السبت 27 يونيو 2026
عاجل

محتار بين يوكون دينالي 2010 او gxr v8 -2010

ارشيف الاستفسارات مغلق
114 رد 28,914 مشاهدة 86 مشارك الأقدم أولاً
m
mr.nawaf @user_146286 · 17-04-2010
دينالي ما يتقارن بال جي اكس ار


انصحك بالدينالي


تقبل شكر وتقدير اخوكم { mr.nawaf }
ا
الوسم 2010 @user_206196 · 17-04-2010
الدينالي افضل بمراحل

اللاند مافيه ميزه غير انه يمسك سعره
D
D E N A L I @user_207613 ..:: TAHOE//YUKON GRP. MEMBER ::.. · 17-04-2010
انا رديت على بالي انك تبي ... VX-R وطلع تبي GX-R

للامـــــــــــانة الدينالي حرام تقارنة بالجي اكس ار ... الدينالي وين وهذا وين ..!
ا
الثاني 121 @user_176306 · 17-04-2010
بلا دينالي بلا لاند بلا خرابيط


رح خذ تاهو من معارض النسيم بـ128 الف ريال((الفلاح)) تاهو قصير دبل
اذا تبية من الوكالة يكون اغلى شوي
مواصفاته:
كاميرا خلفية مثبت سرعه تحكم دركسون يو اس بي في المسجل تقريبا بمواصفات الجكسار

وفرق السعر اللي بين التاهو وبين اللاند تاخذ به سيارة سيدان للمدينة وللمشاوير

وش رايك في الأقتراح
D
D E N A L I @user_207613 ..:: TAHOE//YUKON GRP. MEMBER ::.. · 17-04-2010
بســـــــم الله الرحمن الرحيم
والصلاة والسلام عالنبي الكريم

مادامك تبي الشور فأنا املك السيارتين وكلهم موديل واحد الحقيقة استخدامي ليس بحشمة مع السيارتين يعني كادهم كد الدينالي طلعته من التوكيلات ومشوار بسيط ورشيت وجهه بتغبيرة واليوم الثاني ابها مكة رايح جاي انا والاهل اعتمرنا ورجعنا
.. ونفس الشي تقريبا حصل مع الجيب بس كان بعد تمرين .

ملاحظاتي ان الدينــالي ماشاء الله ماينقصه شي حتى البر حولته القير عالعايدي ماردني
شي ويعطي تسارع بمسافة قصيره يعني مايحرجك ابدا ... بس فيه ملاحظة ان العزل مو ذاك بسيارة تعتبر VIP في فئتها ... ولا الباقي يهون عزم ولا اروع شكل ولا احلى تسارع مايوصف مع ان وزنه ثقيل لكن مكينته جبارة .. رساوة جيدة جدا .

الجيب بصراحة مميز باشياء كثير (VX-R) لكن سعره فووق عشان كذا تشوفني مادخلته البر كثير خوفا على صحته هههههههه .. من الداخل ضيق حبتين التخشيب غامق مكينته بالنسبة لوزنه اشوووفها ضعيفة وانت تعرف مايجي الااوتو فالعزم لك عليه النظام السمعي مابيعجبك اذا جربت الصوت المحيطي بالدينالي .

اخيرا ماينقص الاخر تجده بالثاني ... يعني لو دبل الجيب بالدينالي او مكينة واقزوز الدينالي بالجيب كان ياسلااااااااااااااااام.

تبي الشور ..! خذ اللي يريحك ماعليك من الناس انا اخذت الجيب عالسمعه وهذا هو بالبايكة مادقيت سلفة من شهرين بعد وصول الدينالي اكشخ مع العالم وربك بيحلها .
C
Cefiro @user_19734 · 17-04-2010
حسب استخدامك
اذا كنت راعي بر اللاند وبس
واذا طلعاتك للبر نادرة خذ دينالي
أ
أبو دانه @user_193365 ..:: TAHOE//YUKON GRP. MEMBER ::.. · 17-04-2010
DENALI

مهب ميول لـ GM
لكن كل شي فيه ممتاز
ولا تنسى الفخامة وراح يصبر معك المدة الي تبغاها ،
ويكفيك أنه GMC
[ عجبتك يا لحن المشاعر صح :bigggrin: ]
لا تنسى الأستخارة بعد الأستشارة !
ا
ابوجنوط @user_117104 · 17-04-2010
اول شي

