fj كروزر ينفع حق خطوط؟

ما المضحك سبحان الله ؟؟!!!!!!
أخوي خلك على التاهو لا انكرف وشفت انه انتهى عمره الافتراضي بيعه وخذ غيره ووفر المبلغ اللي معك لاشياء أخرى

هههههه---------

خذلك تاهو ثاني

فصل برقع للتاهو وسعره البرقع رخيص وتوكل على الله

أخي الكريم التاهو قيمته جديد حول 120000

والأف جي جديد قيمته حول 120000

يعني السيارتين متقاربة بالسعر ..

يعني لو تبي تشتري مستعمل راح تلقى الأف جي أغلى من التاهو بحكم أنه تويوتا !!

يعني ما أستفدت شي !

المنطق يقول لو أنك شاري مرسيدس بـ 400000 ممكن تشتري أف جي مستعمل بحدود 90 ألف !

ولكن أنت شاري سيارة بحدود 120 ألف وتبي معها سيارة بحدود 85 ألف !

يعني ما وفرت على نفسك بالعكس زودت على نفسك أعباء ومخاسير مالها داعي !

أما أنك تستخدم التاهو وتتوكل على الله إذا كان الطريق نظيف وما فيه مشاكل ..

أو تبيع التاهو وتشتري أف جي مستعمل بحدود 90 ألف وتكرفه لين تمل !!

أو دامك مصمل على رايك أشتر لك تاهو 2007 تلقاه بالقيمة هذي تقريباً ..

وبالتوفيق للجميع ،،،

يا جماعة وش فيكم شبيتو على الرجال.
الرجال ربي منعم عليه و"لله الحمد" و وده يشبع رغباته, أخوي الله يرزقنا وياك اكثر و اكثر.
و ما اطول عليكم, انا عندي مورانو و بصراحه ممتازه على الخط بس لو اعيب عليها بحاجه وحده بس و هي ضعف الهيئه الاماميه و أقصد فيها ( المقصات, المساعدات, عمود التوازن ...الخ) و غير كذا تمام على الخطوط و حتى استهلاك البانزين ممتاز.

خذلك سيارة سيدان احسنلك في الخطوط:

- كامري
- اكورد
- ماركيز
- سوناتا

خذلك ماركيز مستعمل تماااااام

يا اخي خذ لك كامري اذا كان طريق عملك مافيه مشاكل

والله انا عندي جيب 2003 كويس بالخط مره

اخي الكريم الامريكي مريح في الخطوط ومجهز لهدا الشئ

اما الياباني فقاسي في الخط ويتعبك

الامريكي يعتمد عليه والدليل :

ستجد موديلات قديمة للامريكي (الدفع الرباعي) من التسعينات وتكرف زي الحلاوة عكس غيرها التي لا يواكب متطلابات الوضع الحديث.

الاف جي ثابت ومريح على الخط
لكن العزل سيئ فوق الـ140

وترى مافرقت واجد بين الـFJ و التاهو

وبالتوفيق

انت شاري سياره الله يصلحك عشان توقفه بالبيت وتحافظ عليه ,.؟

وفر فلوسك وحط حماية للوجهيه وتوكل عالله

وشوله الخساير وسيارتين

ابي اعرف اخوي إذا ماتبي تروح بالتاهو اجل لي شاريها ولاتخاف ترى التاهو ممتاز
ومريح جدا في الخطوط وانا مرة سافرت على تاهو ماشاء الله امشي 160 وكأني ماشي 120
.
.
.
.
تقبل مروري

شف لك

فورد

ولا اكورد

واذى جيب .. جي اكس ولا مخي مقفل الحين هههههه

الاف جي الصراحه مدري عنه بالخط .. يفيدونك ملاكه

وبصراحه فسق مثل ماقال اخوي .. اذا مانفعك التاهو متى ينفعك

ومب خارب انشاء الله .. شغل وتوكل على الله بس

بالتوفيق