استفسار بخصوص هيدرولك الفكتوريا لاهنتم !!

حلو، بإذن الله بطبق الحركة وبالصور إن شاء الله قريب.

وش دعوة اخوي لا شكر على واجب ، عيوني لك

ابشركم تم حل المشكله بكل سهوله

الشكر لله ثم للاخ سامي المسافر وله الفضل بعد الله سبحانه وتعالى في معرفه الطريقه .

على فكره رحت لكل الورش المتخصصه في صيانة فورد وطلع ما عندهم سالفه وكلهم متفقين ان ما فيه وزنيه للهيدروليك وان مشكلتي من البالون .
بالاخير رحت لميكانيكي تركي اعرفه لايعرف شيء بالفورد وشرحت له المشكله وكلام اخوي المسافر وفعلاً نزل تحت السياره وطلب مني اطفيها وطلب مفكات وبعد دقيقه قال لي شغل , بعد التشغيل ارتفعت السياره بشكل ملحوظ لين وصلت لللاخير وصار ارتفاعها مو كويس , بعدين طلبت منه ينزلها شوي علشان تتساوى وفعلا نزل تحت السياره وحرك القطعه المؤشر عليها بالسهمين لليسار شوي بالوسط تقريباً وبعدين شغلت السياره وصارت متساويه .


الشرح : كما في الصوره فوق عمود الدوران امام الدفرنس من الاعلى ( يعني وجهك يكون بأتجاه خلف السياره اعلى ) راح تشوف مسطره مثبت فيها قطعه بمسامرين ومربوط بهذه القطعه ذراع اسود بطول 25 سم تقريبا مربوط في بودي السياره عند فيش كهرباء .
كل ما عليك ترخي القطعه من المسماريين وتحركها لليمين ( للرفع ) ولليسار ( للتنزيل ) وتشد البراغي وقبل هذا تفصل فيش الكهرباء .

الصوره تشرح

وكما ذكرت الفضل لله ثم الاخ سامي المسافر وجزاه الله خير واي استفسار انا حاضر

حلو، ودي انها تكون من المساعد ولا البلونة.

أخوي وين مكان فيش الحساس، لاني برفع مستوى الهيدروليك.

اخوي مشاري اذا كانت وحدة من الجهات نازلة في الغالب انه عندك المساعد منفقع خذ نظرة عليه اذا كان منفقع بتلقاه يهرب زيت او تلقاه رطب بينما الجهة الطبيعية بتلقاه عادي ما عليه زيت لانها صارت معي.
تحياتي،،،

الله يجزاكم خير وابي اعطيكم وش يصير معي ان شاء الله

ظنك إن حساس الارتفاع إذا غيرته بينفع لمثل حالتي، جهة طبيعية وجهة نازلة؟

اخوي مثل ما قالك الاخ سامي
المشكله من حساس الهايدروليك الموجود فوق الدفرنس مكانه بالضبط فوق المكان اللي يركب فيه العامود في الدفرنس بمجرد نزولك تحت السيارة رح تلاحظة قطعة شبه مربعة الشكل متثبت فيها ذارع صغير طوله تقريبا من 25الى 30 سم شكله مثل الاذرعة الموجوده في غطاء المحرك ( الكبوت )
انا معي نفس سيارتك 2003 كانت المشكلة انه اذا ارتفعت السيارة ما تنزل الا اذا رفعتها بالعفريته من جانب الراكب وهي شغاله واذا نزلت ما يشتغل الهايدرولك في اغلب الاحيان رحت لفني عندنا في المدينة عنده كل قطع السيارة اخذ ساعة وهو يحاول وكان يركب من القطع الي عندة ويجرب واتضح بالاخير انها من هذا الحساس المهم بعد ماركب الحساس الاي عنده ارتفعت السيارة وبعيدن قفلت الزر الي في الشنطه وثبت ارتفاع السيارة هذا الحساس سعره ما بين 150 الى 220 طبعا انا دروت عليه في محلات قطع الغيار ما لقيته بس قالوا انه موجود في الوكالة بس مارحت لهم

احاول اصور القطع اذا لقيت فرصه

اتمنى انك تستفيد من كلامي

ابشر بالفايده تقدر تغير النظام حقه من هيدرولك الي عادي مساعد عايدي رخيص وفكك من الهيدولك بسيط مره كنسله

اخوي ركب يايات كنديه ب250 ريال وراسيه بالمرة وريح راسك اول حاجه يبي له صيانه دوريه ومشاكله كثيرة صحيح هو حلو لكن سلبياته اكثر من ايجابياته نصيحة مجرب اليايات افضل اخسر 400 ريال ولاتخسر 1400 اذا تعطلت البالونات غير اذرعة البالونات غير الماطور والله شغلته شغله انا مااكرهك فيه لوكنت طريق الله لايقدر الشر يمكن ينزل فجاءة ولايرتفع هو مو ثقه بصراحه ومايبي حموله زايد واهم شي انك ماتوقف السيارة وهي بوضع ميول ع طول تضرب البالونات اذا نزل ماراح تقدر تحرك السيارة اذا خرب فيه شي من البدايه شيله قبل تخسروالله كل راح يمرمطك من ورشه لورشه وبالتوفيق.....

الهيدرولك على وضع اون اخوي منصور

شكرا لك

يعطيك العافيه سبورت 2004
شكلك انت والمسافر تتكلمون عن نفس الشيء ( الوزنيه ) وموتري استخدام طبعاً والنزول مو كثير لكن ملاحظ

ابي انتظر المسافر يصور لنا الحساس اللي يقول وابي اشوف المسمار اللي قلت بعد وبعدين اعطيكم النتيجه وربي يرزقكم على تفاعلكم ويجزاكم خير

ربي يسعد اخوي المسافر
ليت تحط صورة الحساس وربي يجزاك خير

اخوي موود العفو لا شكر على واجب ويعطيك الف عافية
وبالنسبة للصورة صورتها لكن ما طلعت واضحة والسبب ان المكان كان مظلم ، لكن ابشر باحاول اصورها مرة ثانية واذا طلعت واضحة نزلتها
في الخدمة طال عمرك

يمكن انك مطفي الهيدروليك الألي من الشنطة

أقول يا وحش أنا مجرب الشغله وشكل موترك زي موتري أستخدام ترا الاستخدام أغلب السبورت فيه يجيك نازل من ورا مو مثل السعودي لكن إذا تبي الحل هو أنك تروح لأقرب محل ميكانيكي وتقول ارفع الهيدروليك ترا يرفعه بالشكل الي تبي في 5 دقايق والطريقه هي ياخذ مفتاح تقريباً15 ويفر بلف تبع الهيدروليك فوق الدفرنس أو الدفرنش وبعد كذا يرتفع الموتر ويجيك ركزه لكن لتا ترفع زياده ترا يصير مومريح ولا راسي يعني خلها رقص زين والله يوفق الجميع لما يحب وريضا حن عند الطلب ياوحش

أخوي سامي المسافر ،، انا بصراحة التركي هذا ما اشتغلي سيارتي ،، لكن مرهـ رحت أشيـك ع الوزن والأذرعة بسيارتي وقعدت أسولف مـعه فلمست أنه فني متخصص بالشغلة هذي ،، وبيني وبينك سعرهـ مرهـ غالي ،، لكن أنا أذكرهـ بمشاركاتي بحكم أنه متخصص هدورليـك ،،

وليتك ياسامي ترفق لنا صورة عن مكان الحساس اللي نقدر نوزن منه الهيدورليك
ع القياس اللي نبيه بنفسنا ،،

وشكراً على النصيحه والتنويه غالينا ،،