ياريت اعرف اسعار الجاكوار وشوية نقاش حول هالسيارة

هلا اخوي

بالنسبه للاكس تايب فالشـركه اوقفت تصنيعه حاليا
و بتحصـل 2008 فالوكـاله و سعرها كان يبدأ من 110 الى 175 ألف
و السـيارة فعـلا فخمه و محترمه لكن كثير الاعطـال
محركاته تبدأ من 2 لتر 6 سلندر 150 حصان
و الاقوى هو 3 لتر 231 حصـان

بالنسـبه للاس تايب فتم استبداله بالاكس اف حـاليا
موديلات 2008 اخر موديلات و كانت اسـعاره فالوكاله بحدود 260 ألف للفئه R
و قوته 400 حصان سوبرشـارج
و فئه الثمانيه العاديه كانت 220 ألف فالوكاله و قوتها 300 حصان 4.2 لتر
و فئه السته سلندر تقريبا 160 ألف درهم فالوكاله
و كانت اول سـيارة ينزل فيها الهاندبريك الكتروتي (Auto Hold)
بالنسـبه للتحمل كانت جيده و جابت نتايج حلوه في الاعتماديه في تقييم JD power
على ايامها .
بالنسـبه للعيـوب
ضيقه من ورا و ثقيله من الصفر و على سـرعات عاليه تسمع صوت نتيجه تصادم الهواء مع المرايا الجانبيه

كـلامي من احد مجربيها سـابقا
و اذا ودك تعرف عن XF سوبر شـارج 2009 عند اخوي وحده اسـأله عنها

بالنسـبه للاسـعار اكيد قلة الحين لان الاسـعار هذي على ايـام ما كانت موديل السنه

اتمنى اكون فدتك و لو بالقليل

تحـياتي