مشكله في الفورد2007

نواف البرقاوي @user_183736 · 15-09-2009

السلام عليكم ..

اسعد الله اوقاتكم جميعاً بكل خير

كل عام وانتم بخير ....

المشكله طول الله اعماركم بدت معي من قبل امس وهي::

معي فورد فكتوريا2007 وبصراحه انا محافظ عليه بس مدري منين طلعت لي هالمشكله

الموتر بدت تجيه تفتفه والتفتفه احياناً تبداء مع سرعة 80 واحياناً لا اول ماامشي

واذا طلعت تروح وترجع مره ثانيه .....

سألت واحد قالي يمكن البواجي وانا قبلها بااسبوع تقريباً مغسل المكينه بخار..

قالي اجل من الغسيل... انا بصراحه مارتحت رحت فريت الورش وكل ماجيت ورشه قالي 2007

ماعندنا كمبيوتر ورحت للوكيل عندنا اللي هو الملحم قابلت سعودي موضف في الورشه قالي التفتفه طبيعيه؟؟..غريبه

وشلون تفتفه وطبيعيه قالي رح الوكاله عندهم كمبيوتر رح ويضبطونك رحت للوكاله قالو لي اوك

بس تعال بعد العيد وش يصبرني لبعد العيد انا ماارتاح كذا.

وشرايكم انتم من اللي عنده خلفيه يعطيني الحل انا بصراحه عارض الموتر للبيع

وماابي ابيع وهو كذا بصلحه وببيعه

اللي عنده حل للمشكله لا يبخل علينا

علماً بإن الموتر سعودي

وله دعوه قبل الفطور ومع الفطور وبعد الفطور

وسلامتكم

نواف البرقاوي @user_183736 صاحب الموضوع · 28-09-2009

أ

أبو شوق

مبببببببببببببببببببببروك على حل المشكلة ولو إنك من البداية أقتنعت بنتيجة فحص الكمبيوتر كان وفرت عليك الشي الكثير والتوفير إللي أقصده مو التوفير المالي ، وإنما توفير الصحة والعافية طاف عليك العيد وإنت متنكد ومتضايق ومتكدر وهذا الكدر له آثار سلبية على صحتك وبذات الأعصاب. مرة ثانية كن أكثر حكمة في أتخاذ القرارات وأبدء تدريجياً من السهل والأرخص إلى الأصعب والأغلى.

مع خالص تحياتي:- أخوكم بو شوق

ابو شوق الله يطول لي بعمرك انا قلت خلاص بغيره بس قالي لحظه بشيك عليه ويوم شيك كل الكويلات سليمه
المره الثانيه هي اللي اكدت انا والله مقتنع بكلامكم وانه كويل حتى خوياي يقولون كويل حتى شايبي
بس اي واحد ماندري ويوم طلع في الكمبيوتر الثالث قلت حلو عرفته ويوم شيك وقال لا مافيه
رجعت للبدايه وكان لازم اسوي التشيك الثاني والحمدلله انحلت في الاخر..

الله يبارك فيك واشكرك على مرورك

abu-yara-1 @user_42810 · 28-09-2009

مبروووووووووووووووووووووك والله أني فرحت لك..
بس ليش تعاند من أول نقولك كويل ...
هههههههههههههههه ها تبيع السيارة والا هونت؟

أبو شوق @user_83062 · 28-09-2009

مبببببببببببببببببببببروك على حل المشكلة ولو إنك من البداية أقتنعت بنتيجة فحص الكمبيوتر كان وفرت عليك الشي الكثير والتوفير إللي أقصده مو التوفير المالي ، وإنما توفير الصحة والعافية طاف عليك العيد وإنت متنكد ومتضايق ومتكدر وهذا الكدر له آثار سلبية على صحتك وبذات الأعصاب. مرة ثانية كن أكثر حكمة في أتخاذ القرارات وأبدء تدريجياً من السهل والأرخص إلى الأصعب والأغلى.

مع خالص تحياتي:- أخوكم بو شوق

al7eran @user_44331 · 28-09-2009

متوقع من اول انها كويلات

زين انك عرفت الكويل الخربان وفحصها واحد فاهم

ووفرت فلوسك

نواف البرقاوي @user_183736 صاحب الموضوع · 28-09-2009

السلام عليكم...

