بالنسبه لزيت المكينة

أفتكر مرة شفت عند واحد بنشر زيت مدري شسمه يمشيك 40000 كيلو !

لكن أكيد قيمته مرتفعة

هلابكم والله انا اللي اشوفه ينفع بهالصيف وبالسعوية بغض النظر عن الزيوت التخليقيه هي زيوت بترومين العادية افضل من شل وسوبر جي تي المعاد تكريرها بجده لكن بترومين صنعت بالسعوديه وعلى اجواء السعوديه مطابقه للمواصفات عندنا ورخيصه وتخدم حتى 8000 كم بدون اي مشاكل بالصيف لكن بشرط كل تبديله بسيفون انا جربت بترومين الترا7 حلو ويمشيك 7 الاف بالراحه وجربت ارخص زيوت بترومين بترومين اكسترا والله ماشفت زيت مثله مشيته اكثر من 8 الاف ورحت للبنشري وقلت له شيك ع الزيت قال لي باقي فيه شوي قلت له توه ماشي 4000 مغير السيفون معه قلت ابي اشوف البنشري كذاااب ولا لا قال لي يمشيك من 1500 الى 2000 طبعا مابعد اسود مرة ولو قلت له ماشي 8000 كان قال لي غيرة ع طول والله وكملت مشواري للرياض وغيرته بالرياض واحصله عند البناشر ب14 ومحلات الجمله ب9 ريال ولكن فيه ميزة لونه مايقلب بسرعه ولاينقص اذا مشيته اكثر من 5000كم يعني مناسب للسيارات الامريكيه للي يشتكون من نقص الزيت فوق 5000 كم وبالتوفيق للجميع............

افضل زيت زيت موبيل1 يمشي اكثر من 20 الف كيلو بس سعره غالي عند محلات الجمله سعره 32 ريال عند البناشر (ابو يمن) 50 ريال لو تحسب يطلع ارخص زيت موبيل

:xyxthumbs:

و هذا الي أتعامل فيه من زمان.

و في البرد: 10w30

والله من واقع تجربه شخصي ياخوان افضل زيت بترومين الترا سفن 20w-50

طيب اخوي موبيل ون كم يمشي ؟ وكم لزوجته !!

نصيحه ولاتبخل استخدم زيت موبيل 1 افضل زيت راح تشوف الفرق لو سيارتك شغاله اسبوع كامل

روحت لمحل بترومين وكلمت الموظف...الخ قلي عندنا نوعين من شركة بترومين

الاتنين تمشي 15-20 الف كيلو...بس والله ماسالت ايش الفرق بينهم

والعلبه الوحده تطلع بي 45 ريال
انا احتاج 6 علب+سيفون=308 ريال >>غالي :bigggrin:

وفي هناك واحد سعودي جلست اتكلم وياه نصحني بزيت التره مدري ايش اسمو المهم قلي يمشيك 6-7 الاف 20w-50w...وانشاءلله بكره بغير الزيت

مثل ما ذكرت أعلاه. في الصيف استخدم 20w50
بحثت الآن في النت و وجد موقع سيارات بالإنجليزي:
http://cars.cartalk.com/content/advice/oilchanges.html

يقول لك غير الزيت كل 5000 ميل و ليس كيلو !!! يعني بالضبط كل 8350 كيلو.
يعني حنا مدلعين سياراتنا بقوة !!! و العامل الي في الورشة يقول لك غير كل 2000 أو 3000 !!!
حسبي الله بس :a1120(82):.

و إن كان تبغى شيء يمشي أكثر من 5000 كيلو
عندك الزيوت التخليقية تمشي 15000 كيلو بس أذكر انها غالية ما أدري بالضبط كم سعر اللتر.


صحيح :xyxthumbs:


كلام صحيح 100 % و حتى مع السيارات القديمة يمشي 5000 بالراحة,, فلا تقلق.

عفوًاأخي الكريم أنت مبالغ في تغيير الزيت. ما فيه داعي كل 2500 كيلو,, زيادة مصاريف بس.
غير كل 5000 كيلو و أنت حاط رجولك بموية باردة.
انظر الرابط الي ذكرته قبل شوي علشان تغير رأيك :c0214: و بالتوفيق..

انا استخدم زيت BP فيسكو 3000

اغير الزيت على 2500 كم ....هل كذا كويس او ممكن اغيره على اكثر من كدا؟؟؟

سيارتي هونداي توسان 2009

استخدم زيت فوكس وأغيره 5000 الف كيلو والزيت لحد الحين فيه لزوجه وأشقر على الخفيف للعلم المكينه ماشيه اكثر 400 ألف اتوقع انه يمشي اكثر من 5000 للسيارات الجدد

انا استخدم زيت سوبر جي تي 20 دبليو 50 العلبة البلاستيكية السوداء واغيرة كل 000 5 كيلو متر مع الفلتر وسلامتكم

طيب اخوي سوبر لاسمحت انا عندي كلزلر 99..كم عيار الزيت

وابى اكتر زيت يمشييني ((بالكيلو)) لانو انشاءلله بكرا بغير زيت السياره >>اليوم بشيك عليه

ممتاز سوبر جي تي و ما عليه :xyxthumbs: . و أحب أفيدك بمعلومة:
لا تنسى في اتلصيف إنك تستخدم العيار 20w50 وليس 10w30 المخصص للبرد.
و الي يقولك إن العيارات هذه على حسب موديل السيارة و حالة المكينة... فهو ما عنده خبرة!
الأرقام هذي علميًا لها علاقة بدرجة الحرارة و ليس حالة المحرك قديم و لا جديد.
أنت خلك أخبر من أهل الورشات بكل مجال,, لا أن يفرضوا هم آراءهم عليك.

للمعلومية و التنبيه فقط.

طيب يا اخوان رايكم بزيت فوكس سوبر جي تي

امشي فيه الى 5500كم

على نصيحة واحد من الشباب هل هو بجوده عاليه والا اغيره؟

زيت بترومين ألترا 7 يمشي 5000 كيلو بالراحة. أستخدمه من زمان و على عدة سيارات.
و الحمد لله ما شفت إلا كل خير,,,,, و المكينة ما شاء الله نظيفة و بحالة جيدة بالرغم من المسافة الكبيرة في كل السيارات المجربة.

لكن لا يزيد عن 5000 كيلو بالذات في الصيف.

مالك الا زيت Synthetic , مثلا عندك Castrol Magnetic وغيره من الزيوت التخليقية.
يمشيك 10,000 بس شيك على مستوى الزيت.
استغرب من الي يمشي بالزيوت العادية 7000 \ 10000 كم, هذي احد الاسباب الي تخليني لا يمكن اشتري سيارة مستعملة.

تغيير الزيت مشروط:
1- نوعية وجودة الزيت المستخدم
2- نوع المستخدم ( اقصد السائق )
3- المسافه المقطوعه
4- فحص الزيت ( لون ولزوجه ) اسبوعيا

والله الموفق