتغيير الزيت وهي صيانة مجانيه

بالتوفيق

نـاصر @user_80714 · 26-05-2009

M

M~أمير بكلمتي~M

بالنسبه لكلامك في التمرين لا تتعدى 80 كيلو وهذا متعارف عليه عند الجميع وفي الوكاله

هو مو على السرعه فقط على ضعط المكينه هم يقولون لاتتعدا 80 من اجل ماتضغط على المكينه

يعني عادي تمشي الى 120 كيلو

بس بكل هداوه يعني ماتدعس لها وتضغط على المكينه ..

يعني امش والمكينه مرتاااحه على االاخر وهذا اهم شي والسرعه مايهم

HOLDEN HSV @user_142776 · 26-05-2009

الله يعينك المكيف ما لك صبر عنه بس السياره اهم

ماجد 9 @user_147237 صاحب الموضوع · 26-05-2009

يعطيكم العافيه يا اخوان على تجاوبكم ...
بس بالنسبه للمكيف هل فيه مشكله لو اشغله صراحه الحر ذا الايام مو طبيعي وصعبه امشي بدون مكيف
مع العلم ان بعض الوكالات تقول عادي تشغله واغلب ارائكم اني ما اشغل المكيف

تحياتي .......

A.T.C @user_67363 · 26-05-2009

أنا مرنت سيارتي 2006 كراون فيكتوريا سعودي قمت بما يلي :
1- أول 1000 كيلو لم أتعدى 80
2- لم أشغل المكيف أول 1000 كيلو.
3- غيرت الزيت عندما وصلت أول 1000 كيلو.
ملاحظة هامة:
حاول أثناء التمرين أنك لا تسحب مقطورات أو تحمل السيارة بأحمل ثقيلة.

HOLDEN HSV @user_142776 · 26-05-2009

الف مبروك الموتر الجديد
الله يعطيك خيره و يكفيك من شره
بالنسبه لتمرين السياره ما عندي فكره
بس المعروف عند الناس انك ما تعدى سرعة 100 كم/س اول الف كم............. اذا مشيت الف كم غير الزيت عند الوكاله وشغل المكيف
بالتوفيق

صقر السعودية @user_96219 · 26-05-2009

بالنسبة لتغير الزيت ضوروي زي ماقال اخوي امير

لانه زيت خفيف يصلح لـ 1000 كلم

ماجد 9 @user_147237 صاحب الموضوع · 26-05-2009

يعطيك العافيه على تجاوبك يا غالي
نتمنى نسمع المزيد من الاراء

M~أمير بكلمتي~M @user_58367 · 26-05-2009

بالنسبه لكلامك في التمرين لا تتعدى 80 كيلو وهذا متعارف عليه عند الجميع وفي الوكاله

وفي نفس الكاتلوج المرافق للسياره

بالنسبه للمكيف ماعتقد ان عليه ضرر وتقدر تشغله بعد اول 50 - 100 كيلو وانا اعتقد

انه سبب عدم تشغيل المكيف هو الخوف من السير انه ينقطع او من هذا القبيل

اما الزيت فلازم تغيره بعد 1000 كيلو لاني شفت الزيت يكون زيت خفيف جدا ولا يناسب تتعدى فيه

1000 كيلو بعدها روح غيرها اضمن لك للسياره

ينقل لقسم الاستفسارات

أخوكـ