محتار بين يوكون دينالي 2010 او gxr v8 -2010

ودي تتاكد من معلوماتك الله يبارك فيك المثبت في كل انواع الgxr...
فئة g الي مايجي فيها مثبت

هي المسأله ربما ليست تعصب عندما يأخذ موضوعٍ ما منحاً اخر لكن عنوان الموضوع غريب ولا يوجد شي يدعو للحيره بل لايوجد من اوجه الشبه شي لصالح الــgxr كيف تقارن سياره قوة محركها 441حصان لـ281حصان بل لايوجد مثبت سرعه بــgxrإلا بأعلى فئه ,لكن هي مسألة اذواق لو واحد خش مزاجه مثلاً برادو راح يفضله على vxr ولاراح يقتنع اما مسألة السعر ليسى بالضروره من يمسك سعره هو الأفضل السر بذلك هي تسجيل زيادة اسعاره كل سنه واحتكار الوكيل له ,اما الأمريكي له عدة وكالات والباب مفتوح على مصراعيه للأستيراد لو رحت للصالات تجد الأمركي بكثره ولاتجد ياباني واحد ومع هذا الأمريكي نتمنا انه ينزل لكن لم يحصل هذا الأمر بل الصالات غاليه ,,

بالتوفيق للجميع..

إّذا تبى نصيحتي خذلك دينالي اريح واقوى وفالسلامة افضل من اللاند بس حق البر مايصلح غير إذا نزعت الواقي الي يجي اسفل البنفر

يا شباب الرجال قارن السيارتين لان سعرهم متقارب مو لانهم بنفس المواصفات و بالفعل مواصفات الدينالي تقارن باللفيكسر فل
اللكزس لا يقارن معاه الا السكاليد و اتركو الردود التعصبيه ترا الدعوه فيها فلوس و شريه حرام تعطون اراء تلعب بحسبة الرجال عشان غرور شخصي و لو احلف انه لو احد فيكم دافع ريال بالسالفه كان عدل رايه

المقارنة غير منصفة أبداً للدينالي !

الدينالي يقارن باللكزس lx570 !

مو GXR !

مع احترامي طبعاً ..

كل الردود الي قريتها هنا مجرد ردود تعصبيه لا اكثر او اقل الا رد او ردين فقط

اخوي انا لا عندي لا دينالي و لا لاند و لا لي مصلحه امدحلك واحد فيهم بس بقولك نقاط مهمه

بالنسبه لمسك السعر : الدينالي يططيح بمعدل اول سنه 20 الف و ثاني سنه 10 و هكذا
اللاند اول سنه 5 الاف سنويا تقريبا يعني لا تتوقع انك بتبيعه بعد خمس سنوات بنفس سعره بس فرق بين نزول السعر مع الدينالي لصالح اللاند

بالنسبه للمواصفات : بدون اي مقارنه الدينالي يسبق اللاند بمراحل في هذه النقطه من ناحية المواصفات او الرفاهيه الداخليه و الفخامه يعني الدينالي بكل بساطه مواصفات تدلعك و تحسسك انك دافع مبلغ و قدره بسياره

بالنسبه للرساوه : كل السيارتين رساوتهم ممتازه جدا مع ان العزل في اللاند افضل من الدينالي بفارق بسيط لكن زي ما ذكرو الشباب دركسون الدينالي خفيف و هذا عند كل الجموس و هو عيب عند البعض و البعض يحب الشي يعني انت و راحتك تبي طاره ثقيله خذلك لاند او العكس تاخذلك دينالي

الصرفيه و هي اهم نقطه بالنسبه للمشتري خصوصا انك ناوي تطول السياره معاك
بالنسبه للاند يعيش و لا يطلب و هذا شي معروف من الازل و على فكرة كلما قلة التقنيه بالسياره يزيد معها عمرها
اما الدينالي فهو زي اي سياره امريكيه ممكن تعاني من مشاكل الحراره و ممكن تعاني من مشاكل كهرب لكن لو بتسوي الصيانه الدوريه ما راح تعاني منها بس ملاحظه هل تقدر تدفع لهم كل 10 الاف كيلو مبالغ كبيره و تصل احيانا الى 5000 ريال في حال تغيير مساعدات او غيره و هذا اكيد بيصيرلك لو السياره بتجلس معاك 5 سنوات
و الي يقولك افتح الضمان بدفع مبلغ الفين او الف ريال .. ترا هذا فتح مشروط بالصيانه يعني لو سحبت على الصيانه بتخسر ضمانك يعني هم مستفيدين كذا كذا و بتجيهم الوفات منك

الخلاصه :

فخامه ... كل السيارتين فخمات بكل بساطه
مواصفات ... دينالي
جودة .... لاند
مسك السعر ... لاند
قطع غيار و توفرها ... لاند

