السلام عليكم و رحمة الله وبركاته ...
شباب بصراحة انا من الناس اللي يحب يعدل عالسيارة و يزودها لزيادة قوة المحرك حالي حال الكثير من اعضاء المنتدى هذا !
والكل يعلم ان الاوريون سيارة قوية ومن افضل السيارات بفئتها بدون شك ........
طبعا المحرك هو 2gr-fe المحرك موجود بالسيارات هذي :
( camry - aurion - avalon - RAV4 - Lotus evora )
طبعا غير اللي مركبين المحرك على سيارة mr2
يعني محرك له شعبية كبيرة وفيه منتديات كثيرة تمدحه وقاعدين يطورون و يزودونه لكن على سيارة mr2
لكن للأسف السيارة لا يوجد فيها اهتمام كبير من قبل الشركات المزودة للمحركات رغم شعبية السيارة بالخليج و استراليا + من خلال زياراتي و بحثي بالمنتديات والمواقع وجدت ان كثير من الناس بامريكا و بريطانيا استبدلو محرك سياراتهم القديمة بمحرك الاوريون طبعا السيارات القديمة هي toyota mr2 موديل قديم شوي !
مع العلم ان اصحاب سيارة mr2 بمحرك الاوريون ( 2gr-fe ) قاعدين يطورون سوبر جارج حق سياراتهم على نفس محرك الاوريون لكن ما يركب على الاوريون لانه فيه اشياء كثيرة تختلف مثل القير اللي عندهم وكمبيوتر السيارة و مساحة الكبوت واشياء ماعرف فيها ... الخ
انا سألت اصحاب تطوير كت السوبر جارج وقالو راح يخلص بعد جم شهر وراح يوصل لقوة 400 حصان عالكفر ( التاير ) يعني قوة المحرك الاصلية راح تكون تقريبا = 460 حصان ! بدل 268 حصان الستوك !
طبعا صاحب التطوير راسلته وقال هو يبي يجرب اشياء كثيرة عالمحرك و يبي يشوف جم حصان يقدر يتحمل بدون لا يتم تغيير اجزاء المحرك الداخلية كثل ( كرنك - اذرع - بساتن ) ..الخ
خلاصة الموضوع يا شباب ان الشركات بعض الاحيان ما تهتم بتصنيع منتجاتها لبعض المحركات الا اذا يتم مراسلتهم عن طريق اكثر من شخص يوضح لهم ان هو يملك و مهتم بهذا المحرك وناطر كل شي جديد حقه عشان يشتريه !
يعني ليش ما نسوي نفس المنتديات الاجنبية و نراسل الشركات هذي عشان تهتم و تشتغل على محركات سيارتنا و يصنعون لها منتجات تزويد وتعديل مثل :
Intake Systems شوته او انتيك
Exhaust cat back قزوز = 10 - 20
Head Gaskets رؤوس قازقيت = يساعد بالتعديل بشكل كبير
Headers هدرز = من 15 - 30 حصان
Camshafts كام = من 20 - 60 حصان + RBM يكون عالي
Pulley Kits بكرات = 10 حصان
throttle body حلج الميكينة = 10 حصان
Clutch kits كلتش رياضي مع الفلاي ويل + ( يتحمل زيادة الاحصنة بعد التعديل )
turbo kit - tiw turbo kit
انا راسلت اكثر من شركة! وشركة borla قتلهم دام انكم صنعتو دبات حق الاوريون ليش ما سويتو كت باك كامل !
وضحتله ان الكل مهتم بالمحرك هذا وناطر كل شي جديد حقه وانا مستعد اثبت هالشي واخلي الكثير من ملاك الاوريون يراسلونكم ويثبتون اهتمامهم واجيبلكم زباين لول !
طبعا كان الرد منهم شكرا للاهتمام بمنتجاتنا و سيتم توجيه طلبي حق الجهات المختصه !
طبعا رد شركة AT Power اللي تصنح حلج المكينة وغيره
كان يقولي شكرا عالاهتمام بمنتجاتنا لكن الان نحن مشغولين باشياء كثيرة وتطوير الكثيرم ن المنتجات وقالي ممكن يكون محرك الاورويون 2gr-fe منهم اذا حسو فيه اهتمام كبير من الملاك !
وقالي ان شخص من الشركة كان يدش منتديات ويشوف مهتمين بمنتجاتهم حق هالمحرك ولا لا لقى ان ما شاف الاهتمام المطلوب لان منتجهم يعني 10 حصان تقريبا ( حلج المكينة )
10 حصان حلوه خاصة اذا كان سعر القطعة 250 دولار تقريبا !
وفي شركات للحين ما ردو علي !
ملاحظة : انا عندي علم بوجود دبات borla و كت باك TRD لكن الاثنين مو بالطموح !
واذا كان فيه اهتمام من اي شخص انا مستعد اعطيه ايميلات و مواقع اقوى الشركات العالمية : لمراسلتهم ... واللي يحب يسئل و يستفسر عن اي شي انا حاضر
******************** ملاحظة مهمة : ( كل ما زاد عدد المراسلين للشركات هذي راح تزيد فرص انتاجهم للقطع لمحرك الاوريون 2gr-fe ) <*****<*****<
يمكن ما راح يكون فيه اهتمام او الموضوع يغلق لكن حبيت احاول اشوف ارائكم واهتمامكم لان مافي شي يجي لي عندك دام الشركات غافلة و محد مشجعها على محرك الاوريون لازم احنا نهيجها ونلفت انتباه هالشركات عشان نوصل حق اللي نبيه !
انا طولت بموضوعي وادري لو كاتب قصة حياتي بتكون اقصر !
هذا الموضوع منزل في منتدى قريب حولنا يعني هههههههه حلوه (حولنا)واعجبتني فكره الموضوع وكنت باستفسر نفس الاستفسار هذا قلت انزله موضوع عشان اشوف ردكم اخواني وعلى قولت صاحب الموضوع الاصلي مو مهم ينحذف
