هل سترد التويوتا صفعة النيسان بأنزال 5.7 على اللاندكروزر

لا انا سمعت ان الباترول يغرر بالزفلت انتبهوا

لا و بعد يغرز لحد ياخذه :emot69:

يا شباب اللاند أفضل سيارة دفع رباعي لا يهمكم الباترول لا مواصفات ولا شكل ويهربد ويتفكك بسرعه من أول شهر
( ناوي على الباترول في المستقبل وأبي أصير متفرد بقيادتـــــه ولا أبي أحد يقلدني )
ههههههههههههههههههههه

كلامك سليم :)

بس كذا ماخلفتني الراي لان هونداي خدمتها نقص السيولة مع الناس وهذا لايعني انها مب سيارة
اساسا كل تغير له وقت طويل لين يتم والكوري جا وقته ...

والتاهو والجمس من يومها مع الناس والشكل الاخير انتشر بشكل كبير وهذا ياكد كلامي

لان هل السيارتين من سيارات العادات والتقاليد يعني منتشره مع الناس ...

والسيارة الجيده اكيد تفرض نفسها بالسوق لكن اذا ماصارت لها سمعه ودعم من المحيط القريب لك(اخوانك . اقربائك . اخوياك)ماراح تنتشر لو تكون افضل سيارة ...

اخوك / ابوخزيم :)

كل سياره تروح وترجع
شي طبيعي مافيها شي
تويوتا وقفت السيليكا ووقفت السوبرا ووقفت الكراون والكريسيدا والايكو والتيرسل والكرونا وسيارات عديده
ولايمنع انها ترجع مره ثانيه والافالون هذا ثاني موديل لها عندنا ومايمنع انها تتوقف في المستقبل وتجي غيرها وترد ترجع بعد سنين

وعلى فكره حنا نشوف المكسيما افخم من الافالون وارقى واكثر حداثه

ورجاءً لاتقيس كل شي ببلدك لأنه مو محور العالم

السموحه ولكن كلامك هذا موب مقياس

يالحبيب انا اقولك افالون


لاكن انت تقدر تجيبلي من شركة هوندا او نيسان ابو اقطعني سيارة فخمة خخخخخخخخخ مافيه
وكل ماجابو سيارة قطعوها ماكسيما وقفت كم سنة والتيما غلوريا 200 ال قديم اخيرا باترول وفجاة اهمال الصني اللي كانت تقارن بالكورلا يقفوها سوقها تعبان ولا ياخذو اجازةوناهيك عن قطع غيار ماتستاهل نااار
وتعال عالهوندا وقفت الليجند وقطع غيار نا طلع شركة يابانية موجدة لقطع الغيار والسيارات بجميع فئاتها غير تويوتا ولا نحاول نفتش فعيوب تايوتا وتنسى المميزات تويوتا لولا الازمة كانت كل الشركات اكلت هوا عامين عالتوالي اكثر مبيعا في العالم للسيارات وفوق كل هالازمات محد قادر يستفيد
اتمنى اسمع انو شركة اكلت الجو على تويوتا الهونداي بدات وانشاء الله تستمر المنافسة لصالحنا تحياتي

الاندكروزر اوزانه مختلفة على حسب التجهيزات اللي تجي فيه لتعدد انواعه...

الكروزر 2007 وتحت 8 سلندر 2460 كيلو...والوزن اعلى للي يجي مجهز باستبنتين وونش...لكن مادري كم وزنه بالضبط..

بالعكس الباترول اثقل من اللاندكروزر
الباترول الجديد 2785 كيلو غرام مقابل 2718 كيلوغرام للاندكروزر
و الباترول القديم و زنه 2355 كيلو غرام مقابل 2230 للاندكروزر
و مع هذا كان الباترول القديم يتفوق على اللاندكروزر في الرمال

اللي اعرفه ان الباترول اخف من اللاند كروزر
وتسلم يا كروسوفر

وشو بيسوي يعني؟
محرك 5.7 لتر تبع التايوت لاقوه ولاعزم افضل من محرك 5.6 تبع النيسان

انا ماحتكلم عن قوة المحرك الي يوصلنا في اللكزس 362 حصان
لا خلني اتكلم عن قوته في امريكا