تبيها حقت كرف خذ لاند ... تبيها حقت مواصفات و تدلع عمرك خذلك دينالي مع ضريبة الصيانه و سقوط السعر عند البيع

من ناحيتي توكل على الله وخذ لك دينالي او على كلام الشباب تاهو
احسن لك من اللاند كروزر
اللاندكروزر احسب له سنتين وتعال شوفه يبيله تربيط
والدينالي بسم الله ماشاءالله
ولاتنسى تستخير الله

هاي مساك الله بالخير ضحكتني ياهي ,,, انت عكست الكلام الا يبيله تربيط بعد سنتين الدينالي وليس اللاند كروزر فالجميع يعرف جودة اللاند ولا يختلف عليها اثنين ,, فاللاند سيارة عريقة جربت الكثير من السيارات ولم اجد سيارة يعتمد عليها مثل اللاند ,, التربيط ليس للاندكروزر !!!!

شوف اخوي انا انصحك فيها من ناحية الفخامة والشكل الخارجي الدينااااالي طبعا
وما انكررر مواصفاتها وقوووتها طبعا


اما اللندكروزر بعد من داااااخل فخمه خصوصا اذا جاتك الفل سعرها 250 الف ريال تو اخوي شاريها وماشاء الله جدا حلوووه ولما انا جربتها كانت اريح من الدنالي او الجمس بشكل عام بالاخص وانت ورى الدركسون تشوووف الشارع كله عدل ! وهذا الشي ماشفته باللجمس ! وشكرا


فأنصحك انا بالـلاند واذا ع الفخامه الخارجية هي زينه ماعليها بعد

وما تحس انها كبيره تحس جد انك متمكن فيها :)


وتقبل مروري وانا اختك :)

يوكن دينالي

واتوكل

واستخير الاستخارة الاستخارة



تحياتي

NE_DO

ليش اي عصر عمره والدينالي ازين من الفي اكس ار ؟؟؟؟؟؟؟؟؟؟؟؟

يوكن دينالي 2010 × جي إكس آر V8 2010

انت تقارن في الأفضل عملانية و مسك السعر


وكأنك تقول ماهو الأفضل إستخدام داخل المدينة
عدم الصرف و الأصغر حجما


لان الجي إكس آر عملي أكثر من الفي إكس آر وهما لاندكروزر

فمن الطبيعي أن يكون أكثر عملانية من الجي إم سي - يوكن دينالي
وراح يمسك سعره اكثر من الدينالي


أما الأكبر حجما و الأكثر فخامة و تجهيز و قوه في الطريق
فبالتأكيد وبلا منازع يوكن دينالي 2010

و أنا أصوت للاندكروزر جي إكس آر
عملي أكثر و يمسك سعره أكثر

ياخوي خذها مني
خذ التيوتا وانت مغمض ولو تقدر تعصر عمرك و تاخذ VXR اصرفلك و تحس بالفرق بين الجي اكس ار و الفكسر ترى فرق السماء عن الارض سيارة بدون دبل بتقارنها بسيارة بدبل و قمة القوة و التماسك
عندي يوكن SLT2 جنوط 20 نزلتين للبر سمعت صوت طقه مع كل لفه يمين غيرت جلده و ركبه
و لا استفدت شيء في الاخير شريت FJ عشان البر لو ماخذ فيكسر افضلي

انا ما اقول لك الا انك تاخذ الدينالي وانت مغمظ

انا قرأت كل الردود ... مافي رد استفزني قد هالرد ..... اجل اللاند يبيله تربيط بعد سنتين والدينالي بسم الله عليه مايبيله شي ..

الله يشفيك


المهم الردود فيها تعصب غريب ... وصل الى ان الدينالي .. واتوقع اللي قال هالكلمه ماعمره ركب لكزس بحياته .. وماركب لاند في اكس فل برضو لمن يقول الدينالي افخم من اللكزس حتى
ماعندك سالفه برضو

بالنسبه للدينالي والجي اكس 8 سلندر ... الدينالي افخم طبعا ومواصفات اكثر وسعر متقارب

لكن انت ذكرت شرطين خلت صوتي للاند .... قلت 5 سنوات اعتماديه وسعر ثابت ... هذا الشي ابدا مايركب على الدينالي ... وهذا اسااس اللاند واسباب انتشاره


والله يكتبلك اللي فيه الخير ان شاء الله

مقارنة الدينالي مع اللاندكروزر تشبة مقارنة ملكة جمال مع لاعبة التنس الامريكية الافريقية الاصل سيرينا ويليمز.

اجل gxr

والله حرام اني اقارن بين دينالي ولاند بجميع فئاته حتى اللكزس مايتقارن معه

الدينالي اوسع من الداخل والضخامه الخارجيه تدل على هيبته

الدينالي فيه 8 إيرباقات اكياس هوائية

و الجي اكي آر فيه 2 إيرباق فقط فقط فقط