ماذا تفضل تاهو 2008 بمواصفات خاصة أم تاهو 2009 عادي ؟؟

الموديل الجديد اقوى واكيد انه اقل عيوب تصنيعية...
الله يكتب لك ما فيه الخير..
:xyxwave:

شرفتنا يا مايكروسوفت ..

خبير الكوري الأول بالمنتدى ..

كنت متوقع أنك بتعارض فكرة التاهو من الأساس وتقول أشتر لك موهافي !!

على طاري الكوري تراني أحد مجربي الكوري وسبق شريت سوناتا فل كامل 2006

كانت تجربة جميلة بس مستحيل أعيدها وأشتري كوري مع أعجابي الشديد بتطورهم ..

والله يا أبو مشاري فعلا مسألة الألوان تحير

وما يحلها إلا إتخاذ القرار النهائي والشراء ..

أنا معجبني جداً الأبيض ولكن كل ماسألت أحد قالوا ما يصلح حتى الوكالة والمعارض يقولون أن اللون الأبيض على التاهو غير مرغوب .. وبكذا أنا أحترت أخشى إني آخذ أبيض وأتحسف !!

الخيار الثاني هو الرمادي ولكن اللون بالنسبة لي جديد وتجربة جديدة وما أدري أنسجم معاه مع الوقت أو راح أستهجنه بعد فترة ؟؟

الخيار الثالث / الذهبي هو أختيار الغالبية ولون دارج بالسوق وله شعبية ومرغوب عند البيع ..

ولون غير مستهجن لون بارد على العين ..

ولكنني لم أكن مقتنع به تماماً ولكن بعد ماشفته بالوكالة كأني غيرت رأيي شوي ..

ولكن ما أدري يمكن أقتناع مؤقت وليس أقتناع تام !


حيرة صح ! :c0214:

أسحب تصويتي من الخيار الأول إلى الثاني بعد هذا الرد



^ ^
أحسنت وأبدعت .. معلومات مهمة جداً

|1|

السلام عليكم
اخوي مرور الكرام

انصحك نصيحة لوجه الله ...
بالنسبة للألوان فقط استشير الناس اذا فيها سلبيات خاصة باللون مثل الاسود مثلا يقولك مايصلح في اجواء الصيف وبرضو الغبار يبان فيه بسرعه وماشابه

لكن اللون بحد ذوته حلو او مو حلو؟ هذي اذواق

وانصحك انك تختار اللي يعجبك يعني لو اللون الفلاني ماعجب عباد الله كلهم وعاجبك خذه بدون ماتفكر في اذواق الخلق كذا ببساطة :)

فقط انتبه للامور الثانية مثلا لو فيه سلبية في اللون ممكن الناس تفيدك لكن اختيار اللون على اساس الذوق فقط لاتعتمد على احد مع احترامي لكل الاذواق :)

انا عن نفسي ماقدر اعطيك رايي لاني مؤمن بالاذواق ...
وكذلك مؤمن ان التاهو كل الالوان حلوة عليه ومؤمن ان كل الفئات وحش وهيبة وفخمة من الـ LS الى LT وصولا للـ LTZ كلهم فخامة وهيبة :)

والله يوفقك وسامحنا على الاطالة
اخوك

إن شاء الله ربك يسهل الأمور ..

واكيد صلاة الاستخارة قبل كل شي ..

وحالياً النية على 2009 ولكن أيهما أفضل لون :

1- ذهبي

2- رمادي ( وليس الفضي )

3- أبيض

أرجو المساعدة من الجميع ..

أشكرك على الإضافة الرائعة ..

والأسعار غالية لدى الوكيل بالتأكيد ..

بحثت عن القطع بموقع e BAY حصلت على المقابض الكروم + المرايا الجانبية كروم تقريباً بأقل من 500 ريال بدون الشحن ..

والأسعار بالصورة للقطعتين تكلف 1050 ريال ..

إن شاء الله أتأكد من الأسعار من الوكالة وهل أنخفضت أم زادت وأرد لكم خبر ..

2009 ان شاء الله افضل صل الاستخاره والله يوفقك

هذي قائمة بجميع الأكسسوارات من بالبيد بس انها قديمة شوي. وأتوقع انك تحصل مثلها عند الوكلاء الباقين.

تسلم والله

أول ما خطر في بالي أشتري تاهو فكرت بالأسود .

ولكن بعد التفكير العميق تخوفت من اللون بسبب حاجتين :

1- ما عندي بايكة بالبيت .
2- كسول بالغسيل يمكن أغسل السيارة مرة كل أسبوعين

وفكرت بالبدائل / أبيض - ذهبي - رمادي وليس الفضي !

وما زلت محتار !!