أبشر بالتطورات

الحمدلله المشكله انحلت

المشكله كانت في الكويل رقم ثلاثه وتم تغيره والان الموتر مشاء الله زي اول واحلى

اول مره قلنا لكم طلعو ان الكويل الثالث فيه مشكله يوم فحصنا المكينه كمبيوتر بس بعد التشيك اليدوي اللي بعد الكمبيوتر من نفس المهندس طلع سليم:confused1:

هالمره شيك المكينه مره ثانيه وطلع نفس النتيجه الاولى وراح فك الكويل وغيره بكويل صاحي

وراحت التفتفه وبينت المشكله ان الكويل الثالث يبي له تغير وغيرته وضبط ولله الحمد والمنه

اشكر كل من ساهم في هالموضوع برد او اقتراح وتعاطف

شاكر ومقدر جهودكم وتواجدكم الدائم..

اخوكم نواف العتيبي

abu-yara-1 @user_42810 · 28-09-2009

يانواف الطقم اللي اقصدة ربلات الكويلات طقم 8 حبات قيمتها 100 ريال...هذا المقصود
اللي يقولك الحبه ب 150 هذي الكويل كامل تجي برضوه 8 حبات
انا مابيك تغير الكويل انا ابيك تغير الربل حق الكويل اللي يوصل من الكويل للبوجي يجي 8 ربلات مع السست حقتها ب 100 ريال امريكي تحصله عند العمري في صناعية العاصمة وياليت تعطينا التطورات ...

نواف البرقاوي @user_183736 صاحب الموضوع · 26-09-2009

السلام عليكم كيف الحال جميع

اول شي اشكركم جزيل الشكر على وقفتكم وتعاطفكم

وبالنسبه للاخ اللي بيغسل المكينه تكفى لاتغسلها عندي لك شي اطلق من الغسيل

انفخها بهواء وامسحها بمنشفه وفي بخاخ في الوكاله او اي محل صيانه مثل رد كاب

رشها فيه تطلع كانها وكاله انا جربته ومشاء الله طلعت تقول توني مطلع الموتر من الوكاله

واخوي اللي يقول عين تدري اني شكيت انه عين لان جوني اكثر من 8 اشخاص كلهم يبون الموتر
بس ماعطوني قيمه ورفضت ابيعه وبعضهم للان يدقون علي وكل يوم واحد يزيد 500 بس بعيد عن قيمة الموتر

وبالنسبه للكويلات يااخوان انا مشيت عليها تقريباً اربع مرات ومافيها شي حرام اغيرها

abu-yara-1 اخوي وشهو الطقم بـ100 انا سالت عنها في محل قالي الواحد بـ150 تقريباً وهي ثمانيه كم بتطلع والله غاليه

على العموم لاهنت على تعاطفكم والله يجزاك خير وان شاء الله بكلمك وان شاء الله تكون المشكله محلوله بس اسلم عليك
الموتر الان في ورشة رحت لها ليلة العيد وشيكت على المكينه كمبيوتر عنده رجعت له يوم الاربعاء الصبح وقالي خل الموتر هنا واشيك عليه كويس وتعال العصر وللحين مارحت له بروح له اليوم وان شاء الله لقى العله بكره اعلمكم بااخر التطورات

وللمره الثاني اشكركم جميع على وقفتكم وتعاطفكم والله لايحرمنا منكم

تحياتي لكم
اخوكم نواف العتيبي

Acoord06 @user_60757 · 25-09-2009

اخوي الدعوة كلها بالكويلات

غيرها وبتنتهي المشكلة

al7eran @user_44331 · 25-09-2009

تكمله 888

خل الكهربائي يطلع كل كويل ويشوفه ويتأكد عشان لاتخسر عالفاضي

الله يكون بعونك وتلقى السبب

al7eran @user_44331 · 25-09-2009

88888

نصيحه لاتغسل المكينه ابدا

اتوقع انك لو غيرت الكويلات كاملة راح تنتهي المشكلة

انا عندي فكتوريا جلست تتفتف سنه كامله (اول ماادعس عند اشاره تقطع وبين 60و80 كيلو)

غيرت كم كويل مانفع لانها غاليه كامله اغيرها وغيرت صفايه وبواجي ومدري ايش حتى ثلاجه المكينه غيرتها

ومتردد في تغير الكويلات كامله (اخاف اخسر عالفاضي ) :confused1: فوق خسارتي

ومره رحت عند واحد وقت فضاوه قالي اكيد كويلات لازم تغيرها كامله عندك تعبانه

قلت الله يعين وغيرتها كامله كل ابوها وامشي ماني مصدق اختفت التفتفه اللي لها سنه مزعجتني

ماني مصدق :bigggrin: ومشى الحال

كامري عاشقني @user_157892 · 25-09-2009

أنا بغسل مكينة الفورد عندي بس الله يستر من التفتفة تنصحني اغاسلها ولا ابطل وكم تغسيلها.

