ليه تشتري سيارة ... السرقة أوفر !!!

الحمدلله لقينا السيارة ..

بس أنا أتمنى أن الحادثة ماتتكرر مع غيري .. يعني أوكي حرام واحد غيري يروح الضحية

مع العلم المفروض مع كل سرقة يأخذون تدابير جديدة .. لأن السرقات ليست ظاهرة عندنا

وبنفس الوقت ليست نادرة والخوف أن الحرامية تزداد ثقتهم بنفسهم ويكونون شبكات وتصير السعودية كولومبيا الجديد


المفروض يوصل هالكلام للمسؤولين

ولو أعرف واحد يكتب بجريدة كان كتبت له معاناتي .. حتى يتعظون غيري

لأن المال عديل الروح .. وشيء مستفز أنك تتعب وأخرتها يأخذها باردة مبردة

شوفوا منتديات الفساد والتفحيط .. أصبحت بشكل علني .. المفروض يكون التفحيط

بشكل مقنن . يعني الحكومة تسوي ساحات للشباب عشان يفكونا ويفحطون في ساحات مخصصة بوسائل سلامة .. وعشان نعرف نطلع حلالنا ..

ماغير يدبلون بهالمخالفات ..

يالله الله يستر على الجميع وأنا تعمدت مأحط رقم اللوحة حتى أبينلكم أن نيتي للعظة مب لأني أبيكم تساعدوني ولو أنكم ماتقصرون

لا حول ولا قوة إلا بالله

فعلاً بجاحة ووقاحة وحقارة

الله يصبرك ويكون في عونك ...............

لا حول ولا قوة إلا بالله

فعلاً بجاحة ووقاحة وحقارة

الله يصبرك ويكون في عونك ...............

هههههههههههه شر البليه الله لايحوجنا لهم ولايحدنا لهم ولايبلانا فيهم

شرطه فااشله

انا اعرف واحد قعد يفحط ع موتره وجاه بلاغ ووقف الموتر وبلغ وقال موتري مسروق عشان يطلع منها

وواحد اعرفه يقول دقيت ع الشرطه وقال لهم واحد معه سلاح بيذبحني وقالو له مانقدر نفيدك تعال بلغ في القسم

بعيد الشر عننا وعنكم

انا لوحات سيارتي الامامي مسروقه قلت مايهم وبعد كم اسبوع رجع اخذ الخلفيه هذا قوي حرامي مايخاف والمشكله اخذ الخلفيه العصر قدام الناس

الله يعوض عليه يارب والله شيء يحزن انا لله وانا اليه راجعون لازم تطبيق قانون حمايه نفسك اولا وعلى قوله واحد من شباب المنتدى لو بتوقف تحك راسك طف السياره وامسك المفتاح في يدك بقوه لاتحطه بين المراتب وتاخذ غطه

ويازين نظام الامان اللي تقدر تطفي على الحرامي السياره ولاتشتغل ابد وتعرف وين مكانه بعد وتراه موجود ولاهوب ذاك الغلا يصلح للسيارات الجديده الملفته

الله يكفينا السرقة و بالاخص سرقة السيارات
ترى كثرة هذه الظاهره و ربك المستعان
و هذي قصة احد اقربائي و شلون انسرقت سيارته

