مشكلة تهريب الزيت(كامري 2004)

رح للوكيل ومابيقصر معاك..

طلعت المشكلة من غطى الزيت غيره اخوي بواحد اصلي من الوكالة والحمد لله اختفت المشكلة

الله يجزاكم خير

اخوي الغالي
الصرف بهذه الكمية لايكون باي حال من الاحوال عيب مصنعي...
اذا كان الصرف بسبب التبخير فتعمل اللي قاله اخوي فني سيارات خصوصا
سيارتك ماشية 200 الف وتسير بسرعة 150 كم/ساعة,اما اذا كان هناك
نضوح للزيت لاي سبب كان عليك ان تعالج النضوح باسرع وقت ممكن.

شوف اخوي اذا اولاً تعمل فحص تحت الماكينة تشوف هل فيه تهريب ولا لا
واذا مافيه انصحك بزيت موبيل ممتاز جداً

حيآك الله أخوي

صحيح مثل ماذكر أخونا Camr4 هذا يعتبر عيب

وترى مو بس بالكامري !

حتى بعض السيارات الأخرى ينقص الزيت فيها

وهو يتبخر مع السرعة والحرارة والضغط على السيارة

عندي بالكامري الزيت كان ينقص بشكل مو طبيعي

بسبب السرعة ( زيت تويوتا ) كنت أغيره بالوكالة

بعدها سحبت على الوكالة

وصرت أستخدم

:
:



زيت كاسترول ماجناتيك

ومع كل غيار زيت أغير الفلتر من الوكالة

والزيت ماينقص ماشاء الله تبارك الله

شوف هذا عيار زيت تويوتا سابقا على سيارتي وهي ماشية 69 ألف كم



وهذا عيار زيت كاسترول ماجناتيك على 75 ألف

شوف ماشاء الله الفرق كيف



والزيت النوعين كلهم

كنت أغيرهم على 5000 كم

:)

والله يعينك

عليكم السلام و رحمة الله و بركاته



لا مش عيب مصنعي وهذي الكمية كبيرة جدا

واكيد تحتاج تبدجيل اقل شي شنابر وجلد بلوف (جلد صمامات ) وهذا اقل شي
وقد تحتاج الى صيانه و عمل خرطة بمعنى خرط سلندر وتركيب بساتن جديدة اكبر منها برقم او بحسب الخرطه
لان المعدل مرتفع جدا

اخوي هذا طبيعي تبخر طبيعي
لاكن اذا كان فيه زيت على المكينه
ولا اذا وقفت السياره شفت تحتها زيت
فربما هناك تهريب زيت
واول شيء تأكد منه غطاء المكينه

موعيب لاكن يتم التبخر عن طريق الشكمان اهم شي انه يزود الزيت والله الورش مليانه كوامري مخبطه بسبب عدم الاهتمام

السلام عليكم يا شباب هذا عيب مصنعي والسيارة عن واحد خويي الكامري من 2003 الى 2006 تبخر الزيت بسرعه ما يطوووول وبالذات في السفر تاكل الزيت اكل والله المستعان<<<زي ما قالو لك الشباب عيب مصنعي

لا ما لها حل لان هذا عيب مصنعي
الشكوى لله

او ممكن تكون صوفة العكس يبي لها تغيير والله اعلم

اخوي الظاهر غطى الزيت والله اعلم يبي له تغيير

طيب هذي المشكله مالها حل ؟

نقص الزيت طبيعي في الكامري
انا سيارتي تنقص زيت و خاصه في السفر والسبب ان الزيت يتبخر
وراح تحصل نفس كلامي موجود في كتالوج السياره