السلام عليكم

والله انا ياخوي عندي دينالي 2008 ماشاء الله تبارك الله

راحة وقوه وشكل جذاب وشاشة وخريطة والان 2009 او 2010 مسوين علية عرض 160 الف ريال

اما اللاند كروزر غالي ولا فيه المميزات اللي تسوى سعرة

يعني لا المكينة ولا شي والسعر يفوق 185 الف ريال

غير كذا انت عارف اللاند كرورزر حقنا في السعودية صناعة عبد اللطيف جميل

يعني الاسطبات والمقاعد وكل شي هو صانع القطع ومركبة ويبيع الاصلي قطع غيار


فانا انصحك بالدينالي

والسلام عليكم ورحمة الله وبركاته
ل
لحن المشاعر @user_126547 · 17-04-2010
والله باين من النك تبعك , تميل لتويوتا

وحتى من كلامك تحس واحد يقصد تويوتا

ع العموم , فرق السما عن الارض بالسيارتين وكله لصالح الدنيالي

بس الفي اكس ار له حبه عند الشعب السعودي على وش مدري ( ودي بجواب )

ولايهون الدينالي

ع العموم بالتوفيق واهم شي الاستخاره .
أ
أبو ماجد البشري @user_109566 · 17-04-2010
لايوجد مقارنه بين الدينالي ول جي اكس ار من ناحيت المواصفات الدينا لي اقوى وافخم بالتأكيد مع العلم ان الموديلات الحديثه من تويوتا اقل صلابه من الأول ,,
a
aljantl @user_218571 · 17-04-2010
الدينالي فيه عرض عند الجميح 2009 السعر 164 الف

جي اكس ار .. انا باذن الله راح اشتري واحد هاليومين لسا الاجراءت ما انتهت 2010

بريمي من البازعي 214 الف (فتحه -دي في دي -نفيقيشن-هزاز-زينون)

بالنسبه للراحه معروف الامريكي اريح نسبيا
اللاند يعني مريح ماعدا المطبات

الدبل في الدينالي اتوماتيك مافيه تحكم

اللاند سعره منه وفيه


عموما اذا انت امورك الماديه جيده وبعد 5 سنين ما يهمك في البيع خذ دينالي

اذا العكس وتبي سعر خذ اللاند
ل
لحظه صمت @user_145978 · 17-04-2010
انا ارشح اللند بحكم انه يمسك سعره والاستخدام للبر واكثر اعتماديه


لكن الدينالي افضل بالمحرك والفخامه لكن ما يصلح للبر


فيه عرض على الدينالي 2009

ب 164 الف

قريته بالجريده واشوف انه سعره رخيص
~
~ ســ ع ــــد ~ @user_141067 · 17-04-2010
انا جربت الدينالي..بصراحه سواقه الجي اكس اريح (بالنسبه لي طبعا) وتحس الدركسون ثقيل وثابت..الدينالي طبعا اشهر من نار على علم..طبعا بس يمسك سعره انسى..

طبعا السيارتين كلهم اعتماديتهم ولا احلى..

بس لما تتكلم عن الدفع الرباعي اتوقع اللانكروزر بيكون اختيار موفق..مع العلم ان مكينه الدينالي اقوى..بس عدم وجود دبل تتحكم فيه انت هذي النقطه اللي تخليني اميل للاندكروزر

f i n e
م
منذر 2008 @user_114034 · 17-04-2010
اذا تبغى سيارة لمجرد السمعة فقط لا غير

اشتر تويوتا
ف
فتى الحسو @user_22939 · 17-04-2010
شوف وانا اخوك انا عندي دنيالي ومريح وحلو وفخم بس اقولك لك التويوتا افضل للسعر ولحبه عند الشعب السعودي
الدينالي فل كامل ب190000 يمكن بشاشات وبكل ماتتصور
الجي اكس ار لا شاشه لا مرات متحركه لا باب خلفي ريموت لا مراي تتصفط لا ولا ولا ولا هو حول مواصفات الدينالي بشي ابد والسعر gxr3 ب193000 وفيها
اخيرا التويوتا اختاره له وسلامتكم شكلي زودت حيرتك ههههههه