الرجال كان تارك ثوبه بالمغسله و كانت السيارة جديده ماله شهر مشتريها و المهم راح المغسله و نزل بس يجيب ثوبه و طبعا كعادة كل الشباب ترك السيارة شغاله و جاب الثوب و هو طالع من المغسل إلا و يشوف واحد ركب السيارة و دعس . قريبي عرف ان السيارة انسرقت فتصل على الشرطة و كلمهم قالوله طيب تعال و لما رحلهم و قلهم القصه طبعا سألوه اول شي فيها حد ؟ قلهم لاء قالوله طيب خلاص ماعندك مشكله بكره نسوي البلاغ و نعممه على الدوريات قلهم بكره !! و ليه مو الحين طبعا قالوله السيارة انسرقت و مافيها حد ولو فيها حد كان الحين نسويلك البلاغ و بكره نحصلها و لا تخاف و مدري ايش.
المهم الرجال رجع البيت و بعد 20 يوم اتصلت فيه الشرطة و قالوله تعال خذ السيارة و طلع قريبي يستلم السيارة و اول ما وصل شك بالامر قال بعقله اكيد هذي سيارتي يقوم يناظر فيها يمين يسار و يقولي تعرف انه ما في شي بالسيارة مشلحه تشلييييييييييح و موقفينها على حجار بالارض الفاضيه قريب من صناعية الامير سلمان يقولي ابد مافيها شي كومة حديد حتى الكراسي و الجنوط و دركسيون و كل شي يعني ممسوحه مسح فتخيلوا في عصابات في الصناعية تقوم تسرق سيارات و تشلح خلال 20 يوم !! و بعدين تبيع القطع !! وين الشرطة و ين العالم !!!!! ياخي تنسرق سيارتك و بعدين ترجعلك عالاقل فيها كم كفر بس انك تحصلها ممسوحه مسح مشلحه تشليح هذي الصراحه موضه جديده بالسعودية و بالاخص بالرياض !! و ربك يستر

لحول ولاقوة الا بالله // اخوي اذكر مواصفات السياره ورقم اللوحه وان شاء الله
مايقصرون معك الشباب // بالتوفيق لك يالغالي // لاتنسى تطمنا اذا لقيت السياره

الله يدفع البلا احسن شيء مفتاح الكابرس الصابونه 95 فيه مغناطيس وحجمه صغير وخاص بس مايسوي شيء مع الحراميه المحترفين الله يدفع البلا ونصيحه لاحد يشتري سياره غالي ويقسط فيها ويتعب عشان الدنيا غداره ومالها اي امان ياشباب الله يحفظكم وكل عام وانتم بخير

..........................

الله يكون ابعونك يالحبيب
وصح الشكو لغير الله مذلة
الله يعوضك انشاله

ياشباب لا تنسوا انه في شغله اسمها

الماستر كي

هالمفتاح موجود وصار امام الوالد موقف, كانوا في يتقهوون وجاء رجال عندهم وسألهم اذا مهتمين بأمر الماستر كي, يعني بيبع الرجال لكن للناس كبار في السن مو شباب على اساس مايكون فيه سرقة

صار تحدي بين صاحب المفتاح وشخص مع الوالد على انه يفتح سيارته ويشغلهاو وبل فعل فتح الباب وشغل السيارة...

يعني الحكاية ممكن تصير ان السيارة تنسرق من قادم البيت وهي مقفل كمان...

الله يكون في عووونك
اتمنى اخذ العبره

يا أخي ودي أفهم شي واحد ولا أكثر

أنتم كل يوم تسمعون عن سيارات تنسرق

ليش ما تاخذون حذركم؟؟؟؟؟؟؟

عند مصاروه مثل يقول : مال سايب يعلم سرقه :wavey:

ياحبيبي أنا ماتركتها شغالة لو أنها بإهمالي كان أستاهل ومايكون غلطة الحرامي لأان أبليس سول له


ياحبيبي أنا سياتي بأفتح فيها الشنطة فتحت السيارة وحطيتها على وضع التشغيل وشغلت المكيف ... ورحت للشنطة مانزلت بقالة .. رحت للشنطة اللي بينها وبين السيارة ثلاث خطوات


وأبوي كان عند كبوت السيارة

اخوي حبيب طيب كيف استطاع الحرامية تشغيل سيارتك وايش نوع سيارتك


ما عندك فكرة عن ذلك والله خوفتونا بقصص سرقة السيارات

الله يعين تكاسي الاجرة تكثر سرقات تكاسي الاجرة يركبوا اثنين مع تكسي الاجرة

ويخلوها يروح بعيد في مكان خالي شوي من الناس ويعدين يحطوا السكين على

رقبته وياخذوا فلوسه وجواله ويهربوا بسيارته