ارجوا من الله ثم من المساعدة انتم اخر امل ..

skull-boy @user_131409 · 22-06-2010

السلام عليكم ورحمة الله وبركاته ..
تكفا يا اخوان ابي اللي يعرف يساعدني ..

اخواني ابورد لكم كل خرابات موتري اللي هو كابرس 92 ( صابونة ) بخاخ ..
اول شي سويت توضيب للكابرس والقطع انا اللي شريتها من الالف الى الياء ..

قعدت معي الكابرس شهر .. بعدها بدا القير يخرب علي ..
وسويت توضيب للقير والله ثلاث مرات ..
المرة الاولى قعد معي ثلاث شهور ثم خرب .. والمرة الثانية شهرين وخرب ..
المرة الثالثة كانت ع الضمان وقعد والله اقل من شهر وخرب والى الان خربان ..

غير هذا انا اذا شغلت المكيف احس ثقل بالسيارة ..
نفس الشي اذا طفيته اسمع صووت تنسيم تحت ..
برضوا عندي تقطيع بالموتر ومرات تطفى علي .. نفس الشي اذا كنت عند اشارة وفجاة دعست بنزين تطفى ..
واسمع صوت كثل الطقطقة عند الديلكو..
السير عندي نفس الشي انقطع اكثر من مرة ..
ومرات اذا وصلت السرعة 80 احس السيارة تفصل
لازم ادعس عليها عشان تمشي ..
وفي الايام الاخيرة صرت اشغل المكيف تطفى علي السيارة..

رحت لاكثر من ورشة والله ما عرفوا خراباتها وكل واحد يعطيني كلام من عنده ..
ابي الحل منكم تكفون يا اخوان تكفووون ..

في مكان اقدر افحص فيه السيارة من الصدام للصدام ..؟؟؟؟
عشان اعرف كل خراباتها واصلحها ..
لاني صراحة ماودي ابيعها ,,
داري طولت عليكم بس والله من القهر اللي فيني ..
ارجوا منكم رجاء خاص مساعدتي في الحل ..

وشاكر لكم جميعا ..

anas2912 @user_47197 · 22-06-2010

وعليكم السلام ورحمة الله وبركاته

يبدو أن سيارتك محتاجه تصفيه - والجربوكس لو حصلت فني ممتاز افضلك التوضيب او خذ قير من التشليح مافك

MTS @user_226444 · 22-06-2010

بصراحة انا كان معي مثل سيارتك وكان كل يوم او كل فترة شهر او اقل بيتعطل وماارتحت الا لما غيرتله قير كامل من التشليح حجمه700 وبعدها والحمد لله ظلت عندي سنتين لما بعتها وهي مية مية

اما المحرك فمثل ماتفضل به الامير عليك بالفحص وتبديل الفلاتر او اذا لزم الامر غير البخاخ نفسه

الله يسهل امورك

skull-boy @user_131409 صاحب الموضوع · 22-06-2010

لا اويلاوو موب معطينه عيين ..
لا تخاف . موب كلش عيين ..

مشكووور ع المساعدة ..

أمير البحار @user_49060 · 22-06-2010

ممكن السياره عاطينه عين صلحه وبيعه

skull-boy @user_131409 صاحب الموضوع · 22-06-2010

الله يعطيك الف عافية اخوي M~أمير بكلمتي~M
والله افدتني وشاكر لك من قلب يابعدي ..

M~أمير بكلمتي~M @user_58367 · 22-06-2010

وعليكم السلام ورحمة الله وبركاته

مثل ماقالك الأخ أهلاً أهلاً ,, لابد من أصلاح القير واغلب مشاكلك الي تم ذكرها من ضعف في العزم

وكانها تفصل في الخط كلها متعلقة في القير ومن المفترض القير حاجه حساسه وخاصة في اصلاحها

انك تحافظ على تغير الزيت تبع القير وايضاً يجب اصلاحه في ورشه ذات خبره ومعروفة في الأصلاح

وتعطي ضمان ممتد لمدت سنة مثل شركة ترايستار ,, اما بالنسبة للتفتة وغيرها

قد تحتاج السيارة الى تصفية كاملة من تغيير :

بواجي - صفاية بانزين - تنظيف حساسات الهواء - تنظيف البخاخات - ... الخ

ايضاً حاول تفحص مدى سلامة ضغط طرمبة البانزين وايضاً وزنية الديلكو تكون مضبوطة

والسير لازم تغير بنوع اصلي واذا كان ينقطع كل فترة فهناك مشكلة من احد البكرات

او بكرة الكمبرسر مجيمه و لا تخلي السير يدور بشكل سليم

أخوكـ

skull-boy @user_131409 صاحب الموضوع · 22-06-2010

مشكور يا اخوي اهلا اهلا ..
بس حبيت اسال في مكان تنصحني فيه اروح له ..
في ورشة تفحصلي الموتر من الصدام للصدام ..
ودي اطلع كل خرابات الموتر واعرفها عشان اقدر اصلحه ..؟؟

وشاكر لك يا خوي ..

اهلا اهلا @user_56982 · 22-06-2010

برايي :

بداية حاول تصليح القير او تركيب اخر وضعه جيد , وبعدها
يمكن البدئ باصلاح باقي الاشياء .

وعلى كل حال وبالنسبه لبقاي المشاكل التي ذكرتها بالسياره :

حاول تفحص يمكن يلزم اجراء صيانه
عامه للسياره مثل بواجي وفلاتر وزيوت ... الخ .

وبالتوفيق .