abu-yara-1 @user_42810 · 24-09-2009

ماعاد بقى الا هالحل ..
وقف السيارة في مكان مافيه نور ابد حتي يدك ماتقدر تشوفها وشغل السيارة وافتح الكبوت ركز نظرك على مكان الكويلات إحتمال كبير يكون في تسريب كهربا في جلده الكويلات راح تلاحظ شرار كهربا يطلع وانا من رايي مابقى الا هي غيرها الطقم كامل ب 100 ريال وتركيبها 50 ريال اذا ماظبطت دق علي خلني اشوفها تراني متحمس أحسها سيارتي أنقهرت بعرف علتها...
0551886644

lord50 @user_122193 · 24-09-2009

طيب اخووي مداامك على قولتك ماابقى فحص مااسويته ولا بقى حل مااجريته

يمكن وانا اقوول يمكن ان السيااره تكوون عااجبه احد تعرفه وصكهاا بعين تراا العين حق اقراا عليهاا ورش عليهاا مويه مقري فيهاا جرب انت وش خسراان

نواف البرقاوي @user_183736 صاحب الموضوع · 24-09-2009

a

abu-yara-1

طيب ودي اعرف وش الخساير اللي خسرتها وش غيرت بالظبط ...

غيرت بواجي وغيرت بطاريه وغيرت الكويل رقم 3 وفكيت قاعدة الدواسه ونظفتها

والباقي كله تشيكات كل يوم عند واحد وكل تشيك اقل شي خمسين

abu-yara-1 @user_42810 · 24-09-2009

طيب ودي اعرف وش الخساير اللي خسرتها وش غيرت بالظبط ...

نواف البرقاوي @user_183736 صاحب الموضوع · 23-09-2009

السلام عليكم...

آخر التطورات في موضوعنا..

الخساير وصلت 1300 ريال ولاحلينا المشكله

كل مارحت لواحد قالي الكويلات مافيه شي وتم تغير البنزين ومسينا الموتر خط

ولاتغير شي

وشرايكم اصفي البخاخ بس المشكله يقولون دام الموتر وهو واقف يتفتف مال البخاخ شغل

وبصراحه غالي تصفيت بخاخ بـ300 ريال <------مهيب مشكله بس المشكله مايحل المشكله

تدرون يااخوان انا طابت نفسي من الموتر

من يشتري ؟:a1120(82):

والله من جد دبل كبدي كل شوي يطلعون لي شي يقولون منه واروح لمحل متخصص ويشيك ويقول

مافيه شي..:confused1:

بديت احس ان الورش تتهرب مني كل واحد يقطني على الثاني هههههههههههه:c0214:

:wavey:

سكوود @user_89853 · 20-09-2009

لاتتوهق لا في الوكاله ولا في الورش
المسأله بسيطه:
روح لكهربائي جيد يعرف يفك الكويلات وخله ينفخها بالهواء نفخا جيدااااااااااا

وان شاء الله ان المشكله تروح
أنا مجربها قبل اسبوع (غسلت المكينه بالماء والصابون ثلاث مرات) وربك ستر لاني بغيت أروح فيها وان شاء الله ان انزل الموضوع هذا
بس ياشباب لاحد يغسل مكينة السياره ... هأنذا حذرتكم
لان سيارتي بغت تحترق

تابعونا ........ وفاااالكم طيب

نواف البرقاوي @user_183736 صاحب الموضوع · 20-09-2009

ياليت والله يطلع من الكويل انا ماعندي مشكله اغير الكويلات كلها

بس خوفك تكون الكويلات كلها سليمه
واصير كانك يابو زيد ماغزيت على ماقالو

مغير خساره

انا بغيت اغير الكويل رقم ثلاثه بس يوم شيكت قال لا مافيه شي

وبالنسبه للبواجي مغيرها 27 رمضان

يااليت والله تشوف وتعطيني الزبده

المشكله وانا اخوك والله اني محافظ عليه ومامشى الا 59 بس ماروح ولا اجي وماطلع من الاحساء الا 3 مرات الدمام مرتين ومنفذ البطحاء مره

انا بنتظر البنزين يخلص وبغير الي 95 وان شاء الله يكون فيه الحل

شاكر لك مرورك العطر

abu-yara-1 @user_42810 · 20-09-2009

أخوي الكمبيوتر تقول انه طلع الكويل رقم 3 وبعدين شيكت عليه طلع سليم خلاص دام الكمبيوتر قالك 3 غيره وريح ثاني شي نصيحة مجربه غير بنزينك الى 95 وياليت تفيدني تراني تحمست وودي انا اشوف سيارتك واعطيك الزبدة...