وبالعكس أستمتعت بردك ... تعجبي الردود الطويلة المفيدة ..

شكرا على تواصلك ..

اقتباس:
المشاركة الأصلية كتبت بواسطة متدبس
شو جاب لجاب خيوووو
الـ 2009 طبعاً جديد وأدفع زياده بعد
اولاً جديد وعلى ايدي ومواصفات ميكانيكية أفضل وأقوى
ثانياً الحمد لله اللي ربك سهل وماقسم لي الله 2008 وماتيسرت الامور
غير لما نزل الـ 2009
بريك خلك على جنب شوي خلني اسلم على أبو مشاري
حي الله أبو مشاري !!! بشرني عنك !!! امورك طيبه ان شاء الله !!!
صاحبنا مرور الكرام عليك بأبو مشاري تراه ماشاء الله مُلّم بالتاهو من نواحي كثيرة
مرجع يعني يفيدك بأي شي تبيه
وبالنهاية الله يقسم لك اللي به الخير ان شاء الله

السلام عليكم
بخير ياوجه الخير ومشكور على كلامك العسل ياعسل :xyxthumbs:
وانت بشرني عنك عساك طيب؟ الله يديم عليك الخير اخوي

وصدقني ماعليك زود انتوا الافضل والاكفئ ومنكم نستفيد ولاتبخلون علينا باي معلومة حنا هنا نفيد ونستفيد طال عمرك :)

دووووم الصحة والعافية ان شاء الله
وأبشرك انا بصحة وسلامة وبالنسبة لردّي انا ماجاملك
هذي حقيقة والله يتمم عليك

والسلام

بصراحة شكل الجنوط 17 لا بأس به جميل

هل عندك خلفية عن سعر الإكسسوارات بالوكالة ..

أنا الي معجبني فقط حاجتين :

1- المرايا الجانبية النيكل
2- مقابض الأبواب النيكل
فقط

وراح أسأل عنها من برا أكيد أرخص

وشكرا لك على نصائحك

إن شاء الله يابو مشاري إنها 2009 كلها كم يوم وننضم إلى ركبكم ركب النخبة ..

أشكرك على النصيحة ... والقير بـ 6 سرعات فعلا روعة لأني جربته على الأوريون يعطيك راحة على الخطوط الطويلة ..

وبأذن الله خلاص 2009

أكيد التاهو 2009 بدبل أفضل
والفرق بينهم فرق جوهري. 2009 القير 6 نمر أما التاهو 2008 4 نمر.
الأكسسوارات اللي ذكرتها تقدر تركبها بنفسك ومتوفره عند الكالة وغير الوكالة.
أما بالنسبة للجنط 20 فالتاهو LT نوعين : LT1 و LT2 .
التاهو LT1 يجي بجنط 17 وصعب انك تركب عليه جنط 20
أمل التاهو LT2 يجي بجنط 20 شد بلد. لكم مو كل الوكلاء يجيبونه.
الأكسسوارات النيكل تقدر تشوف أسعارها في موقع e-bay
أتمنى اني أكون أفدتك.

السلام عليكم
بخير ياوجه الخير ومشكور على كلامك العسل ياعسل :xyxthumbs:
وانت بشرني عنك عساك طيب؟ الله يديم عليك الخير اخوي

وصدقني ماعليك زود انتوا الافضل والاكفئ ومنكم نستفيد ولاتبخلون علينا باي معلومة حنا هنا نفيد ونستفيد طال عمرك :)




السلام عليكم
اخوي مرور الكرام الله يرفع شانك يالغالي وماعليك زود :)
وصدقني بالنسبة للموديل الجديد منت خسران ابد وان شاء الله انك ماراح تندم

والله يتمم لك على خير ويسهل امورك ان شاء الله
اخوك

1 - تاهو 2009 طبعا ومن دون تردد
لان القير 6 سرعات . هذا فرق مهم جدا في راحة السيارة خاصة في الطرق الطويله.

2 - الدبل ميزه حتى لو كنت ما تستخدمه الا قليل لانه ممكن يوم تحتاجه يسوى عندك الشيء الكثير ولا تنسى اذا حبيت تبيع يفرق معاك بالسعر لصالحك.

الله يكتب لنا ولك الخير وللجميع

أشكرك على ردك الجميل وصراحتك ..

الواحد ما يدري وين الخيرة فيه ..

وما عمري أشتريت سيارة إلا أحتار مثل كذا ..

أما ألوان أو مواصفات أو سعر أقل

ولكن ما نستغني عن شور الرجال مثلك وشرواك

خصوصاً المجربين وأصحاب الخبرات ..

وودي أسألك والسؤال للجميع .. وش أفضل لون على 2009 .!؟؟