السلام عليكم ورحمة الله وبركاته
صبحكم / مساكم الله بالخير اما بعد
هذا موضع حبيت اكتبه واوضح للخوان وشهو الذيب ونا كتبت ذا الموضوع رد على موضوع اخي
ابو انس ونا يوم كتبته موضوع منفصل لنه فيه توضيح اكثر وصور ولئن في موضوع ابو انس كثرة المشاركات وحبيت انفرد فيه بموضوع كامل .
والحين اقولوكم الي قبله ضعيف لا يدخل في الليل ولا يقرا الموضوع ااساسا فيه صور ذياب وصور جن وقصص واقعيه وحقيقيه .
اولا الذيب معروف في الجزيره كلها بقوته ونشاطه وسرعته وشراسته
وذيب وفي لبعد الحدوود والقصص اللي بكتبهاا سامعها من جدي الله يرحمه وهو مامات الى وهو معمر وصل عمره 142 سنه في الحقيقه ولا في الوراق مكتوب عمره 135 سنه منقصينه 7 سنوات الله يرحمه ويرحم اموات المسلمين
المهم الذيب ياكل الجن
وهذا معروف 100% وكلن يعرفه والذيب لادخل على الغنم يقعد يدور السمين منها يجي عند ذنبها ويرفعه بخشمه ويشوف هي سمينه ولا لا ولا يتنقى الى اسمن الغنم
وزينهن وذا اعجبته يقوم ويعض رقبتها يذبحها وذا ماتت قام ورفعها على ظهره ونحاش فيها
يعني ابعد عن الناس وقعد ياكلها وهذا معرووف والذيب اذا كان بيهجم على رجال اول ماميسك رقبته يذكيه ذكاه ولا قد سمعت ان ذيب نط على رجال من ظهره الذيب يواجه الرجال وينقز على رقبتة بعكس الحصني الثعلب يعني
فان الثعلب قليل مايجي عند الناس الى اذا كان مسعور فو لايخاف من الناس ويجي لين يوصل عندهم ويهجم عليهم لا كن لايمسك الرجال مع رقبته ينقز بسرعه على خصيتيه والحرمه ينقز على صدرها وهذا معروف والحصني خاين الى ابعد حدود وعندك الرياجيل اذا كرهو احد سموه الحصني لئنه يخون وكثير يهجم على ظهر الرجال مايوجهه الى اذا احتار في امره وذا وجهه قطع الرجال لعب في حسبته يعني الله يكفينا شره المهم ارجع على موضوعنا الذيب ومن القصص الي سمعتها من حيات جدي يقول كان عنده اكرمك الله كلب للغنم والكلب ذا دايمن كسلان ولا ينبح ودايمن نايم وتجي لجدي ذيك االعجوز قال كلبك علامه قال والله مدري عنه قالت والله ليله بس وحده لخليه يناطح الذياب قال خوذيه قالت بكره برجعه وهي تاخذه وتربطه عند ضلع بعيد شوي عن الناس وتربط عنده طلي عمره 6 شهور علشان يجذب الذياب المهم يوم جاء نص الليل وتهجم الذياب على الطلي وتاكله وتمسك الكلب وتضارب معه ويتمشخ الكلب ويطلع دمانه ويوم اصبحو وتروح العجوز للكلب وتلقاه طايح ودمانه يوم قربت من عنده هو يقوم وينبح ويصير قوي قالت هذا دواك ياحجلان
وتمسك بحبله وتوديه لجدي ويقول جدي من بعده الليل مااعاد ينام بس يدوور على الغنم وعلى البيوت وكل يوم ذابحله ياكلب ياحصني وفي يوم هجدتهم ذيابه ويقوم الكلب وينبح ويهد على الذيابه وضرب وضريب ويقوم جدي وياخذ البندق ويرمي رمى في السما وتهج الذيابه ويقوم الكلب من الشجاعه ويلحقها ويوم ابعدو وتلتفت عليه الذيابه وتذبحه المهم يوم جاء الصبح قام جدي دور الكلب مالقاه ويتبع جرة الذيابه وهو يشوف االكلب ميت مقطعينه قطع وراح وخلوه ماكلوه سبحان الله وهذا معروف الي عنده كلب اكرمك الله يوديه عند ذياب ومن بعدها يصير قوي
والذيب ياكل الجن
يقول جدي اذا اصبحنا نلقا جرة الذيب وهو يدور على الجني والذيب ينبث الارض يشفون جرته ومرات يقول نلقى دم وهذا معروف سبحان الله
