تجمع GMC

وربي أن ردودكم ياشباب > > >ردود أستهباليه ..


عيب والله عيب شباب ..


مايصير كذا...


الله يهديكم ..

فعلا داخل المدينة قلق وبيكون فيه نوع من الفوضى وغير كذا زحمه ودوريات
لكن لو نشوف لنا مكان حلو وهادئ حتى يكون فيه مناظر حلوه للتصوير

فكرة التجمع بحد ذاتها فكره جيدة

سيستفيد منها جميع المتواجدين من معرفة الرجال وتبادل الآراء و الخبرات

لكن بشرط ان تكون مرتبه وان يكون جميع الأعضاء بمستوى الثقة والمسؤلية

عزيزي انصحك ان يكون التجمع خارج المجمعات المدنية والسكنية

واحرص على عدم حصول مايشوب التجمع الهادي والمفيد
وكذلك مر على اقرب مركز للشرطة وخش على الضابط وبلغة بالتجمع وخذ من عنده تصريح

هذا والله يوفقكم ولاتنسونا بالصور

اللي اعرفه انه التجمع اللي داخل المدن ممنوع

لكن مايمنع انه يكون التجمع بعيد عن وسط المدينه حتى مايكون فيه مشاكل

يا شباب التجمع موضوعه كبيـــر .. وفيه مشاكل اذا صار غير منظم ..

اذكر قبل فترة سوينا تجمع .. وجتنا الشرطة وبهذلونا .. يعني الدعوة مو خلطة بيطه ..

وخصوصا في تركي الاول .. يعني الشارع شبها..

على العموم تراني معك .. ما عندي اي مشكلة .. والله يقويكم ..

يعني مصمم

:c0214:

مشكورين يالغالين

بس بنبه انا قروب ارفع جموس في الرياض يعني موشرط يجي الي جالس يتفلسف

مثل ما قال لك الوقدان

و انت توك جديد يعني ما احد بيعطيك اهتمام في مثل هذي المواضيع

انا ما اقدر اكتب موضوع مثل الي انت كتبته و لو لي نيه و ابي اجمع الشباب
اكيد اني برجع لواحد من كبار اعضاء المنتدى الي لهم تجارب في مثل هذا الموضوع
و بقوله ودنا نتجمع و كذا و هو الي يعلن عن التجمع و ينسق لان لهم خبره في مثل هذي الامور

و على قول المثل

( لو كل من جا و نجر ما ظل في الوادي شجر )

أول شيء..أهلا فيك معنا..
اتمنى في البداية تشترك بطلعات المنتدى وتتعرف على اعضاءه..خاصة ملاك الجمس والتاهو..
حتى يكون لك قاعدة ترتكز عليها في تنظيم الطلعات..
وبعدها تقدر تعلن وتنظم الطلعة باشتراك بقية الأعضاء..
رحلة الميل تبدأ بخطوة..
اشترك بتجمعات المنتدى الرسمية..
وبالتوفيق ..

اذا عزمتوا دقوا علي قصدي ارسلوا لي على الخاص

بس موب الظهر ولا نبي شوارع نبي طلعه << قام يتشرط


تحياتي واشواقي

الله يعينك يا ميمو قدحة

أول مشاركة وتتهزأ على طول ههههههههههها:smilie16:

بالله وش اقعد ازين الظهر فيذاك ؟؟؟؟