هل تعاملت مع وكيل كيا الجبر ... اذكر تجربتك بكل انصاف .

انا تعاملت مع الجبر ولي اكثر من تسعه اشهر وتعاملهم تمام والسياره ماتطول عندهم طبعا كل 5 الاف اسوي صيانه والسياره ماشيه الحين 24000 الف اكثر وقت جلست السياره عندهم 4 ساعات صيانة ال 20 الف ومره صار معي مشكله حساس يجي تحت دعسة البنزين وفعلا القطعه ماكانت موجوده جلست اسبوع لين وصلت بس كانت السياره تمشي طبيعي ولما وصلت القطعه اتصلو على تيلفون وجيتهم وركبو القطعه خلال نص ساعه طبعا عندي السيدي صار فيه مشاكل واخبرني مدير الصيانه انه داخل الضمان اي وقت اجيهم ويفكونه ويصلحونه او يبدلونه اذا مانفع التصليح وهذا تحسب لصالحهم لان اغلب الوكالات مايضمنون لك السيدي او الكاسيت
وقابلت احد الشباب عندهم معاه اوبتيما يعاني من نفس المشكله في السيدي وقالي صلحته عندهم ورجع عطل مره ثانيه وصلحه عند كهربائي في الورش ورجع عطل ورجعه لهم وكشفو انه اتصلح خارج الوكاله وكان لحظتها انا موجود وقال له مدير الصيانه راح نتغاضا عن الموضوع وندخله داخل الضمان ونصلحه
هذا بالنسبه للصيانه واعتقد مدير الصيانه له دور كبير في تعامله واخلاقه وتحمله للزبائن

اوما بالنسبه للتعامل في البدايه صراحه تاخرت السياره واضطريت اني اغير اللون والتامين تاخر شوي بعد
هذا تجربتي للاخوان اللي يستفسرون

نسيت اقولك اني تعاملت مع فرع الجبيل المنطقه الشرقيه

مساء الخير اخوي

انا بالنسبة لي ماشريتها من الوكاله شريتها من المعارض عن طريق شركه تأجير بس التعامل معهم يكون من خلال الصيانه وترجع المعامله على حسب الموظف
الى الان ماشفت منهم شي يذكر رغم ان سيارتي ماشيه 23000 كيلو سوى بعض الملحوظات هو عدم تنظيم المواعيد يعني لو يخلوها بالمواعيد افضل خصوصا للي مثلي من مكه واقرب فرع موجود في جده
والعيب الثاني هو بقاء السيارة عندهم اكثر من اللازم وقطع الغيار طلبيه
يعني مساعدات لسيارة 2009 غير موجودة!!!!!

اعتذر على الاطاله

نفس الحالة .......

موقف مشرف يشكرون عليه

يا ليتهم يتعاملون معي مثلك

أنا لي اسبوعين أنتظر الكادينزا وهم قالوا يومين وتستلمها ؟!!

تجربتي مع الجبر كان بتقديم طلب لسيارة موهافي 2010
وتمت الموافقه
واخبروني بان موعد تسليم السياره حيكون يوم الاربعاء توجهت لهم بعد العصر يوم الاربعاء
وقابلت احد الاخوان هناك ولكن اخبرني ان هناك مشاكل مع المرور حيث ان الحاسب الالى متعطل عندهم اليوم ولكن مر على مدير الفرع ( طريق الخبر الدمام ) وشوف وش عنده
استقبلني بكل حفاوه وتأسف عن هذا الخلل الخارج عن ادارة الشركة
وسلم لي مفتاح سيارة ابورس 2009
هذا الموقف الذي مر بي مع الجبر والى الان واموري طيبه ولله الحمد

انا اشتريت منهم سيارة كادينزا من 15 يوم للحين ما عطوني اياها

انا عندي باثفيندر و الوكيل الجبر في الشرقيه...
تعاملت مع تويوتا-هوندا-سوبارو اسوء ما لقيت عند نيسان الجبر
ادارة مخلخلة و اي قطع غيار تبغاه قال طلبيه بعد 3 ايام و صيانه موعد الى بعد يومين و لازم ترمي السياره عندهم من فجر الله الكريم. و ياعلم صلح لك او لا لانه عندي صوت جلست 3 شهور من ورشه الى ورشه في الدمام و الخبر و المقصد الى الجبر و عجزوا يلقون الخلل الى ان اعطيتها ورشه على راس الشارع قريب البيت و هو الي صلحها 50 ريال بس على قول الوالد الله يعافيه (يجعل الله الدواء في اخس الشجر)