والذيب يقول جدي الله يرحمه اذ بغيت ترميه ارمه ونتبه تصيبه ولا يموت ولا ماتجيه الطلقه يعني توقع تحته ولا جنبه تراه بيرجعلك وهذا معروف لازم تذبحه ولا ذبحك ويقول مره قاعد يتمشى في ضلعان عندهم وهو يشوف ذاك الذيب وهو يرميه وهي تجي تحته ويقوم الذيب وينصى جدي وجدي ينحاش ويدخل في غار وهو يعشق البندق ويوم دخل عليه الذيب وهو يرميه في وجهه وهو يموت
ويدفه جدي ويروح لهله ويعلمه بالقصه وهذا معروف الذيب اذا بغيت تذبحه ارمه رميه وحده وتكون رميه قاضيه لئن الذيب بيرجع لك لا محاله
ويقول جدي الله يرحمه ان ماخاف طولة حياته الى من شي واحد وهو الشيب
وهذا صايدينه شباب وهو جرو يعني توه صغير
وهذا وجهه الاملط
ويوجد له عدت الوان منها الابيض
هذي جرته
الشيب هو اكبر من الذيب العادي يعني طوله مرتين وعرضه مرتين وهو حيوان نادر جدا جدا جدا
مايلقى الى قليل ويشتهر بضخامته وطول انيابه يجيي طول الناب طول الصبع السبابه وهذا بعد قصير فيه اطول منه وهو حيوان تهجيني يعني ابوه ذيب ومه ضبعه
ونتج ذا الحيوان النادر وهو عملاق بمعنى الكلمه ويقول جدي انه قد شافه وسرعته مثل البرق في لمح البصر انه قاطع ميات االامتار
والي يشوفه اول ماطيح عينه على شعره وهو منحاش شعره يقول يطير من السرعه ونادر ماتلقى في وجهه شعر وجهه املط يروع بمعنى الكلمه ولا اكله اذا نصى الغنم يذبح عشر الى عشرين
شاه نصهن ياكلهن ونص الثاني يخليه والأكله المفضله له هي الحيران حيران الابل يعني صغار الأبل من شهر الى 5 شهور
يذبحه ويشيله على ظهره ويروح بعيد وياكله والله من النشاط فيه يرفع حاشي على ظهره ويروح فيه ميات الامتار وذا مالقى حيران راح لنياق
يقول جدي انه شايفه يلحق له ناقه لين تعبت الناقه ووقفت وهو يجي قدامها وينقز على وهجها ويمسكها مع خشمها وسبلتها
ويطرحها ويذبحها وياكلها سبحان الله
ايه قبل مانسى تحذير تحذير تحذير تحذير تحذير تحذير تحذير تحذير تحذير تحذير تحذير تحذير
تحذير تحذير تحذير تحذير تحذير تحذير تحذير تحذير تحذير تحذير تحذير تحذير تحذير تحذير
تحذير
تحذير
تحذير
تحذير
تحذير
تحذير
تحذير
يااخواني يالي تحبون طلعات البر الحين انتشرت الحيوانات المفترسه ومنها الذيب وبكثره
لئن الصيد قله ماعاد هو مثل اول يعني اخر مجزره للحيوانت المفترسه قبل عشر الى 15 سنه
وذالك هو اعطى الحيوانات فرصه لتتكاثر وبكثره اليوم وكل يوم نسمع بذيب هجم على غنم كل يوم صرنا نسمع والذيابه انتشرت وشوهدت كثيرا من الناس ونا قسم بالله الي كل شوي اشوفها التفه
القط البري كثر ولا الحصانيه مثل النمل في كل مكان تلقالك حصني والجبال يوجد فيها ذيابه وبكثره
يعني تكفون الي خايفن على نفسه لايطلع مره وحده وذا بغى يطلع يروح في رقة متساويه لاحوله لا ضلعان ولا شي وياخذ معه سلاح ولا يروح لحاله يروحون جماعات وذا كان بيمرحون يجيب حطب ويولع فيه قدام خيمتهم ويخليها تشب لين الصبح علشان تبعد الحيوانات عنهم والمصيبه االكبرا اانه
شوهد الشيب وذالك دليل على ان فيه ضباع وبكثره بعد ونا بريت ذمتي اللهم اني بلغت الله انك تشهد والسلام عليكم ورحمة الله وبركاته
