مرحبا يا اخوان
نظام ساهر نظام ممتاز من جميع النواحي
و لكن المشكله في المخالفات على السرعه
يعني لو كانت المخالفة على سرعة 140 او 160 واكثر اوكى ما في مشكله
لكن المصيبه ان الواحد ممكن تجيه مخالفه حتى لو كانت سرعته 50 او 60.. لان كل طريق مكتوب في لوحه عليه السرعه القصوى المسموحه..مثلا طريق مكتوب عليه السرعه القصوى 50 هنا الشخص الي يمشي ستين راح تجيه مخالفة سرعة بـ 300 ريال.. وطريق ثاني مكتوب عليه السرعه القصوى 70 هنا الي يمشي حتى لو 75 راح تجيه مخالفة سرعة قيمتها 300 ريال
وهذه المشكله الكبيره.. لو استمر هذا الوضع كل الناس راح تجيهم مخالفات سرعه يوميا.. لان اغلب الناس تتقيد بعدم تجاوز السرعه 120.. لكن السرعه القصوى في الطرق اغلب الناس ما تتقيد فيها لانها ما تعرف عنها اي شي..ومو معقوله ان الواحد كل ما دخل طريق يقعد يفتش ويدور عن لوحة السرعه القصوى عشان ما يتعداها عشان ما تجيه مخالفة.. وبعض الطرق اصلا ما فيها لوحة توضح سرعة الطريق القصوى
انا جتني مخالفتين سرعه كل وحده بـ 300 ريال يعني كلها 600ريال .. وانا في حياتي ما قد تعديت 120 لكني لما سالتهم تفاجئت وانصدمت ان المخالفة جتني لاني مشيت بسرعة 70 ووالطريق الي امشي فيه السرعه القصوى هي 60
نظام ساهر وكاميراته واجهزته كلفت المرور مليارات والظاهر المرور ناوين يخلون الشعب هو الي يدفع المليارات تكلفة نظام ساهر عند طريق المخالفات