محرك الباتــــــرول 5.6 لتر والقوة المستخرجه 400 حصان والعزم 413 باوند-قدم
محرك اللـــــــكزس 5.7 لتر والقوة المستخرجه 383 حصان والعزم 405 باوند-قدم
محرك اللاندكروزر 5.7 لتر والقوة المستخرجة 381 حصان والعزم 401 باوند-قدم

في كل الاحوال محرك الباترول اكثر قوه وعزم بالرغم انه اصغر وعلى سياره اثقل

ايه هين تويوتا تنزله بمحرك امريكا

وش خانة الليكزس لو كان المحرك نفس المحرك

لو ما نزل مكينة 5.7 راح يتأثر سوقه بقوة
و لو نزلها و الله و لا اطلق باترول ما يجي جنبه شي

السموحة ياشباب... متى خبرنا تويوتا تنافس نيسان في المحركات من السكايلاين مرورا بالزداكس الى المكسيما والالتيما الجديدة ناهيك عن الانفينيتي :a120(115): التويوتا باختصار سيارة لا تندم انك اشتريتها والسبب ان الناس يثنون على اختيارك :xyxthumbs: لكن في الوقت نفسه اتحدى اي منصف يملك تويوتا يقول لنا انه يستمتع بها :confused1: ببساطة تويوتا تفتقد التفرد بميزة جوهرية .. تأدية عالية.. قدرة على المناورة .. تصميم ثوري.. أمان.. اللي يعرف سيارة وحدة من تويوتا فيها ميزة واحدة فقط من اللي ذكرت الله لايهينه يقول لنا:rolleyes1: لكن نيسان اجمالا باستثناء بعض الاخفاقات .. الحقيقة سيارات مهضومة ومرباييه وماشاء الله حولها وبنت عيله وناس:smile: افا بديت اخور..... الوكاد السيارة اللي ماتبرد التسبد لاتزهي لك :xyxwave:

:c0214: الزبدة، توتو سوف تكون في خبر كان لمدة سنتان أو ثلاث وبعدها سوف ترجع للمنافسة وبقوة رهيبة والعلم عند الله !!!!!!!!!!!!!!!!!!!!!!!!!!!!.

اللاند كروزر وله عشاقه , والباترول وله عشاقه وكل سيارة ولها عشاقها

وأتوقع سواء تويوتا زودت قوة المحرك أم تركته مثل ماهو مارح يتغير شيء

ومشكور على الموضوع

والله انك صادز

شعبنا ماعنده الا سياسه قطع والتقليد وشيك بالجيب

اللهم عافهم ولا تبلانا

هع

اسمح لي اخالفك في رأيك ...

بنظرة سريعة على السيارات اللي تشوفها كل يوم في مدينة الرياض على سبيل المثال...

انتشار كبير لشركة هونداي...والجمس والتاهو...

هذا وش يدل عليه؟؟

ان القناعة الشخصية تتغير مع الوقت ...لكن التغيير يأخذ وقت طويل...خصوصا في مسألة السيارات

السيارة الجيدة تفرض نفسها على السوق ... ولا تستطيع الجزم ببقاء سيارة او انتهاء اخرى

ياجماعه دايما لا صرنا نتكلم عن المنافسه بين شركات السيارات لا تجيبون طاري الاسواق الخليجيه بشكل عام والسوق السعودي بشكل خاص . السبب؟

سوق معتمد على العادات والتقاليد.. يعني وش يشترون الناس نشتري معهم (سياسة القطيع)<< لا اقصد الاهانه بهل السياسه لكنها واقع..

والي مايركبونه الناس نقول( ووووين تبيني اركب السيارة الفلانيه انت صاحي)

رغم ان السيارة الفلانيه قد تكون افضل ...

نجي لموضوع الاند كروزر والباترول واعتمادا على كلامي السابق

يبطي عظم الباترول يغطي على الاند كروزر مب نقص بالباترول ولازود بالاند كلهم مواتر ماعليها كلام بس السوق والناس تحكم ...

الواقع الحالي ان الباترول افضل وارخص لكن تعال بعد سنه وقيم الوضع بتلقا ان مبيعات اللاند ماتغيرت او تغيرت بشكل بسيط.. وهذا ياكد كلامي .. ان السوق الخليجي والسعودي
خارج الحسابات المنطقيه لمنافسة السيارات بالعالم ...


اخوكم / ابوخزيم :)