أول شي الحمد لله على سلامتك إنت والوالد
ثاني شي لازم تنزل موضوع وتحط صور السياره مع المواصفات يمكن أحد يشوفها بحارته ويدق عليك
ثالث شي رح أقلكم قصتي مع العلم إني حاسس فيك أشد أحساس لإني ذقت طعم السرق وعيني عينك
قصتي
في أحد الأيام كنت مرره مشغول يعني طالع من الظهر وأنا ألفلف كان وقتها رمضان يوم 28يعني باقي يومين على العيد وأنا قاعد أجهز الملابس والأغراض علشان العيد يعني فله
المهم وصلت البيت الساعه 10 وأنا تعبااااااااان وجلست على النت والابتوب دائما أنسدح أنا وياه عند الشباك يلي يطل على سيارتي وحوال الساعه10ونص يعني نص ساعه من مجيئي صرت أسمع من بره الشباك شي قاعد ينفتح بالقوه واناظر وإلا أحصل 2فتحوا السياره وجلسوا جوا وعاد أنا ريع سريع لبست النعال وطلعت بره وإلا أشوفهم داقين ريوس علشان يطلعوا من الموقف وعاد أنالحقتهم وحالت أكسر الزجاج الأمامي لاكن جت الضربه خفيفه وهو يوم دق ريوس حط على الأول علشان يفقع وإلا السياره بوجهي اقسم بالله يوم فقعت من السياره أخوي شاف يلي صار يقول مافي 2سم بينك وبين السياره
المهم الحراميه حصلوا على مبتغاهم
ورحت المرور وبلغت عليها وقالولي خير ان شاء الله ويوم يصير شي ندق عليك
وأنا عاد خايف مايكون الحرامي زارفها زرفت انتقام لإنه بلحظه يقدر يحرق السياره المهم مر أول يوم ولا في اتصال وأنا مترت الرياض تمتير شبر شبر ولا في أي أثر ومر ثاني يوم ولا في حدا بعدين أول يوم العيد الساعه 8الصباح إلا يدق علي رقم ويقلي ترى حصلنا سيارتك أنا قلت أكيد محروقه ولا شي المهم رحت مع أخووي الكبير رحنا حي المصيف وإلا نلاقي الشرطي والسياره الحمد لله ماكانت محروقه بس كانت المكينه مخبطه وماقاعده تشتغل لإنه كان في حفره كبير بالمكينه والزيد كله بالأرض
حملتها بصطحه وتركتها عند البيت شهر بعدين قررت أصلحها والحمد لله الحين معاي وزي العسل
ملاحظه ربي ستر علي لإنه بنفس اليوم يلي انسرقت السياره كنت شاري جوال جديدE65وكنت قافله وناسي القفل ورحت البطحه وفكيت القفل وقلت ليه أستخدمه ومعاي جوال ثاني حطيته بالدرج السياره وقت خلاص بخبيه هنا بس سبحان الله لاشعورينا يوم وصلت البيت شلته من غير ماأحس ولاكان انزرف مع السياره
وكان في 10 ريال إزرفت بعد<<خخخخ يلي يسمعك يقول 1000ريال
هذي قصتي
وإن شاء الله أخووي تحصل سيارتك وتلاقيها بخير وتمام
مع العلم إني حاسس فيك أكثر واحد
__________________
ما فهمت اخوي حبيب كيف تمت سرقت سيارتك اي شباك تقصد يعني شباك بالبيت
يطل على سيارتك شاهدت الحراميه يسرقون السيارة منها
وهل كنت ناسي مفتاحك بسيارة ولا كيف استطاع الحراميه تشغيل السيارة
الحمدلله وجدت السيارة بس ارجوا التوضيح