تعاملت مع وكالة الوعلان وكان تعاملهم وطريقتهم حلووه
وتعاملت مع الجفالي ومعاملتهم حلووه
وتعاملت مع فورد توكيلات الجزيره بس ماقدر احكم ع تعاملهم لاني اعرف واحد في الصيانه ودخل سيارتي بدون موعد وكذا
تعاملت مع وكيل كيا ولللاسف فااشل
جيت استلم السياره ومندوب المبيعاات يقول بقشش العامل فلوس عشانه غسل السياره لك ؟؟؟ والتأمين بهذلني لين اخذته منهم

وكل وكاله لها عيوبها ومميزاتها

دام وكيلها زفت وانا ناوي على كادينزا فهذي مشكله
يعني بيقعد يذلني على الضمان 5 سنوات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياحليل وكلاء هيونداي

ما عندي مشكله اصبر شهر شهرين بس اعرف مواصفات السيارة سعر السيارة ومعاملة كويسه اما مسألت لعب وخداع على الناس هذا اللي ما يشجع على اقتناء السيارة والا في نفسي كشكل الكادينزا افضل بمراحل من الفورد لكن استغفل الوكيل للشعب يقهرك حتى وان كنت قادر اشتريه بالسعر اللي واضعه هو ليش ارضى انه في اخرين عقدو الامل عليها بعدين تلاعب باعصابهم ...


عرفته ليه يا اخوي ...

لما ترجع الاسعار للنص فل 88 والفل 108 انا بكون اول من يحجز السيارة وانتظر 3 شهووور ما هي مشكله ..

في وجهة نظري لااااااااااااااا

الفورد ممتازة لكن نفس المشكلة غيرمتوفرة حتى بالعرض
الكادينزا جديدة ومواصفات عالية وشكل مميز طبيعي يكون فيه نوع من الربكة في بيعها لأن السوق متعطش لسيارات من هذي النوعية الفورد تورس حصل نفس الكلام دفع عربون وتنتظر شهر أو 2 ممكن تجيك وممكن تنباع قبل لا تجيك

صدقت الوكيل اولا

والله شلت يدي عن كادينزا
مستانسين فيها
كل يوم سعر
والي خلااني اشيل يدي عنها زياااده الوكيييل
من جد لا ينغر احد بشكل السياره بعدين تتوهقون فيهااا اول شي شوفو الوكيل بعدين
فكرو بسياره
..

شباب وش رايكم في الفورد تورس لاني قررت عدم شراء الكادينزا لما شفت اسلوب الوكيل كذا ؟

بعد اسعارهم حول للفورد على طول

انا كنت راغب جدا و مجهز فلوسي كاش لشراء كادينزا الجديدة

لكن بعد ما رحت بنفسي و شفت تعاملهم الزفت و اسلوب موظفين خدمات العملاء اللي المفترض يكونوا واجهة الشركة غسلت يدي منهم

للاسف يا الجبر خسارة فيكم وكالة الكيا

يمكن احول للفورد توروس لكن نصبر و نشوف و شمس تطلع خبر يبان

^^^^^
والله مشكله اذا كان تعاملهم كذا والان كثير من الناس يرغب في شراء الكادينزا

انا امتلكت سيراتوا 2009 الشكل الجديد
و
اوبيروس 2009 ومازالت اعلاناتي عنهن موجودة في بعض المواقع بسبب عدم حذفها
الجبر هوالسبب الأول والثاني والعاشر لبيعي السيارتين
صيانةغير منظمة قطع غير موجودة الا طلب رغم المبيعات اليى حققها في 2009 و بداية 2010
مشكلة الصيانة مو انا الحالي تدخل تطلع السيارة ماسوو شي
زحمة من سواويق العوائل للفانات امسك سرا تجي تلقاهم السواويق مصبحين قبلك
انا دخلت الأوبيروس في رمضان بس 5 مرات على مشكلة بسيطة
انا بعت السيارة بخسارة 10 الف في شهر ابي الفكة من هالوكيل الي وعلى رغم من امتلاكي لسيارات كثيرة خلال 10 سنوات الماضية لم اجد وكيل افشل منة ومن سماكوا وكيل فلكس واجن
دايم السستم عطلان القطعة ماهي موجودة مافية شخص مفتي للأعطال عندهم مايدرون من وين يبدون تحس انهم جابو موظفين وشغلوهم بالصيانة وسدوا شاغر بس تسئل يعرف او لا مايهم عندهم ناس وضعت في اماكن خط يحتاجون الى ايد خبيرة
رح وقف عند الصيانة واسئل الزباين واجمع ارئهم
توبة